痴撚七九線!!!

近排公司同左一間worldwide 公司做左第一單生意, 滿以為好開心, 不過惡夢原來先開始!

其實我唔介意多嘢做, 因為我本身都係工作狂, 番到屋企都仲會做公司嘢, 所以多D嚟就密D手!

之前同個大客同我老闆食過一次飯, 而呢次飯, 呢個女人就係我老闆面前已經插左我兩嘢, 同我老闆講"之前搵過我地, 但係我地呢樣又唔做嗰樣又唔做!"  好彩因為我乜都同我老闆講, 而呢樣又唔做, 嗰樣又唔做就係我老闆叫我回應! 呢個女人未開始做生意就已經咁串, 好! 即管放馬過嚟!

自己開始傾第一個order 時, 個女人就搵左佢條女嚟跟, 而呢條女, 我應該幫佢改過名, 應該叫女鬼, 仲要係死得好慘嗰隻, 因為佢日撚日奪命追魂! 只係一個鐘內佢就打撚左8次比我, 次次都問撚埋d唔撚應該問嘅問題! 其實我唔介意佢唔撚識, 因為我知佢只係入職左幾個月, 但係唔撚該, 可唔可以用下個死人腦去諗下呀???

所以我開始冇耐我已經頂佢唔順, 選擇性聽佢電話! 不過, 總係有d人咁唔九知醜, 因為佢問我點解佢亞姐搵我就即覆, 而佢就搵極都搵唔撚到我! 亞姐~ 你問嚟都多九魚啦, 你係唔係想我答你因為你好撚七煩吖!!!

上個星期呢隻女鬼, 又嚟搵鬼攞命, 未撚夠九點半佢就打撚左3次嚟, 其實我可以接佢電話, 就係因為佢咁九奪命, 所以我偏偏就唔聽!  當然佢都唔會擺休, 所以番到公司我就聽佢電話! 呢個世界, 係唔係有人叫佢食屎就食屎架呢??? 佢個亞姐叫佢搵我地起模報價, 比左張相過嚟, 問可唔可以即時報到仲比埋圖紙佢喎! 大佬, 要報價就要計數, 洗唔撚洗我地叫間公司停撚晒所有on hand 嘅job嚟只係報價比你地呀??? 吊你老味, 你係唔係已經同我地deal撚左十萬九千七張單呀??? 講九左十萬九千次話一日未落實比訂起模, 圖紙係唔會有, 唔通亞豬亞狗問一問價就出張圖紙呀??? 你個腦係唔撚係係個屎忽入面架???  結果, 一日裏面打撚左十九幾次嚟問同一樣嘢, 仲要半夜12點佢個亞姐send個e-mail嚟問攞圖紙! 吊那星~ e-mail都比九埋你話唔會有圖紙啦, 究竟你當你自己係乜呀? 吊, 做雞都要有單先有人幫你搭路架! 到左第二朝, 嗰隻女鬼又再奪命追魂call我! 嘩~ 真係煩撚到呢!!!

今日, 我真係忍唔撚住! 隻女鬼又係晨咁撚早打嚟奪命張圖紙話提醒我喎! 咁我第一句就答佢今日有嘛, 你問極都係今日架啦, 人地已經知喇, 我唔會成日打電話去追人架, 因為人地已經覺得我好煩架喇!!! 話說完之後, 隻女鬼好無奈咁收線, 不過好戲在後頭, 因為比完圖紙佢過左一陣又打嚟! 我同老闆講緊電話就已經奪命左我兩次跟住再打手提兩次, 真係吊! 吊! 吊! 係唔係痴九線架, 公司唔聽就係咁打手提! OK, 你既然咁撚鐘意奪命追魂, 咁我就比你追九飽佢, 過左一陣佢又再打嚟, 我又唔七聽, 你吹呀!!!

佢好撚有恆心呀, 打撚左4次之後再打4次, 咁我第8個電話聽喇! 而且仲問九佢洗唔撚洗呀, 係唔係去個廁所都唔得呀???!!! 我唔九係坐係張櫈到, STANDBY 你打嚟架!!!

FINAL 我仍然忍唔撚住, 再串多佢兩嘢, 問九佢點解D嘢係佢都走去問番我轉頭, 如果唔係撚就PASS 個圖去比佢地design dept, 因為嗰d人一定識!

