今日, 我終於同左馮小姐傾過! 原先, 我係MSN到同佢講, 講晒我對佢工作上嘅問題, 馮小姐睇完之後, 佢都好直接咁同我講, 佢都想同我傾下, 因為佢都想知道點解呢段時間我咁對佢, 所以佢就係MSN到問我, 佢想直接面對面同我講!
佢一開場, 就話佢都想了解下, 因為佢覺得自從我去完旅行番嚟之後, 我對佢態度, 係明顯唔同左! 佢講完呢兩句說話之後, 就開始忍唔住係到喊, 佢話因為佢都好唔開心!
我聽到佢咁講, 我都好直接咁話, 我唔想同佢講嘢, 係因為佢好似似住我地係FD底, 所以就好多時個態度, 都好有問題! 而我亦都話, 如果大家平時都係保持住呢個溝通方式, 我覺得做嘢會好D! 跟住之後, 我就一五一十同佢講佢嘅問題係邊, 我對佢工作上有咩不滿!
我講晒出嚟之後, 問佢覺得點, 係呢一刻, 佢好似開心左, 仲笑左出嚟話, 佢而家知道佢有咩問題, 佢終於解開左佢心目中嘅迷, 因為我唔講佢真係唔知, 同埋佢話佢以後唔會再死撐!
BLOG友問我, 我聽完佢講, 我有冇心軟! .......我再諗一諗, 我有小小驚! 因為我同馮小姐講晒我對佢工作上嘅不滿之後, 我怕佢開始同我講番佢D私人嘢! 因為佢D私人嘅, 我真係唔係好想聽, 講嚟講去都係嗰D, 而同佢講左佢可以點去解決佢又唔去做, 我個人本身又抵唔住頸, 聽到唔啱又忍唔住出聲, 但係馮小姐又要照舊唔去解決, 所以咁樣我會好忟, 我就寧願唔想知唔想理!
而心軟, 好似唔係好覺, 因為係佢本身個人自私到我真係唔想再同佢做FD(而呢樣嘢, 我亦好相信馮小姐係唔知佢激嬲左我D乜)! 而家, 我諗我要見步行步, 睇下星期一點.............
佢真係蠢到一隻豬 劃公仔要劃出腸!
回覆刪除我諗佢會當同你 friend 返 ~
[版主回覆07/23/2011 10:40:00]佢咪同佢生肖一樣囉！！！
至於佢可能當同我fd番呢個問題，我都覺得佢可能係咁諗。。。。。但係我有d卻步！
好喇，你行出咗第一步喇，第二步你點部署呢?有無諗過又再直接問佢，點解你講黎講去都係同一個問題?點解講咗個解決方法比你聽又唔去做呢?咁竟然你唔去做，又點解重重覆覆都係同一個問題呢?即係你可以打個比喻吖，例如咁 : 個電飯煲壞咗呀，咁點算呀?答:咁咪買一個新囉。第二日又係重覆一個問題，你問下佢會點... 人與人之間嘅相處，我相信坦誠係好重要，如果心裡有條刺，點對一世呀?!
回覆刪除[版主回覆07/23/2011 11:02:00]我唔會要佢答我架，因為呢d人咁蠢，佢冇可能即時答到我！而我點解尋日咁堅決要同佢講，係因為我知道佢要時間去消化，所以先撰尋曰同佢講，等佢呢兩日自己去反思！
尋日同佢講完之後，佢都話佢已經明白自己問題係边，佢都表明左佢會改！而我睇佢當時嘅態度，亦都明顯地睇到佢會去改過，仲要係成個人開心晒因為我話比佢聽佢個問題！
我深信佢態度一定會變，但係我怕我真係會心軟番囉！