唔知隻豬仔幾時識得整呢個模樣~
我估係嫲嫲教佢, 因為呢個衰樣眼神, 就係係嫲嫲到學番嚟!
嫲嫲而家一個星期入嚟都有一兩次, 所以係嫲嫲教唔出奇, 因為上面呢張相個眼神, 嫲嫲認左係佢係滕滕面前整!
有次滕滕揸住張紙巾係到玩(呢樣係滕滕好鐘意嘅玩意之一), 嫲嫲無啦啦同滕滕講: "唔可以玩架, 有蟲蟲咬你架!" 我聽到, 當然就好一個迷啦, 亦都順便問一問嫲嫲咩蟲蟲, 仲咩事會有蟲蟲! 嫲嫲同我講, 原來佢嗰日帶左滕滕落公園, 咁跑跑下跌左係地到, 手掌有粒粒, 咁嫲嫲就同滕滕講一粒一粒嗰D係蟲蟲嚟!
聽到真係打個突, 粒粒沙話係蟲蟲??????????? 我同奶奶講, 污糟左就要同佢講污糟左有粒粒沙囉, 唔好同佢講係蟲蟲, 因為如果佢第日番學, 同老師講嗰D係蟲蟲, 到時佢都唔知邊個係啱, 一陣如果佢話老師係錯嘅, 嫲嫲話係蟲蟲嚟, 咁我就真係唔得死喇!
佢 d 肥肥手指仔好得意
回覆刪除[版主回覆07/04/2011 13:59:00]佢隻豬腳仲肥呀! 對鞋長度啱, 但係就肥到入唔到, 所以成日都要買大兩個碼!
老人家嘅教法始終同我地有出入, 一定要更正更正.
回覆刪除仲有呀, 小心滕滕有眼袋呀! 哈!
[版主回覆07/04/2011 14:01:00]我同人地亞媽講左, 唔好再教d唔啱嘅嘢喇! 希望以後唔會啦!
我老公有個超級大眼袋, 所以我怕滕滕第日都可能會有!
對眼神好恐怖呀大佬，叫佢唔好再整喇，整得多怕佢有三白眼呀
回覆刪除[版主回覆07/04/2011 14:03:00]我老公問佢亞媽係唔係佢教, 佢亞媽係到笑話係, 你話我反唔反眼吖!
我無嘢好講，我唔明啲老人家諗乜
回覆刪除[版主回覆07/06/2011 16:24:00]我都唔係好明啦! 有乜奶油沙粒講係蟲蟲呢~
你老公有個大眼袋就係細個時學佢呀媽囉, 快D STOP 滕滕啦!
回覆刪除[版主回覆07/06/2011 16:23:00]我老公個眼袋, 好細個就已經有架喇, 聽聞係因為佢細個一日(佢老母)比好多隻蛋佢食, 食到個眼袋大到要去睇醫生, 個醫生先同佢亞媽講, 一日唔可以食多過一隻蛋, 佢亞媽先唔比佢食咁多咋喎~!
一個迷!
以前D人真係以為食得蛋多會強壯D
回覆刪除[版主回覆07/07/2011 12:41:00]可能係都唔定呀!
你下次同佢講話好"醜"樣...可能佢唔會做haha
回覆刪除