谷底.....

呢兩個星期, 又好似番番去中學時, 心情去到谷底.....

有D嘢5可以同人講, 講左亦幫5到D咩, 就連係自己身邊嘅人, 我都冇打算講比佢知, 因為佢都感5到我有幾大壓力. 其實點解咁重嘅......?!

真係好羨慕嗰D, 天跌落嚟可以當被come嗰d, 因為5會有咁多煩惱, 亦都5洗諗咁多預備咁多.

我真係好5想再食番煙, 但忍左3日, 我終於忍5住去買左包煙, 因為每當吸一啖煙再噴出嚟時, 係我心裏面屈住嗰一堆氣 ,就可以一下一下咁噴出嚟.

讀中學時, 有個學長佢5知點解可以睇通左我, 亦都係唯一一個. 佢知道我好多心事, 雖然對住人笑, 但所有嘢都假裝, 叫我凡事都睇開d. 有d嘢, 真係好難睇通, 要睇通就要靠自己5可以靠人地, 因為跟本就冇人幫到我!

有咩咁好笑......

有個識左我10年嘅朋友同我講, 叫我要笑多D, 個人要歡容D~

聽到之後, 我問番我朋友, 點解我要笑多D呢, 無啦啦仲咩要咁歡容!

由中學開始, 我真係好少笑,個人個樣一D都5 nice, 我係知, 因為我覺得冇嘢值得我咁開心喎!

中一我就比人點錯相, 以為我係報串嗰個, 除左去報串嗰個之外, 成班同學都排斥我, 我當然有5開心, 但我冇同過亞爸亞媽講我想轉校, 一路我就只有忍, 去到F4大兜亂分文理班, D同學關係先好小小!

我老豆不嬲皮氣好大, 屋企有嘢5敢講, 因為只有老豆講冇我地講, 結果到我中五嗰年, 因為細佬抄人功課, 比我老豆知道後老豆發癲, 呢一次, 我發圍同老豆抄大獲, 老豆想打我, 兩個細佬就幫我捉住老豆鬧佢叫佢5好郁手. 從此之後, 3姐弟感情就團結一齊, 有咩就一齊反我老豆!

對我嚟講, 其實冇咩事要咁開心, 因為有咩事個個都搵我做, 我跟本就好5得閑, 仲邊到笑得出!

一樣米養百樣人!

早半年, 我已經想去整眼眉, 有人同我講佢嘅朋友介紹左一間比佢, 叫我去先試下做白老鼠~ 做白老鼠都5緊要, 最緊要就係比D制成品嚟睇睇先!

一係唔睇, 一睇真係嚇撚死我!

下面嗰張就黃小虎咁樣, 上面嗰張個眉頭就歪嘅! 咁嘅眉, 你送比我都5會去整啦, 但有人唔信我講嘢, 照去整左!

整左當然梗係LAI 晒嘢啦, 個眉山位整到厚過前面, 仲要又長左, 出嚟真係惡雞乸咁樣, 所以有人整完當晚都唔敢同我講, 直到4日之後先話比我知!

而我梗係唔會好似有人咁on交去呢間到整, 因為我睇開間牙醫個姑娘識左成廿年, 佢介紹左我同有人去佢嗰間到整, 有人唔聽我講死都要去佢朋友介紹嗰間, 而我見牙醫姑娘對眉整得都幾ok, 咁就梗係去間正常到整架啦!

整完之後, 我真係勁開心!!!

呢d先叫正常架嘛!!!

我remind 有人, 如果再去補時, 問清楚佢地點同佢補先落筆, 因為整左就真係冇得番轉頭架! 但有人居然答我: 其實睇睇下都覺得冇乜喎!

哈~ 真係攪笑, 係到自欺欺人!

可憐!

我屈左好耐, 一個二個三個, 都冇人理過奶奶! 個個把口好似好錫佢, 但當有時事, 奶奶只會搵我一個, 因為就算佢講左, 都冇人理!

奶奶乜都走嚟搵我, 佢D女呢, 得閑到爆, 懶到就連分身家都5願郁, 而我, 多嘢做到, 跟本就做5切, 但都要理埋奶奶!

