都唔知咩人嚟架, 公司呢排都已經唔係多嘢做架啦, 都唔知仲乜7成日係到發夢!
今日馮小姐又做錯嘢喇, 份BL, FA & PL, 通通都錯左呀, 最緊要仲係錯左顏色呀!
個客尋晚send左個mail通知我, 我今朝就攞晒成份嘢比馮小姐, 二話不說就同佢講, 份單個description 錯晒, 份份都錯呀! 如果係msn通知佢, 就比面佢, 唔使等個會計聽到佢做錯嘢, 而家唔使啦, 仲使乜比面佢呀!
其實, 原本可以搵courier send去carrier 到改, 不過我冇話可以, 而且仲同佢講, 一收到船公司個amendment fee invoice, 就即刻親身去交! 而且仲叫佢追份invoice, 我要今日下午12:00前收到! 原因係, 佢知道自己做錯嘢之後, 仲係到傾電話! 我見到佢係到講電話, 我就問佢整成點, 佢答我佢搵唔到大陸嗰邊負責嗰個人! 搵唔到??? 咁就連環call 啦!!! d人都唔知咩人嚟, 我叫佢連環call, 佢先死去打電話!!!
其實, 原本收到carrier 份amendment fee invoice之後, 我可以叫馮小姐4:00先去交單, 跟住佢就可以放工, 不過, sorry, 我而家唔會咁, 因為我要佢去完就番嚟, 我唔想益佢早收工! 所以佢11:15就同我講佢去交, 未夠1點, 就番左嚟喇!
原本諗住佢要點幾先番, 因為我想係自己房食, 一路食, 仲可以睇金枝, 樹不知佢未夠一點就番左嚟, 佢老味!
p.s. 佢而家, 好想好想減肥, 每日我見佢都係食兩啖飯(真係只係兩啖), 不過你話d人幾白痴, 又想減肥唔食飯, 但係就搵罐可樂送飯!
佢知道自己做錯嘢之後, 仲係到傾電話! << 炒得!!!
回覆刪除[版主回覆07/22/2011 16:12:00]我一陣會同佢傾下, 問佢係唔係唔想做, 想番屋企湊仔!
點解佢唔帶個腦返工呢?點解佢做咗咁多年都係錯呢?點解佢錯咗都唔即時補鑊呢?點解你又唔出返去警告信比佢呢?唔炒得佢，你就同佢平心靜氣，搵埋老闆一齊，同佢傾下有咩問題，還是佢覺得，做paper work啲嘢係唔需要用腦，唔需要變通，佢個問題你有無深究過? 唉))))))))))))))))))我睇完你呢篇blog，我真係想代你大嗌 救命呀 ))))))))))
回覆刪除[版主回覆07/22/2011 16:17:00]佢唔係唔即時補呀, 不過佢打過一次電話唔通, 就唔即刻再打之嘛! 即係你急佢唔急!
你話搵埋我老闆同佢一斉傾? 我老闆最怕呢d嘢, 我話我自己同佢傾, 我老闆都叫我唔好, 唔想我地傷感情喎, 你話係唔係比佢吹脹吖!
頭先, 我再一次同老闆講, 我一陣會搵佢傾計(老闆都話唔好), 無論我點都要講, 因為而家個問題係做公司嘢, 唔係私人嘢, 再加上跟住兩日都放假, 所以就係最好時機比佢自己消化下!(因為d人蠢)
所以你都明白我, 我真係反爆眼!!!
一罐可樂嘅卡路里=一碗飯嘅囉...正白痴~
回覆刪除[版主回覆07/25/2011 14:26:00]佢知架, 佢知飲可樂好肥架, 不過都唔明呢d人點諗架!!!