爆眼!!!

好番多d, 就又係到攪攪震, 越叫就越整, 整到件衫條領wear 晒, 換左件衫條領窄d都仲要咁整!

話比人知佢今日啱啱先退燒, 都唔知有冇人信!

叫極唔好, 都仲要搬晒d衫出嚟, 執完又攞番出嚟又執過!

佢病一次就話長骨啫, 但係我就好似辛苦左成個星期咁-看馬騮咁!

跟住夜晚就比我堅o趙左兩次! 1. 成日擒枱面, 攪到佢碗粉倒晒落地! 2.臨瞓前支奶, 死都唔飲, 含住係個口到, 跟住就專登噴落張床到!

滕滕, sorry, 媽me真係唔o趙你唔得!!!

古語有云!

古語有云, 經一事, 長一智, 係啱架!

尋晚滕滕如常係兩點幾開始發燒, 同佢食左退燒藥, 都係好少少, 所以成晚我就不停咁同佢抺面抺頭嚟降溫!

到今朝6點, 就可以食消炎藥先可以瞓到十點幾咋! 我見咁樣唔係辦法, 所以下令唔開冷氣, 等佢出左身汗, 就先開始冇發燒!

下午, 滕滕嗲到要我抱住先肯瞓, 仲要係唔比我郁, 唔比我放手, 唔比我放佢落床, 仲要我揇實佢, 整整坐左係張sofa 到成粒鍾, 至直我個fd嚟到, 佢先起身!

醒左之後, 同佢玩左一陣, 又出晒成身汗, 我估應該再好d卦!

經一事, 長一智, 套係隻豬仔身上, 可以話係, 經一病, 就曵一倍! 

因為我見佢, 而佢亦覺得好番d, 就開始痴左線!

個工人係到抺地, 佢就張sofa 推左出嚟, 跟住又推番入去, 真係力大無窮, 因為張sofa  唔係輕, 而且不斷咁擒囉, 係擒窗花, 擒上枱面, 又擒上去兩個疊起左嘅膠箱上面, 跟本就鬧極都唔停!

睇到佢咁癲, 我估今晚唔會發燒喇卦~

可憐豬仔!

今日一番到嚟, 奶奶先同我講滕滕今日持續微燒! 一聽到, 真係一個迷, 有乜奶油全DAY 未停過發燒都唔話比我知先得架, 我叫奶奶入嚟, 都係想佢同我睇住滕滕之嘛~ 真係一個迷, 亦都好無奈囉!

尋晚兩點幾, 滕滕已經開始有燒, 因為DR 講過一日四次藥, 白天食左四次之後, 夜晚就唔好再食, 因為4次已經係max., 所以我見滕滕發燒, 我就只係比左退燒水佢飲, 但係飲左都唔係好退, 過左一陣, 我就同佢沖涼喇! 沖左好似好d, 不過都仲係有燒, 但係就可以瞓到下, 但係到5點, 滕滕就燒到pang pang聲, 所以又一次去沖涼, 而呢次沖涼, 滕滕就唔肯落水, 因為佢係咁話好凍好凍, 我相信佢真係好唔舒服, 因為佢嗰時個身成個火爐咁!

我見就嚟天光, 我都忍唔住比佢食晒dr開嘅藥, 到左7點, 見燒都退咁小小, 我就叫佢再瞓, 因為我打算同佢一斉瞓多兩個鐘我就番工, 不過到左8點半, 佢就發惡夢醒左係咁話好驚, 跟住就唔瞓, 亦都唔比我瞓!

因為尋日朝睇完醫生, 食左一次藥之後, 滕滕都冇再有燒, 但係今日就持續微燒, 所以我就二話不說咁襯住dr仲有15分鐘關門, 就即刻去睇多一次!

啱啱食左新藥, 希望今晚半夜唔好再發燒啦, 因為連續兩晚都冇乜點瞓, 我都好攰呀, 好彩, 聽日星期六唔使番工咋!

豬仔, 你要乖快d好番呀, 媽me見到你發燒又喉嚨痛咁辛苦, 我寧願我病唔係你呀~!

我蝕左囉~

今朝十一點幾, 有個新客打電話嚟話佢想睇下我公司d item, 問我可唔可以今日見佢, 當然可以啦, 有機會有生意做喎! 我答左個客ok之後, 佢就話時間佢就我, 佢話比我知佢咩酒店, room no. 係幾多! "room no"? 我一聽到, 就約佢係lobby instead of his room!

去到一見到, 就傾公事上嘅嘢, 而傾晒, 好循例上我問佢一年嚟幾多次係hk之類, 而且我叫左杯coffee比佢, 就叫佢飲啦, 係呢個moment, 佢就開始喇!

佢話佢鐘意飲 whisky, 問我鐘唔鐘, 佢房有! 我答佢我唔好酒, 同埋要take care my baby, 所以我唔飲! 跟住佢又問我個仔幾多歲, 我答佢兩歲, 而且好曵, 跟住佢就問我我老公nau 唔 naughty! 佢咁問, 我好confused, 佢睇見我個樣, 佢就話, 我老公會唔會出去滾, 鐘意搵女人! 因為如果我係佢老婆, 有個咁靚嘅老婆, 佢一定唔會出去搵女人, 只係鐘意我一個! 跟住, 又不停咁話我真係好靚, 好後生, 因為我咁細個就生仔就太可惜(佢話我似19歲)! 而另我最反胃, 就係佢話我笑起上嚟, 個咀真係好sexy 喎! 好彩未食飯, 如果唔係, 真係午飯都嘔番晒出嚟!

我見到佢越講越high, 我就話我仲要番公司做嘢, 臨走, 仲要goodbye kiss!

我都有試過同d客goodbye kiss, 不過因為呢個心術不正, 見完之後, 我覺得蝕左! 真係蝕左!