問!問!問! 咁九鐘意打嚟問! 一日問十九幾次! 想唔比佢亞姐知道佢乜7都唔知吖嗱, 好~ 咁你問撚完每一次, 我都用E-mail覆番你, cc埋比你亞姐, 等你亞姐知道你一日打嚟問十九幾次嘢!  真係吊那媽~ 公司已經有個咁撚蠢架啦, 而家仲要我對多個冇腦嘅人

灰色........

今日, 我開左罐鮑魚, 因為我今日冇食飯, 而且喊左好耐.........

好靚呀~~~

其實我仲未係好想滕滕自己瞓, 因為我好唔捨得佢, 而且好enjoy可以瞓時不停咁望住佢, 得閑又錫下佢, 耐唔耐又摸下佢!

我問滕滕佢想唔想自己瞓, 因為我話佢開始大個, 張床3個人瞓真係越嚟越迫, 雖然一齊瞓時大家已經就到位, 但係講真有時我真係冇位要瞓床邊! 我同滕滕講, 不如爸b唔係到時先同我瞓啦, 爸b係到時3個真係好迫喎, 但係佢答我, 想同我瞓, 亦都想同爸b瞓!

我搵左好耐, 搵到呢D jelly貼! 貼左, 幾鬼靚!

係我同滕滕一齊努力架! 整完佢都"我好鐘意張床呀~~~!" , 不過仲加多句: "但係我都唔會係到瞓囉！ "

之後耐唔耐我仲見到滕滕係床前凝望呢幅床頭, 望都定晒眼咁~ 所以我就再問佢: 係唔係真係好靚呢~!

有新嘢玩~

上個月電左髮, 而家淘左呢個嘢番嚟!

呢個卷髮器真係幾得!

真係幾有自然feel, 不過需時就耐左d, 因為每邊要分開3部份吹, 仲要吹到乾為止, 所以而家要預早5-10起身 !

新椅~

好快咁就進入左另外一個階段喇! 滕滕張high chair要退役, 因為真係開始坐唔落, 想要嚟比佢食飯坐都唔得lu~

搵左一排, 搵到一張椅, 個椅背係可以調向前架! 而且椅背又可以較高低, 好似幾好咁!

張椅唔平, 為港紙都要八百幾, 不過如果係香港買就一定唔止呢個價囉! 可能以前公司做左十幾年有職業病嘅關係, 所以如果要我買張二三百嘅再加cushion, 跟本就唔係嗰回事!

本身張椅個gas lift都係偏矮, 因為佢for 係小朋友嘅枱到用, 不過, 我就打算暫時比滕滕係飯枱到食飯同埋做功課! 所以問左個舊同事攞左D配件自己換左!

而家高度very good  ! 張椅又唔轉得  ! 幾鬼fit 呀 !

比你笑死+激~

尋日上完英文堂去左表弟屋企玩, 尋日全程滕滕都好乖, 表弟每次嘅野蠻無理, 滕滕次次都讓表弟, 因為真係好乖好乖, 所以今日出去亞公到食飯時, 我就買左架車比佢!

我知道滕滕都因為知道佢自己咁乖都好開心, 所以睇見佢個樣時, 我都頂佢唔順笑左出嚟! 買左架車之後, 佢當然開心到飛起啦, 仲同我講架車開著嗰首歌(no body)佢好鐘意聽! 係呢個moment, 經過ok我見到嚿電, 我就醒起公司個磅要買電喇! 我同滕滕講我想買嚿電, 佢就即刻同我講: 你又買嘢！你又話冇錢！成日都話要買嘢！冇錢你就唔好成日買嘢啦！

平時滕滕想我買車比佢時, 我就會同佢講我冇錢買車喎! 因為媽咪d錢錢唔可以成日要嚟買玩具架! 再加上我真係冇錢, 所以除左佢真係好乖好乖之外, 我係唔會無啦啦買車比佢架!  不過, 我覺得, 可能我真係成日買嘢, 所以滕滕今次就忍唔住去阻止我喇!

滕滕話說完之後, 我都同佢講: 其實我冇錢，之前都唔應該買呢架車比你！

滕滕聽完, 當堂冇言囉  !

