一路做都係咁, cma cls前兩日要補料, 而補料時間係每日早上10:00am前, 呢個形式已經係由2011年1月1日開始!
我叫馮小姐問cma, 如果book截星期六, 但係就聽日10:00後先補料得唔得!
佢問完就答我: 截星期六, 就星期四10:00前要補料!
我知! 佢咁答我, 真係好廢話囉! 我更係知normal係10:00前要補啦! 我叫佢問, 就更係叫佢問下人地, 我地下午先補, 可唔可以收埋我地呢隻柜啦!
我冇講, 因為我係覺得佢做左咁耐, 諗都諗到! 不過可惜佢諗唔到之餘, (我覺得)仲好串咁答我: "我咪答咗你要問佢囉, 有咩問題?"
佢咁樣答我, 我就忍唔住係個位即刻同佢講(唔再係msn對話): "我覺得你應該係諗到, 如果我地聽日裝貨, 係知道10:00前補唔到料! 就係因為係趕唔切先叫你問, 如果唔係, 都唔使叫你問!"
佢都不甘示弱架, 因為佢即刻答我, 佢諗唔到! 所以我就答番佢: "我覺得你做左咁耐, 唔會諗唔到, 應該係會諗到!"
頭先同老闆傾過馮小姐, 老闆同我分析, 叫我過多幾日先好同佢傾呢個問題!
ok, 咁我下個星期先同馮小姐講!
阿馮小姐係咪諗住呢度唔炒人, 佢日日係度hea就過1day....唔駛帶個腦之餘就有人工收呀!
回覆刪除[版主回覆07/14/2011 09:59:00]可能係卦, 不過我下個星期會同佢講, 如果佢可唔檢討下自己, 大家好難再溝通!
即係咁，你應該好清楚你呢個下屬唔係一個話頭醒尾嘅人，你下次就長氣少少，同佢講多句，你就唔洗忟喇~~~
回覆刪除[版主回覆07/14/2011 10:01:00]個問題係呢樣嘢係唔使講都知, 一個星期都做同一樣嘢幾次, 咁點解做左幾年都係咁架 !!! 唔使做左幾年嘅嘢都要我下下續個step講吓嘛, 痴九撚七西線架!
唔好咁忟啦，佢擺明知道你地唔會炒佢，一直死蠢囉
回覆刪除[版主回覆07/14/2011 12:41:00]唔止係忟, 直頭係火嚟!
一陣下午再睇我個blog, 又有嘢嚟喇!