病倒了!

尋晚滕滕瞓到十二點幾, 係睡夢中佢同我講個喉嚨痛痛, 第一次以為佢發夢, 點不知過左一陣, 佢又再講多次! 我見到佢咁, 我都覺得佢唔妥, 已經同老公講如果聽日個仔唔舒服, 就叫佢同佢去睇醫生喇!

點不知凌晨四點幾, 滕滕真係發燒, 一探已經102喇! 好彩屋企有退燒藥咋, 比左佢食就再瞓番, 晨咁早8點就出門口去dr到攞籌睇醫生!

同滕滕睇完醫生, 食左藥, 佢好似已經冇晒事, 而我, 就唔知點解成身軟晒, 個頭又痛番, 所以原本諗住番半日, 但係最終都係上左車打比老闆, 跟住就落番車番左屋企, 因為老公叫我唔好番工抖下!

以為放半日可以番去抖下, 點不知番到屋企食左小小嘢, 一上床隻豬仔就醒左, 而且仲唔比我瞓, 我話瞓床, 佢話唔得, 瞓sofa陪佢, 都話唔得, 我叫個工人同我按摩個頭, 佢又話唔得, 我Q埋隻瞓HEA係sofa到, 佢都唔比, 我要將雙腳放係地下!

咁嘅情況, 就知我今日咁早番屋企, 跟本就係冇得瞓!

Good News~

通常一番到屋企, 我一入屋, 就會問滕滕今日有冇曵? 今日有冇瀨尿呀?

今晚如常一入屋都係問呢兩條問題, 但係就有suprise 喇, 因為今日姐姐答我, 佢今日每次痾尿都有同佢講, 話要痾v v!

嘩~! 真開心, 終於見到光明喇!

豬仔! 你好叻呀, 你終於都明白&知道, 自己已經開始大個仔, 唔可以成日用片片, 同埋痾v v 要出聲喇, 真叻豬!

真係咁可悲~?

今晚見到個同學係fb個status 到投訴佢老公好少時間係屋企, 番嚟又卦住講電話, 同仔女&自己嘅溝通時間越嚟越少!

見到之後, 個心灰左一灰, 因為自己都生左一個, 生左一個之後, 同老公嘅關係已經有所改變, 變左冇咩時間二人世界, sweet 都唔好講, 連有時想傾下計都冇乜機會, 因為大家一上到床, 唔係我就係佢, 都已經好快瞓著! 再講, 自從有fb之後, 老公就好多時番到嚟都係打機、打機& 打機! 佢有次問我, 點解滕滕成日都要住我, 我就答佢, 更係啦, 佢晚晚都同我瞓, 我放工番嚟就同佢玩, 上左床我地就睇一陣書仔, 又唱下歌, 請問你做過d咩呢, 佢唔黐住我, 唔通黐你咩! 我講左呢番說話之後, 老公開始有小小改變! 唔係對我好左囉, 而係對個仔好左!

人地唔知就以為生左個bb, 應該係一家好幸福、好sweet, 好似好完美家庭咁! 其實我都想啦, 嗰d完美家庭, 只係限於唔擔錢, 生活無憂嗰d囉! 生活無憂, 我都想想地, 不過都只係想想地咋, 因為到左生活無憂嗰時, 個老公又唔知變左點喇, 都有講啦, 男人有多d錢就身痕架喇, 就好似我以前公司d sales 咁, 未搵到就同老婆好好, 見佢由開始搵到, 到搵到好多之後, 就成日上大陸叫雞, 就連同事都唔放過, 都要揪一揪水!

我朋友, 有兩個小朋友, 我生一個都已經鬼死咁唔得閑, 佢兩個我就更加想像到佢有幾忙, 因為個工人又走左未到, 又要番工, 不過好彩份工唔使一定要番公司, 所以先可以留係屋企睇住對仔女, 而佢老公, 就早出晚歸, 番到嚟d仔女都已經瞓晒喇, 所以我都好明白佢幾想佢老公係屋企, 就算幫唔到多嘢, 起碼都想佢睇下對仔女, 希望放鬆一下都好!

有陣時同家姐傾開, 都講究竟生多個, 係唔係真係咁worse, 係唔係同老公嘅關係越嚟越唔好呢?! 講真, 有幾多個男人真係可以幫到手湊仔吖, 幫小小都已經好好啦, 既然自己個老公都唔係有咁多耐性去幫手睇仔, 咁係唔係生多個就更加多問題產生呢?! 我有時自己都係到諗, 老公成日都要番工, 好多嘢都係自己攪掂, 如果生多個, 究竟自己承唔承受到嗰種壓力先?!

唉! 人生有時真係好可悲, 人地睇生左一個就好似好幸福, 再生多個就好似好完滿, 但係佢地又唔知生左一個個壓力已經好大, 再生多個d壓力就仲多, 雖然生左真係好開心, 但係又有另一方面嘅煩惱呢, 所以係唔係真係有咁多嘅happy family 先!

成家都傻~

我想問, 仲有冇小朋友鐘意咁樣比人攪架???

呢隻豬仔, 唔走不突止, 仲要坐定定比人攪~ 最攪笑就係個老豆做攪, 亞媽做影, 個仔被攪, 全家都好開心!

成家都傻架~!!!

人都癲!

嚴格嚟講, 我係星期四凌晨開始, 係頭痛到醒左, 至到頭先8:30 , 個頭都仲係痛緊! 星期四五六, 食左兩日幾藥, 但係都冇止痛過, 只係減輕左小小, 而今日, 就冇咁慘喇, 都可以唔食藥都頂得到, 但係去到頭先8:30就頂唔住喇!

頭痛, 成個人冇晒心機, 乜都唔想做唔想郁, 原本想同滕滕去市中心買嘢, 結果都係冇去, 個人冇mood到出街都唔想理自己個樣~

舒服晒!

