每兩個星期, 學校會有手冊比我地去tick滕滕係屋企嘅表現係做到or做唔到, 而有一欄就係問"做功課需唔需要指導"!
而係呢個月開始, 我有時會同滕滕講, 叫佢放學番嚟做左功課先(如果佢識的話), 不過佢就答我想等埋我番嚟先做! 因為我放工番到屋企都唔早, 如果再同佢埋功課, 咁我地溝通嘅時間會少左!
所以我就係手冊到mark抵"做功課唔需要指導, 但需要陪同!"
呢個星期一, 下午我打電話番屋企, 滕滕同我講話想做完功課先瞓覺! 好~ 更係好啦, 主動話做功課喎!
星期二, 我又打電話番去問佢有冇做功課, 佢話唔記得喎, 不過瞓醒左, 都自己做番喇!
尋日星期三, 我下午又打番去問滕滕做左功課未, 點知條友仔答我: 更係做左啦!
做媽咪聽到個仔咁答我就真係好開心囉! 我真係好希望滕滕以後都真係可以自動自覺咁去做功課, 因為我唔想好似有D人咁, 番到屋企就陪仔女做功課做到半夜三更, 連一D溝通時間都冇晒呀! 因為我仲有好多故事書要講架!
而家啲父母有啲真係痴線架，唔洗做功課就去學呢樣學個樣，無8,9點都唔洗返屋企
回覆刪除[林林回覆10/26/2012 12:37:30]無無無，唔似，完全唔似
有時呀，文字上睇唔到語氣同身體動作，好易令人誤會嘛，所以打死老虎都要講清楚先
[版主回覆10/24/2012 15:17:56]唔使驚, 我唔係話你影射我, 而係我覺得係似我迫滕滕啫, 冷靜, 冷靜!
[林林回覆10/24/2012 14:51:50]似咩????講明先，絕對無影射成份，千億萬唔好唔會我，多謝!!!
我係唔明，點解個女講到明唔鍾意，佢都要迫佢，我堅怕佢個女會自殺，一個7歲小朋友同我講，佢好大壓力...我真係O咀，唔知點同佢繼續講嘢!!!
[版主回覆10/24/2012 12:58:40]你最尾嗰句, 點解咁似我迫滕滕去玩嘅
[林林回覆10/24/2012 12:00:37]識撚，(真係唔好意思，唔講粗口都唔得)迫到個女痴線咁滯，帶個女出黎痴我地班朋友多過阿媽，每次出黎趕頭趕命話要帶個女學乜學物，最慘係個女唔開心，成日提住個句 : "以前我想學都無得學呀，而家比埋錢你去學都唔珍惜"。我每次聽到佢咁講，我一定回佢，你咁撚想學咪自己而家去學囉，做咩迫個女啫...
[版主回覆10/22/2012 16:27:25]咁你個FRD都幾識善用時間喎!
[林林回覆10/22/2012 15:47:22]係呀，佢講嘅
[版主回覆10/22/2012 14:20:14]去到小學都冇咩功課做?
[林林回覆10/22/2012 13:03:56]我有個朋友個女讀沙田(唔記得邊間小學)無乜功課做架，但我個朋友一日到黑迫個女學呢學路，最新消息係學織冷衫，頂!!!!呢啲中學先學啦~~~
[版主回覆10/19/2012 14:59:42]我表姐嗰兩個女讀緊P.3, 每日就最少5-6樣功課做, 其實一D都唔少架!
同埋, 有D名校有功課做之餘就係好似我所講嘅學校仲要求參加最少兩個興趣班!
所以而家讀書真係幾辛苦!
[林林回覆10/19/2012 14:26:47]唔係呀，唔洗做功課意思係學校無功課比佢地做呀
兩樣興趣班啫，兩個鐘學晒啦，洗唔洗日日攪到咁夜呀?!
[版主回覆10/19/2012 12:50:35]你又唔知喇, 功課係一定會做左先, 係做完先去學嘢! 同埋, 有D學校係規定學生一定最少有兩樣興趣班架! 所以跟本D父母痴線得嚟, D學校都一樣!!!