我其實真係好嬲, 點解要搵我!!! 奶奶對我5差, 有時佢入嚟會買我鐘意嘅嘢比我食, 所以我知道, 如果我5理奶奶, 佢就真係冇人理佢, 但, 我真係好5想做, 因為佢D仔女一個二個都推晒比我做!

呢個結我屈左好耐, 已經都幾年, 到上星期我真係終於忍5住同我老公講左! 個個都係衰人嚟, 個亞媽電話卡係要增值, 5識又要等D大帝番嚟整, 我話同奶奶上台, 半年D人都5理! 儲值卡用完5用, 有靚no.就自己去左上台, 比個難記嘅no.亞媽用, 乜老人家5係搵個好小小易記嘅比佢嘅咩???  家居電話完約, 冇人理佢! 請問生咁多個仔女, 其實都係冇撚用!!!

我知道老公雖然死口都5認佢5理佢媽, 但佢心中已經知道我講嘅係事實, 因為佢知道佢媽乜都嚟搵我!

因為奶奶聽到我同老公嘅一場大交, 所以我之後都好直接同奶奶講我嘅感受, 5係同佢地你食餐飯, 就係對你好好, 你有事有嘢要幫, 請問有邊個會理你!!!

奶奶對我真係好好, 但有事會好煩, 而我明白老人家係咁樣, 所以我都忍住, 我5幫佢邊個幫佢, 因為我又真係會睇5過眼. 不過而家, 我講晒出嚟比奶奶聽喇, 我而家舒服晒~!

笑死又嚇死!

而家D小朋友個腦5知點解咁成熟嘅! 今日下午滕滕打電話嚟話要畫兩幅畫比一個男同學& 一個女同學, 而男同學嗰幅就當然冇問題啦, 但女同學嗰幅公主, 滕滕就打電話比話佢可能5識畫, 但應該都可以畫到!

番到屋企, 幅公主畫就即刻已經係我面前出現喇! 但一睇, 真係嚇死我.......

 

 

我問滕滕, 點解個公主會5著衫架, 佢答我: 你平時係屋企都係咁架啦!  我真係比佢激死我囉, 我除左換衫之外, 有個工人係屋企, 我點會無啦啦5著衫四周圍走!  所以, 我叫滕滕即刻畫過幅公主啦, 想嚇死同學仔個媽咪咩!!!

不能夠接受現實!!!

好on交的我, 今朝四點鐘起身, 去我想嘅第一志願間學校到遞交後補叩門表! 派位中心9點半先開, 學校8點半已經接受收表, 但都未知結果我就想去遞定表以示誠意嘛!

我真係第一個去到呀, 因為我真係好想好想表達我幾有誠意, 縱使未有結果我都想第一個入表囉, 但等左兩個鐘之後, 有一個滕滕上英文識得嘅媽咪就行過嚟我身邊, 而佢係等8點半攞表嘅! 佢話都未公報結果, 佢應該係5會收我份表, 比佢兇左我幾下, 我就諗諗下都係啱嘅, 所以我即刻轉陣, 番屋企叫個工人去派位中心排隊先, 而我就送完滕滕番學就去搵佢!

等嘅時間雖然只係幾個鐘, 但真係覺得好耐好耐, 到攞到張註冊證之後, 第一時間睇派到咩學校都係當然啦, 而我真係5敢相信派到第一志願, 我睇完又睇, 睇完又睇, 足足睇左十次八次!

直到今日去學校註冊, 我先接受到現實-我個滕滕派到去第一志願呀!!! 真係開心死我!!!

乜都要死撐

由4月開始, 我就開始預備滕滕份portfolio, 好彩嘅係, 有朋友好好咁比佢嗰份我睇, 如果5係, 我都5知究竟點整, 因為真係好難入手......

兩個月時間可以比我hea 住嚟整, 整完咁上下, 兩個星期前開始執執執, 因為要簡而精! 我4月時, 我提醒有人, 叫佢都好開始整喇, 慢慢整慢慢執, 但回覆就係好串咁答我: 我5整喎, 整完都5知睇5睇, 所以我5整喇! 我一早都講明搵姑姐幫我睇份portfolio, 叫有人預備好都一齊帶埋去姑姐到比姑姐睇下, 但有人都係答我佢都係5會整! 但點不知派位嘅一星期前, 有人打電話嚟問我portfolio d相係點樣! 我5串佢, 真係都對5住自己囉! 之後再講落去, 原來有人自己搵左自己教書嘅姑奶執過下封我比佢嘅封薦信! 整咪整囉, 又要扮5緊張, 仲要串我話我嘥時間! 我一早都話整嚟都係standby 之嘛, 仲要事死要面同我講5整, 但又自己靜靜雞去整! 真係一個迷!