今日, 我終於同左馮小姐傾過! 原先, 我係MSN到同佢講, 講晒我對佢工作上嘅問題, 馮小姐睇完之後, 佢都好直接咁同我講, 佢都想同我傾下, 因為佢都想知道點解呢段時間我咁對佢, 所以佢就係MSN到問我, 佢想直接面對面同我講!

佢一開場, 就話佢都想了解下, 因為佢覺得自從我去完旅行番嚟之後, 我對佢態度, 係明顯唔同左! 佢講完呢兩句說話之後, 就開始忍唔住係到喊, 佢話因為佢都好唔開心!

我聽到佢咁講, 我都好直接咁話, 我唔想同佢講嘢, 係因為佢好似似住我地係FD底, 所以就好多時個態度, 都好有問題! 而我亦都話, 如果大家平時都係保持住呢個溝通方式, 我覺得做嘢會好D! 跟住之後, 我就一五一十同佢講佢嘅問題係邊, 我對佢工作上有咩不滿!

我講晒出嚟之後, 問佢覺得點, 係呢一刻, 佢好似開心左, 仲笑左出嚟話, 佢而家知道佢有咩問題, 佢終於解開左佢心目中嘅迷, 因為我唔講佢真係唔知, 同埋佢話佢以後唔會再死撐!

BLOG友問我, 我聽完佢講, 我有冇心軟! .......我再諗一諗, 我有小小驚! 因為我同馮小姐講晒我對佢工作上嘅不滿之後, 我怕佢開始同我講番佢D私人嘢! 因為佢D私人嘅, 我真係唔係好想聽, 講嚟講去都係嗰D, 而同佢講左佢可以點去解決佢又唔去做, 我個人本身又抵唔住頸, 聽到唔啱又忍唔住出聲, 但係馮小姐又要照舊唔去解決, 所以咁樣我會好忟, 我就寧願唔想知唔想理!

而心軟, 好似唔係好覺, 因為係佢本身個人自私到我真係唔想再同佢做FD(而呢樣嘢, 我亦好相信馮小姐係唔知佢激嬲左我D乜)! 而家, 我諗我要見步行步, 睇下星期一點.............

矛盾~

而家, 有時每個星期我都會搵一日約朋友出街食飯, 有時都唔係專登, 而咁啱嗰輪有人生日, 就會&要 gathering 一下!

其實有時我都覺得自己都幾忙, 就好似7月咁, 第一個星期其中一日就因為同老公係拍拖周年出去食飯, 咁第二個星期有一日就同我個fd個老婆去買bb嘢, 跟住就上左去佢屋企食飯, 而今日, 就約左個best fd食飯見下面, 因為兩三個月冇見過喇, 而下個星期原本應該同埋同學食飯卡啦下, 但係亞sir 唔得閑就改左做8月1日!

因為老公番shift, 所以我每次都係係老公番中班嗰時先出街, 因為如果老公係屋企, 我就更係係屋企啦! 就係因為次次專搵老公唔係屋企嗰日先出街, 就另到我對滕滕有d內疚!

其實我都係大約一個星期出一日啫, 有時都唔係個個星期都出, 但係每次出, 都有內疚感, 因為我唔番去食飯, 滕滕就連夜晚嗰段時間都係好無聊!

不過我又諗, 我都唔係成日出去啫, 最多第二晚陪佢玩多D囉~

眼又懵, 耳又聾!

都唔知咩人嚟架, 公司呢排都已經唔係多嘢做架啦, 都唔知仲乜7成日係到發夢!

今日馮小姐又做錯嘢喇, 份BL, FA & PL, 通通都錯左呀, 最緊要仲係錯左顏色呀!

個客尋晚send左個mail通知我, 我今朝就攞晒成份嘢比馮小姐, 二話不說就同佢講, 份單個description 錯晒, 份份都錯呀! 如果係msn通知佢, 就比面佢, 唔使等個會計聽到佢做錯嘢, 而家唔使啦, 仲使乜比面佢呀!

其實, 原本可以搵courier send去carrier 到改, 不過我冇話可以, 而且仲同佢講, 一收到船公司個amendment fee invoice, 就即刻親身去交! 而且仲叫佢追份invoice, 我要今日下午12:00前收到! 原因係, 佢知道自己做錯嘢之後, 仲係到傾電話! 我見到佢係到講電話, 我就問佢整成點, 佢答我佢搵唔到大陸嗰邊負責嗰個人! 搵唔到??? 咁就連環call 啦!!! d人都唔知咩人嚟, 我叫佢連環call, 佢先死去打電話!!!

其實, 原本收到carrier 份amendment fee invoice之後, 我可以叫馮小姐4:00先去交單, 跟住佢就可以放工, 不過, sorry, 我而家唔會咁, 因為我要佢去完就番嚟, 我唔想益佢早收工! 所以佢11:15就同我講佢去交, 未夠1點, 就番左嚟喇!

原本諗住佢要點幾先番, 因為我想係自己房食, 一路食, 仲可以睇金枝, 樹不知佢未夠一點就番左嚟, 佢老味!

p.s. 佢而家, 好想好想減肥, 每日我見佢都係食兩啖飯(真係只係兩啖), 不過你話d人幾白痴, 又想減肥唔食飯, 但係就搵罐可樂送飯!  

真大獲!

小學同學係舊年開始箍牙, 但係去到兩個月前到, 佢個牙醫就死鬼左, 所以就將d case 轉左比另外一個dr(呢個dr係死鬼左個牙醫d fd 嚟)-黃汝X，尖沙咀恆生大廈!

去左個黃(六)醫生到睇左幾次之後, 我個同學就覺得唔妥, 因為箍牙箍到, 條牙隙(上面嘅上半部份)越嚟越大, 而且個dr同佢杜牙根, 又冇照x-ray, 同埋話只係杜一次就ok喎!

