古語有云, 經一事, 長一智, 係啱架!
尋晚滕滕如常係兩點幾開始發燒, 同佢食左退燒藥, 都係好少少, 所以成晚我就不停咁同佢抺面抺頭嚟降溫!
到今朝6點, 就可以食消炎藥先可以瞓到十點幾咋! 我見咁樣唔係辦法, 所以下令唔開冷氣, 等佢出左身汗, 就先開始冇發燒!
下午, 滕滕嗲到要我抱住先肯瞓, 仲要係唔比我郁, 唔比我放手, 唔比我放佢落床, 仲要我揇實佢, 整整坐左係張sofa 到成粒鍾, 至直我個fd嚟到, 佢先起身!
醒左之後, 同佢玩左一陣, 又出晒成身汗, 我估應該再好d卦!
經一事, 長一智, 套係隻豬仔身上, 可以話係, 經一病, 就曵一倍!
因為我見佢, 而佢亦覺得好番d, 就開始痴左線!
個工人係到抺地, 佢就張sofa 推左出嚟, 跟住又推番入去, 真係力大無窮, 因為張sofa 唔係輕, 而且不斷咁擒囉, 係擒窗花, 擒上枱面, 又擒上去兩個疊起左嘅膠箱上面, 跟本就鬧極都唔停!
睇到佢咁癲, 我估今晚唔會發燒喇卦~
癲成咁...返晒嚟喇...wakaka~
回覆刪除[版主回覆07/31/2011 00:03:00]我都希望佢番左嚟囉! 不過番左還番左, 唔好過龍先得架!
唔知係咪男仔真係多力啲呢,我個囝都係咁!
回覆刪除發燒都好辛苦,好彩依家無晒事啦!咁有氣力,一定無事架啦!
[版主回覆07/31/2011 22:59:00]佢未發都已經好大力, 發緊時, 更加係痴左線!
無事啦 ~ 精神晒
回覆刪除[版主回覆07/31/2011 23:00:00]我唔講, 你都唔覺佢病緊架! 有如瘋子一樣!!!
haha...好番啦
回覆刪除[版主回覆07/31/2011 23:01:00]未架! 聽日仲要睇多次DR呀!
哈哈，精力充沛，勁!!!
回覆刪除[版主回覆08/01/2011 12:57:00]我頭先見到佢, 連屋企張玻璃飯枱佢都搬得開呀, 簡直可以去國家隊呀, 真係痴線架!!!!!!!!!!!!!!!!!!!
係呀, 嬈嬈如果發燒我都會焗到佢出一身汗
回覆刪除咁樣快d好返架~ 呢招真係萬試萬寧, 又可以食少d 藥~
[版主回覆08/01/2011 12:58:00]但係佢尋晚又微燒喇~ !
食咗藥之後就力大無窮，快啲落街，叫佢幫手抬米啦)))
回覆刪除[版主回覆08/01/2011 16:02:00]你講開提醒左我, 屋企真係要買米呀!
叫滕滕落街幫手抬米，好過係屋企搬枱搬梳化整花地板吖
回覆刪除[版主回覆08/01/2011 22:29:00]唔講你唔知, 而家D地板, 尤其係高壓地板, 係好難花架! 滕滕咁樣拖張SOFA 法, 地板都冇事呀!
真係???咁我屋企真係要換呢隻地板先得，叫高壓地板呀?
回覆刪除[版主回覆08/02/2011 23:19:00]D 高壓板都幾"COM"架, 你可以去睇下囉, 有平有貴! 如果想效果好D, 就撰D厚板, 整左出嚟都幾好架! 個感覺實在好多架!
唔該唔該
回覆刪除