放抵~

韓國旅行單嘢, 困擾左我一個星期, 畢竟大家都係朋友過, 心事都有講過, 雖然我真係好唔想絕交, 但係我真係接受5到有人當我係傻仔! 所以當尋日埋左條尾數之後, 我可以完全delet左呢個人......

縱使5捨得, 大家曾經frd過, 但有d嘢係時候了結!

超級痛苦及難受之韓國旅行

我咁大個女從來都未試過咁受罪, 5.10-5.14 呢5日, 我5會再比佢係我生命中再次發生!

我知道係佢立場我都好衰, 我一開初講明我係5識路係路痴嚟, 我5介意佢去邊我就去邊, 總之就5洗煩5洗叫我諗就得, 因為我話我好怕旅行都要咁煩惱! 就係因為我5識路5睇到, 咁對方可能覺得我乜都5理! 但係, 我立場都講到明, 到時佢搵路時我就睇住兩個小朋友~ 我一直都係咁講亦係個心咁諗, 因為兩個單拖個小朋友出門, 一定係要咁樣拍住去!

兩個小朋友可以一齊去旅行, 正常我覺得佢地一定係開心到癲左, 所以係韓國一落機, 係天橋上行去地鐵時, 兩個小朋友開心到自己跑左去! 佢地咁樣, 做父母係5容許, 因為異地走失左點算呢, 所以佢地兩個比我地兩個媽媽鬧左一大餐! 係呢幾日旅行, 我發現朋友個仔各方面都比較遲緩, 而我同滕滕提醒左幾次佢個仔成日甩褲要拉番高條褲時, 漸漸我朋友聽到就不其然5開心一見到個仔甩褲就直接係街到鬧左先! 甩褲,拉拉鏈,同埋太大力整爛左件雨褸, 我朋友係不停咁係街到大吵大鬧, 仲要扯住個仔D頭髮, 同埋打! 我見朋友咁失控, 我已經5想出聲去勸佢, 唯有我同個仔彈開企埋一邊等佢!

滕滕真係好難玩, 成日都撩佢個仔玩, 而佢個仔報串完滕滕攪佢之後, 兩個就又再玩過. 小朋友, 正是這樣!!! 但我朋友就5係咁睇法, 我地睇緊條路點去, 兩個小朋友就係到玩, 我朋友又係街到大聲鬧! 到兩個小朋友5玩係到講嘢, 佢又鬧話好嘈住佢! 咁即係玩又鬧, 唔玩又鬧! 仲要下下都鬧得5係細聲!

滕滕第二日旁晚係樂園走之後就開始有D咳, 所以一番到酒店我就比藥佢食同埋跟住同佢戴口罩. 滕滕食左藥都5係咳得好緊要, 耐5耐一兩聲, 但係我朋友就當滕滕發瘋咁, 佢個一行埋滕滕近D就即刻啤住個仔示意5好行咁埋, 再5係就扯開個仔!  我知道佢怕傳染左比個仔之後再野到個細仔, 但已經戴晒口罩啦, 又5伙咳得好嚴重, 真係需要咁咩???  到final 嗰日, 我同佢個仔講5好行咁近我地,如果唔係一陣又比佢媽媽鬧架喇!

一去到韓國, 大家每人攞左HKD2000出嚟換錢, 跟住怕5夠用, 所以之後每人再出多HKD1000嚟換, 去到尾二嗰日lunch我就話睇下亞公有幾多錢剩分番d出嚟一陣用埋佢, 留番d夜晚食埋last一餐飯! 我咁講我覺得好正路, 因為5通換左d WON 係韓國5用留番攞番HK咩! 但我朋友冇分番出嚟!