所以同學同我講左之後, 我就叫佢去搵我個牙醫fd睇下喇!

好睬! 好睬我個同學只係睇左黃(六)醫生4次咋! 因為我個牙醫fd話我同學, 箍牙箍得太急, 條鐵絲打得太緊, 所以拉到上咢d牙骨"公"起, 爆晒出嚟! 而且杜牙根嗰part, 我個牙醫fd 就即問同學, 佢睇嗰個牙醫究竟有冇牌架???!!!

杜牙根都係事小, 因為上手dr杜得唔好, 執番都ok嘛, 但係而家最大問題, 係佢上咢d牙骨爆到實在另我驚訝, 因為真係爆得好緊要!

所以真係遇正個唔好牙醫, 都真係幾大獲! 錢用左唔緊要, 但係牙呢家嘢, 都唔知幾多幾多時間先攪得番呀!

真陰公!!!

GOOD BOY~ (好似)有進步!

自從我知道隻豬仔係應該識得叫痾 v v之後, 佢仍然都係照舊瀨尿!

可能係對住個工人, 而個工人又好"恰", 所以我上次真係忍唔住堅鬧完滕滕一獲!

而家, 佢開始漸漸都有時有叫個工人, 話佢要痾v v!

不過, 一日都仲有兩/三次到係唔記得左或者忍唔住痾左小小出嚟!

所以, 都ok啦! 豬仔, 記得慢慢嚟喇, 遲d媽me就要同佢去廁所痾c c 喇! 

有冇攪錯!

星期六朝早, 滕滕無啦啦係到痾緊c之際, 跟住就大喊, 喊到連個身都震埋! 而且仲同我講好痛痛~ 好痛痛~

本身我係知道滕滕係到發緊功, 見佢喊得咁緊要, 我就以為佢d c c好硬, 痾得好辛苦先喊成咁啦, 不過諗諗下又唔係喎, 佢每日都有兩次痾, 又點會好硬啦!

後來同佢抺pat pat 嗰時, 就比我發現左有蛋殼係個pat pat到喇! 原來佢咁痛, 係因為d屎有蛋殼呀!

我跟手就即刻比個工人睇, 問佢仲咩咁唔小心, 成隻手甲咁大塊嘅蛋殼都可以比佢食!

最攪笑, 就係我即刻打比dr, 問佢使唔使去佢到check check! 呢個dr, 係係佐敦, 只係同滕滕打針我先會出去, 平時滕滕唔舒服我係唔會去搵佢, 因為呢個dr, 話佢求其佢又唔係好求其, 話佢細心佢又唔係認真細心! 同埋, 有次同滕滕去佢到打完針, 佢有事後打嚟跟進, 不過就因為我地個電話係冇來電打唔入, 而佢, 就話我地個電話好打唔入! 係嗰次, 我就唔係好鐘意呢個dr, 因為姑娘話佢好鐘意係屋企打比d客, 而佢個電話就set 左冇call display喎! 大佬, 你個電話set左 no call display 就得, 咁我個電話set左冇call display 唔入得就唔得架??? 我又再問姑娘, 咁個dr 唔想比人知佢屋企no, 咁咪唔好係屋企打比d客囉!

昂平360

今日老公放假, 之前都係到諗究竟上山頂好定係去360好! 因為我之前同梓祐去過360, 而老公話就未去過, 所以見今日冇落雨就去360啦!

好彩之前村姑c9仔去過話好多人排隊買飛, 所以我地就係屯門西鐵站到買左飛先搭巴士去!

你話係唔係人都癲吖, 係門口等買飛, 我諗嗰到最少都有過百人, 入到嚟裏面呢到, 都一樣要排除, 所以真係多得村姑c9仔咋, 我地起碼排少3份2都有, 只係排呢到裏面咋!

入到去市集, 都冇咩好睇, 我地食左嘢, 跟住就答回程車走喇!

因為我地買左套票, 所以番到東涌, 我地就去左機場, 因為有兩個免費套餐食+2張4D影院嘅飛送!

原本都冇諗住過嚟機場嘅, 不過昂平市集實在太冇嘢睇, 所以先過去機場.........樹不知用左D coupon之後, 就真係覺得冇蝕!

呢豬仔都不知幾開心啦, 上車都仲玩!

不過, 過左一陣, 好快就投左降喇!

落左車之後, 行緊番屋企之際, 見到輕鐵, 仲話要搭鐵鐵喎!

嘩~ 你叉左一個鐘頭先就更係充滿力量啦, 爸b 同媽me, 就已經得番半條命咋! 番到屋企, 我仲要繼續打點你呀!!!

 

 

爆波~

滕滕有種習慣, 就係好鐘意用隻手踭嚟壓係我個胸上面, 然後攞我個胸嚟托住佢隻手踭!

女人都知道, 當佢用手踭嚟"錯"落個胸到, 由上而下咁壓落嚟, 個胸有幾痛!  當就嚟m come 嗰時, 佢一"錯"落嚟, 真係比死更難受!

呢隻豬仔, 係我第一次大叫(痛)"嘩~! 爆波喇!" 嗰時, 佢就貪得意再嚟一嘢! 所以你話佢唔識就假!

而家, 佢每一次批落嚟, 我就係佢未完全發力嗰時, 就即刻講: "爆波喇! 爆波喇!" 咁佢就好自然咁縮開小小(只係小小), 跟住就同我講: "爆波喇?!"

 

與地板的接觸!

耐唔耐, 滕滕就會咁hea住係個地下到!

而呢個境況, 呢個月我成日都見到!

仲有個半月滕滕就番學喇, 好真係好想佢快d番學!

