出口術~

我好相信滕滕唔會無啦啦講囉!

因為聽日我地就出發去旅行喇, 之前滕滕已經問過我去旅行同唔同姐姐去, 我答佢唔同, 只係我地一家三口去! 但係今晚放工番嚟, 滕滕又再問我喇!

滕: 媽咪~ 我地去旅行, 姐姐係屋企會好驚架, 不如同埋佢一斉去吖?!

我: 姐姐唔會驚架喎!

滕: 更係唔係啦! 佢真係會好驚架!

我: 姐姐真係唔會驚呢~ 更何況得3個位, 只係可以你、我, 同埋爸B 3個人去! 咁點帶佢去啫! 一係咁喇, 我帶姐姐去, 你留係屋企喇!

滕: 仲咩只係得3個位啫? 點解只係3個位咁蠢架, 更係4個啦!

我好肯定囉~ 唔係個工人同滕滕講, 只係得佢一個係屋企會好驚, 咁滕滕點會死都要話同埋佢一斉去啫!