其實我一直都冇見過我朋友換WON 去用, 而我自己TOTAL 就換左HKD2000. 一路我都覺得好奇怪, 點解佢5換錢但係就有WON 用, 而第二日去完樂園之後食拉麵, 我見到我攞埋去韓國做亞公個荷包仔D錢D單好亂時, 我就懷疑佢冇換錢攞亞公D錢嚟用! 到左尾二嗰日我話攞番亞公D錢分番出嚟去買嘢, 而佢就答我D錢同佢自己D錢撈亂晒嚟用喎!

我真係覺得佢好自私!!! D錢我都有夾, 佢KEEP住晒D錢5比番我, 因為佢怕佢自己5夠錢買嘢, 咁我呢, 佢從來都冇諗過我都會用晒換左嗰HKD2000! 所以去完嗰條冇玩具買嘅玩具街之後, 再去同佢去LOTTE陪佢去買零食, 而我同滕滕又去睇玩具等佢之後, 我真係好5想再陪佢去買化妝品! 所以我同佢講滕滕條褲污糟左我同佢番酒店先! 結果佢就二話不說咁即刻答我好你地番酒店啦, 咁就掉頭走冇問過我識5識搭地鐵!

我同滕滕係個地鐵到個幾鐘, 不停咁問人, D人好多都5識英文又5識國語, 好彩有個好人嘅女人5識講都教我咋! 差5多9點先番到去酒店附近嘅地鐵站, dinner 都未食! 到我朋友12點幾番酒店之後, 佢同我講佢頭先係明洞換錢個差價高過晒我地之前換嗰兩次! 呢D人真係自打咀巴, 用晒D亞公錢, 仲話比我聽換番D錢比我(攞番HK), 真係幾咁好笑!

我其實好多嘢都冇所謂, 食乜去邊我都5緊要, 但我5食個仔都要食架! 呢個旅程, 我覺得我同滕滕好似既人離下咁, 佢好想食辣, 但我都要比碗白飯個仔食!!!

回程係韓國未上機, 我同我朋友全程都冇交流過, 明顯地大家都5想同大家講嘢, 佢有佢地行, 我有我地行! 所以一番到HK, 老公嚟接機我見到佢嗰一刻, 兩行眼淚都已經忍5住流左出嚟!

我係FB 到POST 左叠WON出嚟,話厚到可以要嚟ZIP 枱腳, 因為我真係覺得好撚ON交, 換左D錢係韓國冇得用攞番嚟HK! 我朋友睇到就WA 我話佢見到我咁樣佢好5開心, 有乜嘢可5可以攤出嚟講! 原本我真係5諗住答佢, 因為佢咁樣搵我苯我真係5想再同佢講嘢, 但係我真係好鄧佢個仔可憐, 所以我回覆佢如果朋友係要顧及對方感受, 我都希望佢可以顧及下個仔嘅感受! 點不知換嚟佢嘅答覆就係, 佢有佢教仔嘅方法, 我都有打個仔隻手, 所以冇資格話佢. 咁即係我講咁多嚟係嘥氣, 佢完全5接受人地嘅批評, 仲要覺得自己係街到扯住個仔D頭髮嚟鬧係好啱!

我5會再同呢個朋友有計傾, 因為我首先接受5到佢當我傻仔去搵我苯, 同埋, 我真係一樣接受5到佢咁樣去對個仔! 大家已經緣盡!

太熱情喇~

我平時真係唔會好主動, 尤其係唔太熟嘅人, 因為我超唔鐘意收到一D冷淡嘅對待, 所以真係近呢10年, 由我開始轉左而家呢間公司唔洗見咁多客之後, 我真係唔LIKE去識太多新朋友!

自上次滕滕生日會之後, 真係好surprise 滕滕有咁多同學仔嚟, 就係因為呢一次嘅邀請, 就識左兩個非常熱情嘅媽媽!

佢兩個, 真係可以好多嘢咁同我講, 又唔會有dead air, 又有好多意見又好多嘢傾喎, 有時佢兩個熱情到, 我有d招架唔住呢~

Easter 我地就約左去綠田園到玩, 3個小朋友就當然梗係超開心啦, 而且滕滕仲比有一個媽媽讚, 話佢好讓佢個女, 所以係學校好多同學都好鐘意佢喎~

真係估唔到, 滕滕咁鬼百厭, 居然話好多同學都好鐘意佢喎!