可憐的小朋友

上個月, 識左個新朋友, 個新朋友好明顯係細細個落嚟HK, 之後就係HK大! 呢個朋友佢老公係印尼做嘢, 到左8月尾佢就會辭職過去印尼, 以後就係印尼生活! 大家都覺得大家都幾好傾, 所以就約左一齊飲茶!

呢個朋友, 帶多左個朋友出嚟, 而個女人, 有個女5歲, 另外有個手抱嘅仔! 滕滕可能同佢個女差唔多年紀, 所以好鐘意搵佢個女玩, 但係個女人呢, 就好似唔想咁~

其實我唔會無啦啦去歧視人, 但係呢個女人就係其中一個! 因為佢全程都冇望過我一眼, 我同佢打招呼, 佢都冇望住我! 我叫滕滕叫佢, 佢亦都冇望過滕滕! 我叫點心時, 問有冇D咩唔食, 呢個女人, 佢都唔係望住我同我講, 佢話佢好飽唔食得多! 但係當我D點心到左時, 佢樣樣都有食最少1/3! 滕滕走去同佢個女玩, 滕滕百厭搵嘢篤佢個女隻腳時, 佢即刻想鬧滕滕! 而我就即時叫滕滕過番嚟我到, 我同滕滕講我唔識呢個太太, 所以叫佢唔好去攪人地個女! 過左一陣, 呢個女人就破口大罵佢個女, 問佢個女信唔信一巴打落佢到, 又問佢個女想唔想車佢出去! 

點解對住小朋友唔可以先解釋, 要鬧左先呢? 我真係覺得, 冇交化囉!

尋日又見到一個奇景! 有個媽媽帶住兩個小朋友, 一個5-6歲, 一個應該未夠一歲坐緊BB車, 而BB車嗰個係到喊, 個亞媽應該係幫緊大嗰個整緊D嘢, 而細嗰個應該唔耐煩係到喊! 個亞媽就郁手好大力去搣佢塊面好惡咁同佢講: 你, 食遲一陣係唔係會死架!

BB肚餓都要鬧??? 唔撚係呀化! 我唔撚信個女人細時肚係未喊過囉, BB因為餓而喊都要比人鬧, 真係好慘呀!

真係唔明點解世上有D咁嘅老母!

笑死我囉~

我成日都望實滕滕, 點解佢可以大得咁快嘅!!! 佢嘅成長, 我真係好開心可以日日都見到~

老公耐唔耐都會問滕滕: 點解你會係我同媽me生命中出現架! 點解突然你走左出嚟嘅?

雖然滕滕把口越嚟越叻, 不過其實我一D都唔介意, 因為佢有能力駁到我都好過唔敢駁OR 唔識駁! 其實駁咀只不過係代表佢心裏有嘢想講想表達之嘛! 唔通咁都唔得咩? 得~ 只要你有嘢想同我講, 我一定第一時間做你嘅聆聽者, 最怕就係你大個唔同我講咋!

而家放假暑假, 諗住電視就做緊飛機, 又唔係打打殺殺, 所以就可以比你睇下囉, 點不知你條友仔好學唔學就學埋Mr Cool咁, 眼甘甘咁望住我, 然後打側個頭先錫埋嚟! 我笑得越大聲, 你雙眼就越古靈精怪! 你同我講過第日大個都會同我一齊住, 攪到我心都甜埋! 不過, 真係一齊住? 我聽住先啦!

好期待~

今日比我係其中一個團購到見到有髮髮班喎! 真係當堂想呼叫出嚟囉

之前我已經係工聯會睇過D剪髮課程, 但係全部都係package 嚟, 要學吹頭set頭同剪頭! 為期成幾個月嘅課程真係都幾長! 但係我唔需要咁多囉, 因為我只想學剪髮咋!

今日見到呢個團購, 本身係剪長髮嘅, 不過我打去問嗰間嘢, 佢話佢地係另外一個flatform 有for 男仔喎, 咁我就即時問佢係邊個platform 啦, 而且仲問佢可唔可以唔through 團購, 直接同佢book可唔可以呢, 點不知個男人幾on 居, 佢話唔經團購都有, 不過就會貴d喎!

我同個男人講, 其實如果我經團購買, 佢要同團購分佣, 咁點解佢唔可以比我跟團購一樣嘅價錢, 而我係直接book佢地呢! 係呢個moment, 個男人先叮一聲醒左! 跟住就答我好呀!