P.S. 容許我咁講, 我真係覺得滕滕日日都係屋企九流流囉~

放棄!

識左老公咁多年, 咁多年都不斷問我同一個問題, 就係: 養唔養貓/狗!

一擺明, 我就話我唔鐘意d貓貓狗狗! 以前未生都唔會, 更何況而家?!

真係好煩囉! 因為佢又問我養唔養貓喇! 每半年或者大半年就問一次! 我對畜生係一d興趣都冇, 而且老公番工又唔定時, 咁請問d貓貓狗狗, 搵邊個理? 個工人? 定係我? 我放工已經要照顧滕滕, 我唔想理多隻動物囉!

我問老公, 你而家有時連買餸都冇時間, 咁請問你仲有咩時間理隻動物先? 仲有喎, 屋企已經冇地方放多個兜要嚟比隻動物痾屎痾尿, 請問嗰d兜可以放係邊呢? 而且, 個仔咁細個, 佢都唔知咩係有d係應該做, 有d係唔應該做架啦, 萬一如果佢走去同隻動物玩, 玩到痴左線, 隻動物以為滕滕襲擊佢, 跟住反擊滕滕, 整襯個仔點算呀!

我都唔明, 一開波佢都已經知我唔鐘意, 而且係唔會理(如果佢要養), 而我亦都知道佢份人係三分鐘熱度, 玩一陣又唔理, 要人執手尾, 因為佢以前十幾歲嗰時, 就係老連咁大隻狗攞左番屋企, 玩左幾日之後, 以後嘅日子就係佢亞媽同佢照顧喇!

所以我真係100萬個極之唔想! 唔想!!! & 唔想!!!!!

傻架~

每逢滕滕做埋d曵嘢, 我就會不斷咁郁個cam, 比佢知道我係到望緊佢! 而滕滕一發現個cam係到昅佢, 佢就第一時間叫媽咪, 跟住就哩埋左係枱底唔出嚟~

呢d, 唔知係唔係叫身有屎呢, 知道自己做緊d曵嘢而又比人發現左, 就即刻哩埋喇!

個人冇良心架!

上個星期五我打電話比梓祐, 諗住問佢睇左變形金剛未, 如果未就同佢去睇!

打第一次電話冇人聽, 過左兩三個鐘再打第二次就聽喇!

佢一聽電話, 就一語唔係好耐煩咁嘅聲氣, 跟住我就問佢仲咩事唔覆電話比我, 佢話佢同緊佢daddy 一斉!

我問佢: "乜同你daddy 一斉, 就唔聽得我電話喇咩??? 咁我有時買波鞋比你, 咁呢次買模型比你, 咁你又點攞番屋企呀?! 你唔好話比我知, 你老豆估唔到d嘢係我買比你架!"

我叫佢第日打番比我, 因為我話如果佢未睇變形, 我就想同佢去睇, 不過到今日, 佢一個電話都冇!

醒神~

架三輪車到左喇~

睇下滕滕幾醒神!

不過, 架三輪車後面放嘢嗰個兜, 到左嗰時個鏍絲窿位係爆左架!

因為係淘寶買, 呢架接得埋, 連運費都唔使三嚿水, 所以爆左都算喇! 因為係hk toys r us買一架接得埋, 都要750蚊呀!

但係, 個賣家就的的確確係一個乞衣囉, 因為我收到貨之後佢同我講佢出貨時係冇問題, 有問題就唔係佢, 跟本就唔想理我, 問左佢兩次佢都唔叉睬我, 咁好啦, 我咪唯有比個劣評佢囉! 劣評喎~ 我比左, 佢都冇搵我同佢傾, 所以我好肯定佢跟本就有心比爛貨我!

好睬架車唔使三嚿水, 而且後面個兜爛得嚟都仲可以裝番(不過, 如果滕滕企上去, 就好難講喇)!

 

 

能及佢咁厚嗎?

尋日同老闆傾馮小姐嗰d嘢, 老闆話我地而且兩個月都冇傾過計, 已經大家都有心病, 所以佢而家有d咩, 都咁冇禮貌答我, 係好正常嘅! 我話, 唔想同佢傾計, 都係佢自己一手做成, 如果佢唔係做人咁自私, 我係唔會咁對佢!

其實, 我諗番起, 有d嘢我真係不及馮小姐, 就係夠假! 佢而家表面上對我係冇嘢, 番工同我講早晨, 放工同我講bye bye! 你話, 佢幾假呢! 呢方面, 我真係唔及佢!

就係老闆講, 你地大家都已經有心病, 一句"大家都有", 就另到我又有新嘅睇法!

原本諗住搵機會同佢講, 話以後係公司唔煮飯, 係屋企帶埋番嚟, 因為我做人, 唔想欠人地, 佢日日煮飯, 其實我到尋日中午為止, 我都有唔好意思! 不過老闆提醒我(局外人真係清醒d), 大家都有心病, 即係大家都唔妥大家, 咁我又唔想同佢講話唔係公司煮飯喇! 因為佢次次都係攪到我頂唔順, 係我開聲, 咁今次, 我又想掉番轉, 睇下佢又幾時頂唔順! 學熙媽話齋, 還治其人之身! 因為而家唔係我做, 係佢做!

老公, 頭先打比我, 話佢老公打嚟問我地屋企d地板係邊到買! 你話, d人d面皮都唔知用咩做, 可以厚得咁交關! 老公都好衰, 我話唔好比佢, 但係老公同我講, 係你同馮小姐唔妥, 又唔係我同佢個fd唔妥喎! 頂佢!

點解d人咁嘅, 塊面皮厚得咁交關嘅????????????

p.s. 呢篇blog, 我打到而家13:17, 佢就唔入去食飯, 仲無啦啦打電話, 唔通係到等緊我????????

今日好辛苦~

今朝起身, d酒都未散, 成個人都仲係醉醉地!