最最最開心的一天!!!

由舊年嘅8-9月開始到今時嘅尋日, 我同滕滕兩個都真係不斷努力, 日日就係咁做做做練眼練習, 而我同滕滕嘅努力, 真係冇白費到, 因為今日去睇眼, 真係比我預料中, 弱視已經好番晒喇!!!

當每一晚同滕滕讀英文字圈字時, 我已經覺得佢讀錯的越嚟越少, 直到佢近期, 就連私家要我同佢圈6/6 呢隻字體時, 如果佢都睇到晒冇讀錯, 咁即係代表已經好番晒! 所以, 其實我心中一路已經有數, 結果, 真係果然係我所料到!

我心暗地裏, 真係好配服呢個仔, 因為佢真係堅辛苦, 日日要做我要求嘅練習, 有4頁連線, 3頁找不同, 寫中英文字, 同埋, 等我番嚟之後要同我一齊去圈7行嘅英文字, 我淨係同佢每晚做嘅連線, 我都成日打喊露, 所以佢日日都要做埋D咁苦悶嘅練習, 真係比我嚟講堅係無比痛苦!

由今日開始, 每日都可以唔洗再做D咁辛苦嘅練習喇, 聽到真係已經開心死!!!

小朋友, 你真係玩嘢咩!

我真係好ENJOY 每一次同滕滕去公園玩, 因為我都有份一齊參與, 唔係做坐係到OR 望住佢玩嗰D媽媽!

今日約左佢一個跆拳道嘅同學仔去公園玩, 我講左帶槍去, 玩互射, 我地由2點半玩到5點鐘, 講真, 我真係估唔到自己咁勁, 有氣有力玩咁耐, 仲要又跑又追! 當然, 中場更係有抖過下啦, 如果唔係真係死梗!

因為次次上完跆拳都係爸爸接, 放左學就去隔離嗰個公園玩, 所以我同呢個爸爸已經都算熟, 而呢兩隻豬仔, 就安排左個角色比我地兩個, 就係做賊! 連埋其他另外3個小朋友, 我同呢個DADDY, 就比5個小朋友捉! 哈哈, 真係話咁快就比佢地分頭捉住晒我地兩個, 而滕滕個同學仔, 居然大膽到話我地兩個輸左, 所以要錫咀喎!  小朋友, 真係乜都UP得出!

玩完番到屋企, 我真係攰到散咁濟囉, 但係滕滕好似冇嘢咁, 沖完涼就繼續做埋我比佢練眼嘅功課, 而我, 仲要用我疲累嘅身軀, 去整晚飯!

真係靚到爆炸!!!

我今日真係超級開心, 因為我買左個袋我勁鐘意!!!

真係好難買到個自己勁鐘意嘅袋, 冬天又得, 夏天又得, 真係咩時候都得, 又唔太深色, 又唔太淺色, 唔會好大個, 又唔太細個, 真係靚到暈, 覺都瞓唔著呀!!!

3 DAYS BIRTHDAY

由星期五開始, 日抖就學校開生日會, 夜晚就同公婆嫲食生日飯, 星期六就同亞E食, 星期日就同小朋友開生日會!

食CAKE 到食到我唔想食, 不過冇辦法啦, 滕滕生日, 我又真係好開心嘅!

雖然開心, 但去麥當當咁大型嘅生日會, 我真係唔會年年攪囉, 因為雖然我好鐘意見到咁多小朋友玩得咁開心, 但係攪一攪真係幾無謂又嘥錢, 如果唔係見今年K3最後一年幼稚園, 我都唔請咁多同學仔!

去麥當當開生日會, 要有條件嘅, 就係叫所有嚟嘅小朋友唔洗買生日禮物嘅, 因為太多禮物, 只會令小朋友更貪心!

當埋單時, 我FEEL到老公肉赤, 但係講真, 雖然肉赤, 但係我覺得呢個生日會咁開心都係值得嘅! 一次啫, 唔緊要啦!

暫下眼, 滕滕都已經6歲, 真係話咁快就到12歲, 再眨多幾下眼又18歲, 就好似梓祐咁, 而家都18歲喇~

"猛"車邊又比我攪掂!

