而家, 有時每個星期我都會搵一日約朋友出街食飯, 有時都唔係專登, 而咁啱嗰輪有人生日, 就會&要 gathering 一下!
其實有時我都覺得自己都幾忙, 就好似7月咁, 第一個星期其中一日就因為同老公係拍拖周年出去食飯, 咁第二個星期有一日就同我個fd個老婆去買bb嘢, 跟住就上左去佢屋企食飯, 而今日, 就約左個best fd食飯見下面, 因為兩三個月冇見過喇, 而下個星期原本應該同埋同學食飯卡啦下, 但係亞sir 唔得閑就改左做8月1日!
因為老公番shift, 所以我每次都係係老公番中班嗰時先出街, 因為如果老公係屋企, 我就更係係屋企啦! 就係因為次次專搵老公唔係屋企嗰日先出街, 就另到我對滕滕有d內疚!
其實我都係大約一個星期出一日啫, 有時都唔係個個星期都出, 但係每次出, 都有內疚感, 因為我唔番去食飯, 滕滕就連夜晚嗰段時間都係好無聊!
不過我又諗, 我都唔係成日出去啫, 最多第二晚陪佢玩多D囉~
點都要自己輕鬆下嘅，一個星期放自己一日假，唔過份吖
回覆刪除[版主回覆07/25/2011 14:38:00]一個星期一次, 好似唔係好多, 但係個個星期都出去, 就好似去得好密咁~
內疚感會一直纏繞你, 直至你留番係屋企 ~
回覆刪除[版主回覆07/25/2011 14:37:00]但係有時好想盡一下興囉~