因為如果我係有醉意, 咁我成晚都唔會瞓得到! 所以尋晚3點先瞓, 今朝7點起身, 我估我都唔知瞓得有冇兩個鐘!

番到公司都仲醉緊, 成個身都仲係發滾, 而且仲開始頭痛!

個fd頭先話, 尋晚好開心, 同我講佢隨時welcome我上去佢到!

隨時welcome會好大獲, 因為我上襯去佢都開支紅酒嚟招呼我, 咁我會好辛苦架!

因為成支紅酒飲晒嘅代價, 就係好似今朝咁!

枕頭上的~ II

滕滕已經差唔多晚晚同我地瞓, 因為老公唔係到, 滕滕就會陪我瞓(唔係我陪佢!), 而老公唔使番通宵, 佢就死都要抱滕滕嚟同佢一斉瞓, 因為佢臨瞓前又可以索下佢, 攪下佢, 摸下佢同咀下佢! 試過幾次老公上床瞓, 唔見滕滕係大床, 佢就抱番佢過嚟!

每當我"暗"完滕滕瞓左, 我有時都會鼠出去上網! 上完網番房一瞓, 一瞓落去個枕頭到, 我就聞到個枕頭有口水味, 係滕滕流口水~

D口水味都冇咩特別, 唔係因為佢係我個仔就寧捨香, 介乎與想聞又唔想聞之間, 因為個仔個身個頭有幾嗅我都會聞幾下, 不過D 口水味就真係幾難頂, 因為轉呢邊又聞到, 轉嗰邊又聞到!

請問, 點解佢有自己枕頭又唔瞓, 又要枕我地嗰D, 唔通佢同我地一樣, 我地幾嗅佢都覺得係香嘅????

用個屎忽諗嘢!

一路做都係咁, cma cls前兩日要補料, 而補料時間係每日早上10:00am前, 呢個形式已經係由2011年1月1日開始!

我叫馮小姐問cma, 如果book截星期六, 但係就聽日10:00後先補料得唔得!

佢問完就答我: 截星期六, 就星期四10:00前要補料!

我知! 佢咁答我, 真係好廢話囉! 我更係知normal係10:00前要補啦! 我叫佢問, 就更係叫佢問下人地, 我地下午先補, 可唔可以收埋我地呢隻柜啦!

我冇講, 因為我係覺得佢做左咁耐, 諗都諗到! 不過可惜佢諗唔到之餘, (我覺得)仲好串咁答我: "我咪答咗你要問佢囉, 有咩問題?"

佢咁樣答我, 我就忍唔住係個位即刻同佢講(唔再係msn對話): "我覺得你應該係諗到, 如果我地聽日裝貨, 係知道10:00前補唔到料! 就係因為係趕唔切先叫你問, 如果唔係, 都唔使叫你問!"

佢都不甘示弱架, 因為佢即刻答我, 佢諗唔到! 所以我就答番佢: "我覺得你做左咁耐, 唔會諗唔到, 應該係會諗到!"

頭先同老闆傾過馮小姐, 老闆同我分析, 叫我過多幾日先好同佢傾呢個問題!

ok, 咁我下個星期先同馮小姐講!

似醉還醒!

今晚, 係我第一次係TST睇幻彩燈飾! 好靚!

我約左朋友今晚係ocean ctr 買bb床, 跟住就去攞車, 咁啱就睇到幻彩燈喇! 就係呢個moment, 我朋友就講起想當年, 我地一齊係文化中心hea! 兒時, 真係好開心, 好直得回味! 呢個朋友, 識左十幾年, 每次見面, 我地都談天說地, 九唔搭八都講得一餐!

買完bb床, 我又去我個fd屋企食飯! 一食飯, 就攪到而家先番嚟屋企!

襯住番嚟仲未醉得晒, 就更係寫blog啦, 而呢個moment, 亦都係我好享受嘅, 因為朋友識得越耐越有感情!

死啦, 聽日仲要番工, 我好怕聽日起唔到身, 不過今晚真係好happy囉~

 

玩嘢呀!!!

公司個雪柜, 下門一打開嗰格(唔係冰格), 最上嗰層右手邊係冇人會放嘢上去, 因為已經較到好細, 但係d嘢都仲係會結冰, 所以汽水就一定唔可以放係嗰到(右手邊)!

既然講得唔會有人放係右手邊, 咁即係個個都知, 不過, 今日又再發生, 而且仲係今年夏天嘅唔知第2定第3次!

就係有人放可樂係嗰個位!

唔使講, 係人都知咩事, 而且仲噴到成個雪柜都係!

上一次, 係馮小姐! 佢老味! 抺到我老母成隻嘢咁!

今日, 我一番到公司, 打開個雪柜放盒飯入去, 又見到罐可樂噴晒出嚟!

個八婆會計係唔飲汽水, 就算平時惠康送嘢嚟, 佢一次都唔會將d嘢飲放入柜到,因為佢覺得佢唔飲,所以佢唔會理! 如果佢攪, 都係因為中間嗰格(個八婆專用)已經放晒飲品, 佢冇位放盒飯, 佢先張罐可樂放上去!

而我, 好少飲可樂, 除非係出面食完lunch番嚟好熱好熱先至會飲, 但係都未必飲可樂, 因為我買左好多其他好好味嘅嘢飲比自己嘆!

老闆, 我買咁多嘢飲番嚟, 其中一個原因係要預備埋比老闆d fd, 因為老闆鐘意宴客! 不過老闆係雪柜攞出嚟比佢d fd之後, 係唔會refill(好正常)!

馮小姐, 佢好鐘意飲可樂, 係公司每餐lunch, 佢都會飲一包/一罐(真係抵死囉, 食咁少飯, 仲要比埋麥皮係一邊比自己, 想瘦都幾難囉, 仲要黑人憎到打爆我碗飯!)