好耐之前, 滕滕個琴唔嚮, 我身痕打算拆開嚟睇下, 見到甩左條線, 我焊番左佢之後, 又得喇喎!

嗰次之後, 我發覺小朋友D玩具, 原來係咁簡單!!!

之前個咪又係唔著, 拆開嚟睇發現段左塊膠, 電線又段埋, 而家FB 咁正, 出個POST 上去問下人有咩方法可以固定塊睇囉! 真係好, 話咁快就攪掂左喇!

人地唔知就以為我好勁, 其實我唔係囉, 見到邊到條線段左, 咁焊番佢就得啦, 真係心話真係冇難度架, 睇你想唔想整之嘛!

不過, 今次好似有小小大project 喇! 條友仔係公園到比人撞到把槍, 直頭手"並"都段埋!

焊番d線, 唔知點解唔係下下"禁"制都著, 時得時唔得, 所以又上fb 問下人囉! d人教我去換左個"禁"制嗰part嘅零件, 有個人仲好人到, 攞件parts嚟比我, 咁我都唔蝕底, 即刻9秒9去問下佢意見!

佢隻唔知係咩手嚟囉, 我又"禁"佢又"禁", 佢"禁"住個parts之後就再冇事喇!

我今次真係"猛"車邊咁比我又整番好喇!

嗰位人兄見我同個仔整番支槍, 就話我錫到個仔燶喎! 錫就更架啦, 但另一方面, 我唔想又買過支槍比個仔囉, 所以係孤寒就真囉!

比賽

上星期我問左滕滕畫畫間畫室攞左份參加比賽嘅form, 因為我想試下滕滕而家畫畫嘅技術係去到邊, 再者, 如果有獎的話, 我就可以放埋係份portfolio 到, 到時搵學校叩門時, 就希望有用喇!

我就揀左呢兩幅畫~  朋友話青馬橋嗰張好似比較普通, 佢話因為好多人都會畫青馬橋, 但係我就覺得青馬橋嗰張, 梗係覺得有深度多d, 同埋, 係就係多人畫, 但唔會出自於一個5-6歲嘅小朋友畫吓嘛~

無患子

係環酵谷到見到人地講無患子可以清潔, 咁我就淘左1500G落嚟玩下, 因為如果用無患子係work 嘅, 咁以後就可以唔洗買洗潔精& 洗頭水喇, 哈哈!

煲佢20分鐘!

煲完覺得好奇啦, 點解冇泡嘅??? 再煲多佢20分鐘!!!

煲多一次, 都係冇泡, 咁我又上網去問下人喇!

車~ 原來係咁架! 當初我懷疑淘番嚟會唔會係假架呢??? 有谷有教我搵手初下佢, oh, 得左!!! 仲話唔洗煲咁耐, 15分鐘就得喇, 不過就最好先浸過夜喎!

 

保護我......

其實我都幾好玩, 係公園到同滕滕玩槍戰, 你射我就我射你, 不過可能因為我唔係小朋友啦, 滕滕同我玩完一陣, 就同我講, 我想搵d 小朋友同我玩射槍! 而我, 就即時有d覺得失望, 因為佢唔想同我玩!

有個肥仔, 都大滕滕最少2-3歲, 起初佢問我借槍玩, 跟住就叫我地等佢, 佢上去屋企攞d嘢, 番落嚟時, 佢手揸一個袋, 裏面最少有4把槍!原來, 佢攞槍落嚟, 係同滕滕玩!

見亞肥仔咁有誠意, 我就話佢地3個小朋友對我1個, 我地互射!

係互射嘅moment, 肥仔把槍向住我講: "你食屎啦!" 當時我唔理佢, 只希望滕滕唔好聽到, 費事佢好學唔學又叫我食屎啦!  過左一陣, 滕滕無啦啦居然同我講話我地一組喎!

玩到天黑喇, 番到屋企沖涼時, 滕滕問我聽唔聽到其中有個哥哥叫我食屎呀! 而當時我先知, 原來滕滕唔like個肥仔叫我食屎, 所以就話同我一組保護我喎! 當堂, 我真係好開心, 原來滕滕係咁錫我架!!!

