去完旅行番嚟之後, 滕滕唔知仲咩事乜都話唔好, 仲成日黐身都死!
尋日學校攪扮演唔同角色, 可以著便服扮嘢番學, 朋友就見我要番工, 所以就幫我買左件超人衫喇!
前晚初初都好好地, 點不知尋日朝番學前叫佢換, 佢就死都唔肯, 仲係到喊話唔想扮嘢!
我唯有氹氹氹啦, 又比朋友仔張相佢睇, 話個個都扮嘢架, 扮超人幾好吖, 因為超人係會幫助有需要嘅人, 好多人鐘意架! 又撞啱老公朝早放工, 可以同佢番學先攪得掂咋!
今晚, 無啦啦又嗲到死喇, 比老豆話左一句, 就攬住老豆係到喊!
聽日去玩消防員我都唔敢同佢講, 只係話聽日同佢出九龍塘玩咋, 不過佢就同我講: 我聽日唔想去玩呀~!
唉~ 真大獲! 玩都話唔想去!!! 咩事先???
你同佢傾下點解唔想，每樣都有原因架...
回覆刪除[林林回覆10/26/2012 12:34:12]佢仲細呀大佬~~~
[版主回覆10/24/2012 15:25:09]咁佢係男仔, 唔可以個膽咁細, 同埋, 我唔想佢做裙腳仔, 下下都要亞媽一斉先夠膽去做囉!
[林林回覆10/24/2012 14:47:33]咁好明顯啦，你就唔好話佢喇
[版主回覆10/24/2012 13:05:36]係呀! 佢真係想樣樣嘢都同我一斉呀! 但係, 有時真係冇可能呢!
[林林回覆10/24/2012 12:04:10]係啦，或者佢個目的只係想同你一齊呢，你帶佢去沙灘佢都無話唔想架!
[版主回覆10/22/2012 16:25:39]下次問問佢想唔想去先!
[林林回覆10/22/2012 15:36:33]咁你比選擇題佢揀，揀到啱佢心目中意思，如果再咁落去，乜都唔洗玩之餘，仲不斷嘥你錢嘛~~~
[版主回覆10/22/2012 14:30:33]我次次事後都有問番佢仲咩前"今朝"or"今日"唔想咁, 佢例牌答我: 我都唔知架喎, 唔想咪唔想囉~!