識左老公咁多年, 咁多年都不斷問我同一個問題, 就係: 養唔養貓/狗!
一擺明, 我就話我唔鐘意d貓貓狗狗! 以前未生都唔會, 更何況而家?!
真係好煩囉! 因為佢又問我養唔養貓喇! 每半年或者大半年就問一次! 我對畜生係一d興趣都冇, 而且老公番工又唔定時, 咁請問d貓貓狗狗, 搵邊個理? 個工人? 定係我? 我放工已經要照顧滕滕, 我唔想理多隻動物囉!
我問老公, 你而家有時連買餸都冇時間, 咁請問你仲有咩時間理隻動物先? 仲有喎, 屋企已經冇地方放多個兜要嚟比隻動物痾屎痾尿, 請問嗰d兜可以放係邊呢? 而且, 個仔咁細個, 佢都唔知咩係有d係應該做, 有d係唔應該做架啦, 萬一如果佢走去同隻動物玩, 玩到痴左線, 隻動物以為滕滕襲擊佢, 跟住反擊滕滕, 整襯個仔點算呀!
我都唔明, 一開波佢都已經知我唔鐘意, 而且係唔會理(如果佢要養), 而我亦都知道佢份人係三分鐘熱度, 玩一陣又唔理, 要人執手尾, 因為佢以前十幾歲嗰時, 就係老連咁大隻狗攞左番屋企, 玩左幾日之後, 以後嘅日子就係佢亞媽同佢照顧喇!
所以我真係100萬個極之唔想! 唔想!!! & 唔想!!!!!
貓狗有味, 又口水流流咁, 我都好怕。有細路更加唔好啦 ~ d 貓狗都好鐘意 o賴來o賴去同你 kiss ga! 滕滕咪成日食佢地口水尾! 堅持呀! 唔好養呀!
回覆刪除[版主回覆07/18/2011 11:03:00]佢講左咁多年我都唔理佢架喇, 不過佢而家好似真係好想好想!
不過我嗰日同佢講, 叫佢搵個地方係放個沙盤, 而嗰個位我係接受, 咁佢就可以養! end up, 佢就更係搵唔到啦 !
同你老公講，住緊呢度唔比養貓狗，要養就養金魚啦
回覆刪除[版主回覆07/18/2011 11:07:00]佢知道係唔准架, 佢周不時都c忽痕! 一時又話變色龍, 一時又同我講養蜥蜴, 好似我就好衰咁, 次次都say no!
咁你同佢講，我想養多個女囉
回覆刪除[版主回覆07/18/2011 12:52:00]下次咁同佢講都好喎~
唉. 我想要多隻芝娃娃, 又要氹; 又要NUR, 都係比人reject!!!!
回覆刪除真係同人唔同命
[版主回覆07/20/2011 15:11:00]如果一開始我話ok, 咁我諗屋企已經唔知有幾多隻囉! 係有幾多隻我要服侍呀!!!
有左個仔都重要動物?
回覆刪除不過我一路都唔鍾意+怕, 所以一定不可以接受有呢d 野, 加上我冇咩愛心, 可能會踢死佢:p
[版主回覆07/21/2011 10:26:00]我都唔明架, 不過佢一路可能諗住死纏爛打, 我終有一日可以卦!
不如俾你老公養隻龜仔喇...易養易打理+埋易死...wakaka....10蚊隻嗰d巴西龜!!!
回覆刪除[版主回覆07/25/2011 14:22:00]龜佢就一定唔會養架喇, 如果我話比佢養蜥蝪, 我估佢即搵隻番嚟比我囉!