18年

我真係好想知道, 當我青春期時, 係唔係一樣都係咁衰! 老公個外甥仔, 今年就連屋企團年, 拜年, 乜叉都唔去! 而梓祐呢, 細佢一年, 但已經好接近, 唯一唔同嘅就係暫時都仲識得咩叫禮貌!

雖然暫時仲識禮貌呢兩個字, 但係都總有拒絕我嘅時候!

我唔會太勉強佢一定要出嚟見我, 因為大個都有大個嘅安排, 好彩嘅係, 佢耐唔耐都會一齊出嚟飲茶嘅!

話咁快佢就啱啱18歲.......呢18年我睇住佢大, 好彩暫時都未壞.....

今年生日, 梗要買番份大D嘅生日禮物送比佢, 雖然佢話唔洗~ 但我要囉! 一生人有幾多次18歲, 成年喎!

真係好開心佢好鐘意隻錶, 我真係好開心佢好鐘意!

生日快樂呀! 亞姨祝你學業進步, 身體永遠都健康!

新意思

今年公司團年&開年飯, 老闆話怕我地下下都食鮑魚悶喎, 所以改左去食BUFFET!

講真, 邊有人"嚴"食鮑魚悶架, 唔好玩啦!

不過, 今次呢兩餐BUFFET 都唔錯, 尤其係團年下午嗰次D蟹, 真係到而家都未忘記!!!  因為我話唔好食夜晚, 所以最遺憾嘅, 就係LUNCH 冇生蠔食,真係可惜可惜~

最後一日嘅假期

足足10日嘅新年假期, 今日已經last day! 唔經唔覺就已經放左10, 真係快樂不知時日過~

有得去睇戲就去睇, 有得去玩就去玩, 見我聽日就番工, 我就"務"住比人鬧嘅風險, 又去買玩具比你! 結果, 你又係揀左支槍!!!

槍, 真係咁好玩咩???

早熟

有一對孖女, 逢星期四輕黏土班 & 星期六英文班, 都會同滕滕一齊上堂, 而且每逢星期六上完英文班, 都一定會係公園仔玩一陣先走, 所以整下整下都好熟喇!

我記得同滕滕開始熟, 係因為滕滕走去嚇佢地想同佢地玩, 而個家姐就比滕滕嚇襯之後, 就用手甲去"咪"到滕滕甩皮有小小流血, 而嗰次我小小教訓左兩個之後, 跟住就開始FRD 喇!

不過, 而家d女仔就真係早熟, 就連Miss都擦覺到, 個家姐好鐘意滕滕, 而且仲同我講: yea~ she loves him! 因為個家姐, 見親滕滕都要黐住佢, 上堂又要坐係隔離!

今日年三十, 我同滕滕去上完畫班, 係屋企樓下又見到呢對孖女喇, 比滕滕玩左一陣就走喇, 因為未食lunch 好餓嘛, 而走時個家姐居然講: bye bye 王子! bye bye 靚仔!

wahahaaaaaa......真係笑死我!!!  滕滕咁嘅樣, 原來係個家姐心目中係王子, 係靚仔喎! kakakakaaaaaa...... 

好失望!!!

搵左個皮褸師傅去訂做左件皮褸, 等左差不多一個月先有件褸!  我唔會有好多要求, 因為最緊要就係深紫色, 其次就係款式, 唔需要好新款, 只要襟興就得喇!

隻色我就好鐘意喇, 個款都ok 亦都係我想像中嘅襟興款嚟! 但係條毛領呢, 足足等左2個月, 仲要不斷咁催去問, 今日終於先有! 仲要係, 大陸send 落嚟比我, 我要比courier 費用! 問題係, 當日我訂毛領時, 師傅冇講過我仲要比呢份件嘅錢!!!

等左咁耐條毛領先有, 原本真係好開心, 企一卦左上去件褸到之後, 真係極度極度極度失望! 因為我覺得, 好好好核突!!!

呢條毛領價值HKD300!!! 我真係完全冇諗過300蚊嘅毛領係垃圾嚟!!!

可唔可以搵人教下我???

每一次同滕滕剪髮, 我都真係好比心機去剪, 每次想改善自己嘅問題, 但都改善唔到!