我, 而家就等佢地覆我時間幾時去上堂咋! 我等左咁耐, 終於比我等到有機會去學好我嘅不足, 希望呢個促成班ok啦~

多九魚!

為左滕滕報暑假班, 我同一個剛認識嘅媽媽反左面, 原因就係佢叫我幫佢留意下D暑假班, 咁佢個仔就可以同滕滕一齊上堂開心D! BUT, 因為要我等埋佢, 就約左星期六一齊去報, 點不知佢唔出聲星期四晚自己去左先, 仲同我講佢幫個仔報左, 仲係last個, 而滕滕就冇得上!

真係diu那星, 當堂興過火屎! 邊有人咁仆街架, 唔係因為等埋佢, 我星期初去報左, 唔係因為佢, 滕滕唔會冇位去玩! 仲要後知後覺咁撚蠢, 報左仲要話比我知佢個仔報左, 但係我個仔就冇得上, 得撚罪左人都仲唔知!

滕滕去學畫畫嗰到, 係呢個賤媽媽講我知, 因為佢個仔係呢到畫開, 所以每個星期三姐姐帶滕滕去都會見到佢奶奶湊佢個仔去! 上個星期我心血來潮問姐姐, 滕滕個朋友仔嘅嫲嫲有冇問滕滕而家放暑假去玩d咩, 有冇去學游水, 點不知姐姐答我有, 而且仲問得好詳細, 去玩咩去邊到玩, 尤其係游水呢part!

原本之前都諗住學游水去搵埋一齊, 因為滕滕同佢個仔兩個好frd, 我都希望兩個小朋友見多d, 不過因為佢老母咁賤之後, 我直頭一刀切!!! 所以去學游水我都冇同佢講!  但係我冇諗過有D人咁不甘寂寞囉, 見人地唔同你講都應該心知肚明架啦, 居然走去搵個奶奶嚟問我個姐姐喎! 姐姐話佢奶奶問滕滕去邊到游水問得好details, 不過! sorry囉, 因為係我帶滕滕去, 姐姐跟本都唔知係邊到學!

真係唔明, 係唔係要人畫公仔畫到出腸先知道我因為你咁賤而好撚唔妥你先???

好攰~ 好攰~

尋晚我失眠, 攪到今朝4點幾先瞓! 但係6:30就要起身, 因為今日要去玩!

之前好失魂, 因為答應左去玩fireman, 跟住唔記得左就應承左當家姐去玩職業小先峰! 堂家姐唔推得, 因為係我話好佢先去, 所以唯有推左fireman嗰邊! 原本時間要係0930係天水圍集合, 其實0930我已經覺得好早, 但係星期五打電話嚟話要提早到0900! 真係人都癲囉! 我問個職員, 你知唔係如果你再提早半個鐘, 我係要8點前出門口架!!! 所以縱使我幾眼瞓, 幾時先瞓都好, 我0630就一定要起身喇!

第一站, 就係去西九龍嘅木棉寶堡!

張單張一攞上手, 嘩~ 好似好多嘢玩咁喎! 有消防員, 警察, 救護員, 牙醫, 奶農, 護士, 入油員, SDU, 郵差,  中醫師, MODEL, 廚師等等! 每PART 有30分鐘角色扮演! 聽落去好似好吸引囉, 不過一玩, 就覺得好亂!

嗰個場地係唔錯架, 望落去都好吸引, 不過佢張list話就話幾點開始, 但係收工時間有快有慢, 如果你玩嗰part 係晏左收工, 咁就趕唔切去下一part你想去嘅職業到玩喇, 因為每個職業每次都有限人數入去!  每個職業玩嗰30分鐘跟本就唔夠, 因為d導師講都講左一半時間!

因為每個職業都限人數, 所以第一part 已經冇得揀時就揀左做入油員!

