小學同學係舊年開始箍牙, 但係去到兩個月前到, 佢個牙醫就死鬼左, 所以就將d case 轉左比另外一個dr(呢個dr係死鬼左個牙醫d fd 嚟)-黃汝X，尖沙咀恆生大廈!
去左個黃(六)醫生到睇左幾次之後, 我個同學就覺得唔妥, 因為箍牙箍到, 條牙隙(上面嘅上半部份)越嚟越大, 而且個dr同佢杜牙根, 又冇照x-ray, 同埋話只係杜一次就ok喎!
所以同學同我講左之後, 我就叫佢去搵我個牙醫fd睇下喇!
好睬! 好睬我個同學只係睇左黃(六)醫生4次咋! 因為我個牙醫fd話我同學, 箍牙箍得太急, 條鐵絲打得太緊, 所以拉到上咢d牙骨"公"起, 爆晒出嚟! 而且杜牙根嗰part, 我個牙醫fd 就即問同學, 佢睇嗰個牙醫究竟有冇牌架???!!!
杜牙根都係事小, 因為上手dr杜得唔好, 執番都ok嘛, 但係而家最大問題, 係佢上咢d牙骨爆到實在另我驚訝, 因為真係爆得好緊要!
所以真係遇正個唔好牙醫, 都真係幾大獲! 錢用左唔緊要, 但係牙呢家嘢, 都唔知幾多幾多時間先攪得番呀!
真陰公!!!
牙骨都爆埋?好恐怖喎
回覆刪除[版主回覆07/21/2011 10:04:00]d牙骨真係"公"晒出嚟架! 我睇到都打左個突架!
佢係咪好很痛呀?
回覆刪除[版主回覆07/21/2011 10:42:00]本身箍牙都有小小痛架喇, 而家佢咁, 就更係再痛d啦, 佢話有時連一陣風吹埋嚟, 都無啦啦軟一軟架!
噢撈!!!好慘呀...
回覆刪除[版主回覆07/21/2011 10:54:00]我都覺得佢好慘呀, 不過我又唔敢講真話, 因為我怕佢好唔開心呀~!
牙又出血，荷包又出血，你講唔講，佢都唔會開心架啦
回覆刪除[版主回覆07/21/2011 11:05:00]佢睇完我個牙醫fd之後, 佢真係都幾唔開心架, 所以我就更加無謂煮多二錢重啦!
箍牙閒閒地萬萬聲, 咁攪法.... 雙重痛啦 ~
回覆刪除[版主回覆07/21/2011 12:40:00]而家攪到咁, 比多幾多錢都要, 亦都唔想諗啦! 唉~