原因~

今次去旅行, 原本係我想一家6口去! 不過, 後嚟我諗諗下又唔多想, 因為一有奶奶係到, 滕滕就真係好曵! 再者, 我想比奶奶知, 唔係我地次次去襯邊都一定會搵埋佢去!

其實本身奶奶冇咁嘅要求, 佢亦都冇比壓力我話最好同埋佢去, 不過我知道, 一次係咁,二次係咁, 咁第三次就變左老馮, 所以臨報團之前我就同老公講, 今次我想只係一家三口去!

臨上機前一日, 老公話要聽朝再打多次比佢亞媽提醒佢我地唔係香港, 費事奶奶無啦啦又拱入嚟, 話說完, 佢就同滕滕講: "下次我地去旅行, 同埋嫲嫲公公婆婆一斉去好唔好呀?!"

而且, 係馬來西亞嘅第二天, 佢又再講多次, 出年去旅行要同埋嫲嫲公公婆婆一斉去!

聽到老公咁講, 好恩惠, 但係又好矛盾, 因為即係以後去旅行都要一家6口??? 唔係嘛?!  另一方面又覺得好感恩, 因為知道老公有孝心, 而且佢仲明白, 佢老婆我, 亦都唔會唔理我老豆同亞媽, 帶埋佢亞媽去之餘, 亦都諗住同埋我老豆亞媽一斉去~ 而呢樣嘢, 就係當初我欣賞佢, 同佢一斉嘅原因!!!