所以我今朝一打開個雪柜見到咁, 就開始係到大聲嘈, 問有冇攪撚錯, 明知上面唔放得可樂, 都仲要放係嗰到, 邊個咁撚仆街呀! 當時因為個會計未番, 而馮小姐聽到我咁講, 佢即刻好拗咁話: "我冇郁過呀!"

我個問題係: "邊個放係上面?", 唔係邊個郁過! 所以我聽到馮小姐即係咁講, 我個直覺係佢放係上面囉!

所以我就似住呢個moment, 就係到講, 個會計番嚟, 我一定問佢知唔知邊個放上去!

係要問"知唔知邊個放上去", 意思係要搵出兇手, 係邊個玩嘢!

會計番嚟, 我就問佢"知唔知邊個"放可樂係嗰個位, 馮小姐一聽到, 又即刻搶答! 佢又係到再講, 因為........佢講到呢到, 我就即刻講: "咁老闆番嚟我會問一問佢, 係唔係佢放係嗰到架喇! 唔使再講咁多!"

頭先剛剛, 我問左老闆, 佢話佢冇放過汽水係雪柜, 咁即係: 呼之欲出!

d人都唔知諗咩, 上個星期已經爆左一次, 今日又係咁! 正一死仆街!!!

$19.9, 痴線架!

屋企個固網電話就嚟到期喇, 我打去pccx問下續約plan, 最平平均都要九十幾蚊一個月!

不過因為我屋企上網係hk寬x, 所以就問下可唔可以係個上網plan比多幾十蚊, 加多條電話線! 問左, 點不知真我出奇地! 因為佢答我, 如果轉台就$9.9/月就冇function, 有function 就$19.9/月!

你話係唔係痴線架, $19.9/月! 咁唔轉好似戇居咁囉!

枕頭上的~

呢隻豬仔真係唔知個痛字點寫, 前晚我已經聽到佢放左幾次屁, 問佢係唔係痾CC, 佢又話唔係, 點不知過左一陣, D味真係嗅到由房傳左出嚟!

我一行入房, 我發現個枕頭(好彩係-老公嗰個)同張床都有屎, 而且仲係爛嘅! 尋晚我問老公有冇發現佢個枕頭有冇咩特別, 問完我就係到大笑, 因為我話比佢知, 佢個寶貝送左PAT屎比佢!!!

我都唔係好明, 點解明知想痾C, 問佢係唔係都答我唔係, 請問係廁所痾C 真係咁難??????

好驚~

今日我地又去左屋企附近個沙灘玩喇, 又正實左一樣嘢!

就係滕滕真係唔敢落水! 我一話帶佢出去攞水, 就即刻寧晒頭死都唔肯出!

行到出去, 真係死都唔敢掂到D水, 仲要係好驚!

結果要個老豆捉佢出去, 攞個桶出去同佢淋身!

咁就死啦, 點樣去學游水呀??????

 

 

我終於成功左喇!!!

個DT死左成個月, 之前攞個火牛去整, 整完番嚟都係著唔到機, 跟住又攞左塊底板去整, 今日, 我終於張塊底板裝番, 終於著到機喇, YEAH~~~

有時D嘢迫到埋嚟, 以為好複雜好難, 整下整下又問下表哥, 原來都唔係想像中咁困難, 所以我成日都話, 只要有信心, 其實真係冇咩係做唔到架啫~

我都可以!

我其實都可以好自私架!

自從上兩個星期前, 星期一同馮小姐出去食完飯去街市買嘢之後, 因為我買乜比個工人佢又買乜, 所以今個星期已經講左以後唔再出去食飯, 星期一各自各帶! 而我, 今日下午, 就出去買左餸先番嚟食飯, 我叫馮小姐佢自己食飯先!

老闆早兩日問我, 仲咩仲唔同番馮小姐講嘢, 我就佢, 人蠢係唔緊要, 不過人自私就真係好難原諒! 我同老闆講, 唔好話我好大口氣, 但係佢而家所有嘢都係我比佢, 佢而家個老公, 佢而家份工, 全部嘢都係因為我, 如果唔係因為我, 佢而家有咁好咩? 但係換來佢對我咁自私, 我就真係原諒唔到佢, 所以我寧願做同事, 唔做朋友, 因為我唔想再唔開心, 因為我會care 我d 朋友點對我, 而同事, 我係分得好清楚, 因為同事就係同事, 唔係朋友! 老闆聽完我講, 佢都講左一句: "咁佢又真係好自私嘅~!"

而家, 無論做d咩, 我都唔會再益佢, 例如我唔會再叫佢出去送單比佢可以早一個鐘番屋企! 去惠康買嘢飲, 我唔會叫佢一斉去比佢撰佢鐘意嘅嘢, 我叫咩佢就飲咩! 係惠康買嘢, 有時買lotion買coke有贈品送, 咁呢d真係sorry 囉, 一樣贈品我都唔會比佢! d 印花就更加唔會比啦, 因為我掉左佢都唔會比佢送比人做人情! 而且, 都唔使指意個forwarder 請食飯有佢份囉, 因為我係唔會叫埋佢去囉!  至於係淘痴左, 由開初到以後, 我都係唔會同佢分享!

有時我都覺得自己咁樣做好衰! 不過, 佢對我點, 我咪對番佢點囉! 我又唔係專登, 只不過公還公, 私還私之嘛!

 

一年一度, 又嚟喇!!!

就嚟又中秋喇!!!!

舊年自從家姐送左盒榴槤月餅比我食過之後, 今年嘅今日, 我就已經問幾時可以訂榴槤月餅喇!!!

舊年一盒唔係好夠食, 今年, 買唔買兩盒好呢...........?!

http://www.feifah.hk/e/ptxwebstore_default_home.asp

拍拖周年紀念日!

