星期六朝早, 滕滕無啦啦係到痾緊c之際, 跟住就大喊, 喊到連個身都震埋! 而且仲同我講好痛痛~ 好痛痛~
本身我係知道滕滕係到發緊功, 見佢喊得咁緊要, 我就以為佢d c c好硬, 痾得好辛苦先喊成咁啦, 不過諗諗下又唔係喎, 佢每日都有兩次痾, 又點會好硬啦!
後來同佢抺pat pat 嗰時, 就比我發現左有蛋殼係個pat pat到喇! 原來佢咁痛, 係因為d屎有蛋殼呀!
我跟手就即刻比個工人睇, 問佢仲咩咁唔小心, 成隻手甲咁大塊嘅蛋殼都可以比佢食!
最攪笑, 就係我即刻打比dr, 問佢使唔使去佢到check check! 呢個dr, 係係佐敦, 只係同滕滕打針我先會出去, 平時滕滕唔舒服我係唔會去搵佢, 因為呢個dr, 話佢求其佢又唔係好求其, 話佢細心佢又唔係認真細心! 同埋, 有次同滕滕去佢到打完針, 佢有事後打嚟跟進, 不過就因為我地個電話係冇來電打唔入, 而佢, 就話我地個電話好打唔入! 係嗰次, 我就唔係好鐘意呢個dr, 因為姑娘話佢好鐘意係屋企打比d客, 而佢個電話就set 左冇call display喎! 大佬, 你個電話set左 no call display 就得, 咁我個電話set左冇call display 唔入得就唔得架??? 我又再問姑娘, 咁個dr 唔想比人知佢屋企no, 咁咪唔好係屋企打比d客囉!
咁即係有無帶滕滕去睇醫生呀? 你個工人姐姐有無再離譜啲呀?~
回覆刪除[版主回覆07/20/2011 14:32:00]個dr講話喎, 如果可以帶比佢"望下", 睇下有d咩唔妥喎!
如果佢話有嘢可以check 到有冇事, 又或者有d咩實質意見, 例如再留意清楚佢d大便, 跟住會點點點之類都話好d, 講嘢冇咁廢吖, 佢話"望下", 咁"望下"我都識望啦, 我使鬼由屯門咁遠出到去佐敦比佢望咩!
蛋殼界損屎忽洞???!! 咁都得??!!
回覆刪除妳點善後呀咁....
[版主回覆07/20/2011 14:34:00]咁又冇損到, 但係佢痾嗰一下, 就應該真係好痛下囉, 痾到成個人震晒!
之後, 我咪話個工人囉, 話完就"mum"左佢幾日, 叫佢以後一定要小心d囉, 唔係咁, 可以點喎! 唔通又抄左佢, 又請過個咩!
工人姐姐又應左你對佢既評價 ~ 九流流 ~
回覆刪除可憐阿滕滕個屎忽仔 ~
[版主回覆07/20/2011 14:35:00]唉~ 睇到佢痾出嚟嗰一刻, 成個人痛到震晒,真係好心痛呀!
叫個工人自己食吓蛋殼啦! 離譜D口喎
回覆刪除[版主回覆07/20/2011 14:36:00]我呢幾日, "mum"足佢幾日喇, 叫佢以後唔可以再係咁喇! 唉~
好彩無受傷咋!!!
回覆刪除[版主回覆07/20/2011 15:14:00]表面睇應該冇咩事, 而且我留意左佢幾日嘅大便都冇嘢, 如果有嘢, 都應該痾晒出嚟, SO 希望真係冇嘢啦!
真係柯蛋殼?@@
回覆刪除[版主回覆07/21/2011 10:32:00]係呀! 我攞手"焚"過, 真係蛋殼嚟架!
真係陰公呀....咁大塊都睇唔到...個工人老花咩?
回覆刪除[版主回覆07/25/2011 14:22:00]我都唔知佢老乜喇!