呢個職業, 比小朋友輪住揸下個壺, 揸下嚿綿, 就當係洗完車!  所謂洗完車, 就去到入油嗰一part! 聽完個導師講緊完一大堆嘢時, 就續個小朋友叫起身去單拖影相(D相賣$80/張)! 影完晒先去玩入油嗰part! 唔好以為每個小朋友都可以試下入油喎, 佢地只係叫d小朋友圍住晒架車, 又講一大輪嘢, 叫左一個人入下油, 咁就當玩完! 我起初以為每個小朋友都會揸下支油槍, 原來係冇架!!! 玩完入油呢part, 就入房除番件衫出嚟, 仲話要去扮沖涼先放工喎! 而當時嘅我已經係心急到爆囉! 因為其他職業已經有小朋友係到排隊玩下一part喇! 而滕滕呢到, 仲話玩埋沖涼先走喎, 冇撚嘢下化! 結果, 滕滕想去玩嘅救護員, 護士湊bb, 呢兩個係唔洗指意架!

護士嘅quota只有5個位, 而救護員就多d, 但係都唔到我地囉, 所以就行去警察嗰到! 但係問d工作人員, 佢話警察都冇位喎! 咁我就即刻問喇: "part part 你地都話冇位, 咁你叫人玩咩先??? 你地張list 就統一晒d時間, 但係有d職業就提早放小朋友出嚟, 有d就遲出, 咁遲出嚟嗰d咪唔洗玩??? 咁你地統一左個時間嚟仲咩先???" 嗰位姐姐聽到我咁講, 佢就check 完一大輪就話警察仲有位, 問我玩唔玩喇! 玩! 更係玩啦! 唔玩有咩玩啫!!!

玩警察都有兩part, 一part就係入去房到射槍! 哼~ 我當初都以為係有得玩射槍囉, 以為有晒佈置佈景係到, 起碼都有一兩槍射下嘛! 點不知幾好笑囉, 個黑面姐姐, 講左九咁撚多嘢之後就先開始著左所謂嘅警察制服(只得件衫又冇褲, 著左似食焦多d囉!!!), 著完制服就開始講支槍, 又再一次九up完一大堆廢話之後就續個小朋友出去埋位喇! 唔好以為有得射呀, 只係比你揸下支槍扮射咋! o係個黑面姐姐九up時, 仲有一個工作人員係裏面, 而呢個男仔就成撚日擋住個玻璃窗企正係中間阻撚住晒我地影相!  我覺得佢地唔會唔知d老豆老母想同自己個小朋友影相囉, 所以我跟本就覺得佢係專登, 而我都好唔客氣去"how"塊玻璃叫佢行開d! 行就行開左喇, 不過一分鐘唔夠又行番過嚟阻住囉! 其他父母見我剛"how"玻璃叫佢死開之後, 個個都拍晒手掌, 所以第二次個男仔又係咁時, 即時就4-5隻手又"how"落個玻璃到! 而個黑面姐姐當時好唔客氣咁啤住家長呢邊, 當時見到佢個樣, 真係好想星九佢兩巴!!!

呢個環節嘅工作人員一d都唔nice! 一d表情都冇! 態度唔友善! 借問聲你咁嘅死人樣, 就不如唔好做啦, 對住d小朋友咁嘅樣, 一d愛心都冇, 死番屋企食屎好過啦!!!

所謂又玩完射槍呢part, 就去左另外一個房, 房內有d做體能運動嘅佈置, 起初我又以為有得玩, 但係原來嗰d嘢只係放係到比人睇架囉, d小朋友又只係坐晒係地下到又聽嗰個咁黑面姐姐講一大輪廢話, 跟住就真係有d嘢玩下喇, 就係坐係架警車到走一轉! 小朋友上晒警車, 唯獨滕滕最尾冇得上! 問番滕滕佢當時都以為自己冇得坐架, 原來係比佢住車頭! 我一見到, 當堂條氣抵番晒, 因為我知道滕滕會因為有得坐車頭好開心囉!

堂家姐個仔走去做奶農, 一埋位就睇片! 都痴九線, 睇片我洗撚係你呢到睇咩, discovery channel 大撚把片有得比你睇啦! 睇完又係聽個導師九up, up完就比d小朋友揸一兩下奶! 大佬, 好貴架??? 揸多幾下隻假牛會蝕架??? 定係隻假牛揸得多會短命d呀???