點解張雪球咁叻嘅, 我係fb都話"今日係7月7日! yeah~!" 佢居然講得出係拍拖13周年紀念日!

前日已經問過老公一次, 係唔係真係唔使番工, 老公已經問我帶唔帶滕滕去!

今日, 老公又問多我一次! 佢好似好想同埋滕滕一斉食飯!

講真, 我邊樹捨得隻豬仔啫, 不過我都總想有二人世界嘅時候架, 一年都只係得結婚紀念同埋拍拖紀念先可以兩個人慶祝, 其餘日子都必然同滕滕一斉架喇!

好迷~

我唔知老公點諗!

而家呢個工人, 除左同滕滕戒片、食飯我係反反地眼, 其他d嘢都不過不失, 又唔係好好, 又唔算係唔好, 所以呢個, 我比65-70分佢!

個工人英文唔係好得, 不過上次去旅行我分付過個agent, 幫我下問個工人, 第日滕滕番學, 佢可能要幫幫我手, 例如放學食完飯番嚟要做下d功課, 等滕滕習慣左每一日食完飯就自己開始識自動自覺去做功課之後, 佢就可以唔使理佢喇!

個工人知道滕滕就嚟要番學, 平時夜晚我又教下滕滕英文, 佢都會問下我個英文點讀, 就好似一斉學習咁!

不過, 我問老公, 而定呢個工人,仲有一年就完約, 到時如果滕滕番左學, 佢都ok的話係唔係照續呢?!  老公聽到, 就即刻答我: "吓?! 照續呀?" 

呢個工人就更係冇之前借財仔嗰個咁萬能啦, 所以可能老公就成日去比較! 不過, 而家呢個都算啦, 要求太多都唔係咁好! 因為我都有要求, 而都可以過到我, 所以我都唔想再煩, 一陣費事好似上次反爆眼嗰個咁我就又真係死比你睇喇!

地位不保~

尋晚老公放左工去同d同事食宵夜, 番到嚟我聞到佢飲左酒, 所以我就抱番滕滕去bb床到, 費事一陣老公醉左整襯隻豬仔就唔好啦!

老公沖完涼一上床, 發現豬仔唔見左就即刻問我: "個仔去左邊呀?" 我當然就更係同佢講, 費事佢整襯個仔, 更係抱佢番bb床啦!

跟住我就開始比人話喇:

~仲咩抱走個仔呀?!

~仲咩唔比個仔係到瞓呀?!

~仲咩唔比個仔同我瞓呀?!

~仲咩唔抱佢番過嚟呀?!

~你唔抱佢番過嚟, 我就抱架喇!

因為我知佢醉醉地, 所以嚟嚟去去我只係答佢: "係呀! 費事你整到個仔呀, 好快d瞓啦!" 

老公見我唔郁, 佢就走去抱滕滕番嚟我地床, 一放抵, 老公又聞又索又摸又咀, 係咁叫個仔欖住爸b瞓, 攪到滕滕明明瞓左都係到醒醒地, 而且仲係到叫住我嚟求救!

未生滕滕之前, 比佢攪嘅人就係我, 睇睇下電視就篤落我兩個鼻哥窿到, 瞓著覺就係咁錫醒我, 一路行(係街到), 就一路比佢一下一下咁推個頭! 總之佢就攪到你發晒皮四佢先收手!

而家, 比佢攪嘅人就係滕滕喇! 而我呢, 好似唔多覺眼!!! 以前就好唔鐘意佢咁攪我, 但係佢而家就唔攪我!

姣到震~

呢隻豬仔, 貪靚到不得了!

而家落襯街, 佢就一定要戴帽, 一戴左上去就對住你笑, 頂佢唔順!

街到熱到出水, 都要戴左出街先!

落左街如果真係好熱, 先至除!

係邊到學番嚟??????

唔知隻豬仔幾時識得整呢個模樣~

我估係嫲嫲教佢, 因為呢個衰樣眼神, 就係係嫲嫲到學番嚟!

嫲嫲而家一個星期入嚟都有一兩次, 所以係嫲嫲教唔出奇, 因為上面呢張相個眼神, 嫲嫲認左係佢係滕滕面前整!

有次滕滕揸住張紙巾係到玩(呢樣係滕滕好鐘意嘅玩意之一), 嫲嫲無啦啦同滕滕講: "唔可以玩架, 有蟲蟲咬你架!" 我聽到, 當然就好一個迷啦, 亦都順便問一問嫲嫲咩蟲蟲, 仲咩事會有蟲蟲! 嫲嫲同我講, 原來佢嗰日帶左滕滕落公園, 咁跑跑下跌左係地到, 手掌有粒粒, 咁嫲嫲就同滕滕講一粒一粒嗰D係蟲蟲嚟!

聽到真係打個突, 粒粒沙話係蟲蟲??????????? 我同奶奶講, 污糟左就要同佢講污糟左有粒粒沙囉, 唔好同佢講係蟲蟲, 因為如果佢第日番學, 同老師講嗰D係蟲蟲, 到時佢都唔知邊個係啱, 一陣如果佢話老師係錯嘅, 嫲嫲話係蟲蟲嚟, 咁我就真係唔得死喇!

 

 

"暗"瘡 II ~

舊同事同我講, 佢同佢老公都有寺瘡, 而佢老公搵左"寶膚零"搽左之後, 佢粒外寺, 局然縮番入去, 仲冇出番嚟潻! 所以老婆見咁樣, 就又搵"寶膚零"喇! 佢同我講佢係內寺, 同我一樣都係大便後就會出血, 所以佢上個星期都搽左一個星期, 而呢個星期都已經冇見有血喇!

如果係咁就好喇! 等我又搵"寶膚零"試下先!