我真係好enjoy 同滕滕剪髮, 但係冇一次真係講得上係靚, 因為唔係一邊崩, 就有一個位梗係剪得唔好!

點算好???!!! 究竟邊到有速成班可以教下我呀!!!

MY favour!

今年情人節收到對波鞋, 係我講話好想買對波鞋先有嘅, 仲要係成十年一份嘅情人節禮物!

揀波鞋嘅時候, 老公成日攞d桃紅色嘅波鞋比我! 大佬, 仲咩事要迫人買桃紅色先??? 我跟本就心有所屬, 咁多對紫色波鞋比我揀, 我絕對唔會揀桃紅色囉! 老公明知我係想買紫色, 但佢就問左我一句: 洗唔洗咁紫呀???

小朋友真係小朋友

滕滕平時可能真係好悶.....

佢無聊到攞左個洗衫欖出嚟玩, 佢真係無聊到極點, wahahaaaaa.......

進入倒數階段~

呢幾個月真係好辛苦, 我都好辛苦, 辛苦到, 真係好攰, 所以更何況一個小朋友呢!

日日要遮眼做我比佢嘅dots exercise 4個, 3頁找不同, 中文字一行, 到我放工番到去要練圈英文字, 由5行改到7行, 同埋由2015年1月1日起, 最好每日都讀故事書一本!

因為我同滕滕講, 我真係好想好想佢係番P1之前練番好隻左眼, 唔洗再遮眼做練習, 因為我覺得練眼真係浪費左好多好多可以玩同埋學習嘅時間!

雖然練眼時都一並學習埋, 但係始終遮住一隻眼去睇嘢, 真係唔舒服, 所以我鼓勵滕滕之餘, 我都鼓勵自己, 係呢幾個月努力D, 咁好番就唔洗再咁辛苦喇!

今日, 同滕滕去專科覆診, 醫生話滕滕遮眼練習時間可以由4個鐘減到去3個鐘喇! 真係開心死我!!! 因為減時間, 即係意味著佢隻左眼真係差不多完全好番, 進入倒數階段喇!

所以, 我同滕滕都要繼續KEEP住咁去做練習, 因為我真係好希望佢係3-6個月內可以好番晒呀!!!

麻煩! 唔該!

真係唔明, 仲乜事d人梗係要走嚟搵我???

老公個堂細佬, 佢都好幫得手下, 次次搵佢佢都盡量去幫我, 但唯一我唔like嘅, 就係佢耐唔耐就話要搵我出嚟食飯!

我已經講到好明, 個仔要番學, 平日唔出得, 而假期就要湊仔, 咁麻煩就唔好再約我啦! 無耐, 佢真係又嚟!

我又已經講過, 下次就到時間, 就搵埋佢堂哥我老公一齊食,因為我知道佢兩個出到嚟應該唔啱咀形, 但係亞堂細佬, 佢又嚟話食飯!

其實都可能係我衰嘅, 因為我唔想得罪佢, 萬一如果電腦有事搵邊個幫我睇先?! 就算比錢人都唔可以下下好快咁幫我睇架嘛! 所以我次次都洒佢, 話睇睇咩時間得!

咁我見23号個仔唔洗番學, 可以出去同佢食一餐嘅, 但係去到3點幾時, 我真係真係好唔想去, 所以我就吹晒水話我又痾又嘔要即刻走喇, 再約! 點不知佢話好disappointed 喎! 係唔係痴撚線架, 朝早都講過我腸胃炎, 同佢食飯我都只可以食粉, 我食完飯番嚟話好唔掂要去睇醫生, 佢講完句take care之後就話好disappointed , 咁請問係唔係嘔住都仍然要出嚟呢???

尋日, 我又收到佢wa 喇, 佢話新年快樂, 佢剛落機喎! 我知, 我知你咩用意, 你想同我講你番左嚟HK喇, 如果我好番就出嚟食飯吖嘛! 咁, 你即係迫我又扮病啫! 今朝我先覆佢話我大感冒, 如我所料囉, 一句take care完之後, 就話等我好番就食飯喎!

大佬, 我欠左你嘅咩!!! 你好撚悶咩, 成撚日叫人食飯, 我已經同你講左我好撚七忙架啦!!!  我真係好想知, 我d桃花唔係呢個年紀先嚟吓化???