今日一番到嚟, 奶奶先同我講滕滕今日持續微燒! 一聽到, 真係一個迷, 有乜奶油全DAY 未停過發燒都唔話比我知先得架, 我叫奶奶入嚟, 都係想佢同我睇住滕滕之嘛~ 真係一個迷, 亦都好無奈囉!
尋晚兩點幾, 滕滕已經開始有燒, 因為DR 講過一日四次藥, 白天食左四次之後, 夜晚就唔好再食, 因為4次已經係max., 所以我見滕滕發燒, 我就只係比左退燒水佢飲, 但係飲左都唔係好退, 過左一陣, 我就同佢沖涼喇! 沖左好似好d, 不過都仲係有燒, 但係就可以瞓到下, 但係到5點, 滕滕就燒到pang pang聲, 所以又一次去沖涼, 而呢次沖涼, 滕滕就唔肯落水, 因為佢係咁話好凍好凍, 我相信佢真係好唔舒服, 因為佢嗰時個身成個火爐咁!
我見就嚟天光, 我都忍唔住比佢食晒dr開嘅藥, 到左7點, 見燒都退咁小小, 我就叫佢再瞓, 因為我打算同佢一斉瞓多兩個鐘我就番工, 不過到左8點半, 佢就發惡夢醒左係咁話好驚, 跟住就唔瞓, 亦都唔比我瞓!
因為尋日朝睇完醫生, 食左一次藥之後, 滕滕都冇再有燒, 但係今日就持續微燒, 所以我就二話不說咁襯住dr仲有15分鐘關門, 就即刻去睇多一次!
啱啱食左新藥, 希望今晚半夜唔好再發燒啦, 因為連續兩晚都冇乜點瞓, 我都好攰呀, 好彩, 聽日星期六唔使番工咋!
豬仔, 你要乖快d好番呀, 媽me見到你發燒又喉嚨痛咁辛苦, 我寧願我病唔係你呀~!
滕滕好返晒字呀?你都要多加注意身體呀)))
回覆刪除[版主回覆07/30/2011 23:24:00]都未架, 希望快d啦! 我, 都唔想病, 不過佢起左身, 就唔比我瞓!
唔使擔心, 小朋友未有太強的免疫系統...下次同佢抺身吧...
回覆刪除[版主回覆07/30/2011 23:23:00]抺喇! 尋晚抺左喇!
提一提你，y blog係個幾月之後黎過大革新，到時你可能搵唔到我，我又搵唔到你，如果有一日大家都消失於空氣中，我地係facebook,sms,msn見啦 仲有一事，做定backup,我有好多網友，唔見咗啲blog，又啲好好彩，全部係晒到...
回覆刪除[版主回覆07/30/2011 23:22:00]唔會冇晒嘛, 你唔好嚇我喎! 同埋, 你知唔知點樣back up架?!
滕滕快D好返, 咁你先有覺好瞓...滕滕, 你乖D要快D好返喇~
回覆刪除[版主回覆07/31/2011 00:03:00]真係要好番晒先有得瞓! 因為佢瞓醒左, 就唔比我瞓, 要我倍佢起身!
http://hk.myblog.yahoo.com/wedding-louisa/article?mid=9260 你試下呢個吖，不過係我未搵到呢個嘅時候，我用word做backup的
回覆刪除