係木棉呢到, 我地有兩part 時間可以玩, 玩完就要走去食飯喇, 食完飯因為要去下一個場地到整甜品!  其實, 如果就算比我再留多一陣或一日我諗我都覺得唔開心, 因為每個環節都係d導師講多過比小朋友玩, 而且當小朋友有制服著時, 佢地專登整d嘢或者攞d嘢嚟擋住唔比我地d家長影相! 我比錢個仔嚟玩, 都係想個仔開心啫, 吊那星佢, 比左錢就叫我個仔嚟齋睇, 冇撚嘢吓嘛! d導師成九日就講講講, 你估我嚟聽你九up架咩!!! 所以整體嚟講, 請我都唔會再去!!! 完全跟本就係垃圾!!!

玩完呢到就去整甜品喇~

初初到左一陣, 我知滕滕可能開始好攰, 因為今朝佢都7點鐘起身, 仲早過番學, 所以見到佢冇晒表情, 我都有小小肉赤! 不過當整完個朱古力波波出嚟, 我叫佢聞下香唔香之後, 佢當堂醒晒, 而且人地都未話可以食得佢就已經偷食左一粒喇!

成DAY嘅節目就玩完, 我地就番屋企搵老公食晚飯, 而滕滕今次真係攰到不得了喇, 落車抱佢都唔起身, 直到番到屋企佢先醒呀! 而我, 就接近就嚟唔郁得囉  !

發神經!

今朝原本應該好開心架, 不過就係一個女人就攪到我火火地!

今朝滕滕去學游水, 前台個小姐同我講另外兩個同學請左假, 今日得滕滕一個! 咁就真係正啦, 單對單喎, 亞sir成堂到對住滕滕, 係我嚟講就真係開心到爆啦!

等等等, 我終於等到滕滕學完喇, 入去女更衣室時, 就正正有三母女應該剛沖完涼出嚟! 佢地三個身上都有毛巾包住, 並唔係冇著衫!  兩個女(大約十幾廿歲咁上下)一見到滕滕就好surprise 咁, 跟住就同我講sorry, 話怕嚇襯我個仔! 當時, 我都好客氣咁講話唔怕, 因為佢成日係屋企都見到我冇著衫架! 點不知個老母聽到我咁講, 就即刻話: "你唔怕人地怕呢! 都痴線!"

一聽到, 我即刻著啦, 我就即係好大聲好大聲咁講: "唔好意思喎!!! 乜原來嚇襯你呀!!! 如果你叫我要個仔自己一個人去男更衣室呢, 就絕對冇可能喎! 我一個人帶住個仔, 我係絕對唔會咁做架! 如果你好唔滿意我都冇辦法架喎!" 說完我就即刻好大聲咁同滕滕講: "你要記得唔好四周圍望! 如果唔係會有人搵差人叔拉你架! 因為有人唔鐘意你入嚟呢個女更衣室! 不過, 因為媽咪帶住你, 所以你一定要跟我入嚟! 同埋, 其他嘢就唔好睇喇, 你只係望住你最靚嗰個媽咪就得喇, 知唔知呀!"

一路同滕滕沖涼我就一路大聲繼續講, 不停咁講, 講到佢其中一個女望一望我好似唔好意思咁, 但係我仍然繼續講, 講到佢三母女走左為止!

我唔明, 你咁撚驚你個女比人睇蝕, 吊, 咁唔好係出面沖涼, 番屋企先沖啦! 我個仔只係一個4歲小朋友, 唔通你會覺得佢指撚住你對波同我講點解咁dum呀! 亞嬸, 你都幾十歲人啦, 咁撚大個人都唔撚化, 佢只係小朋友啫, 你個女咁撚"京"貴, 唔好擺出街啦苯, 都憝九!

交人~

世界上, on 交的人何其多! 我身邊都有一個!!!

我老闆, 成日都無啦啦送嘢比我地, 初二十六, 一定買嘢拜神, 跟住就比我地, 中秋一定有月餅, 端午而家就封$300利是, 年尾又係派利是買年糕, 過年前仲送好多好多過年食品比我地送禮! 而且有時仲耐唔耐會送提子乾比我地食!

老闆送禮物比我地其實唔出奇, 因為都唔係今時今日先送, 而今日老闆攞住兩張超市coupon去比馮小姐, 老闆同佢講係電xxx送嘅! 而呢個on交馮小姐居然打左個突之後就問"吓! 邊個送架?"

我真係忍唔住囉~ 我忍唔住問馮小姐點解咁on 9去問老闆係邊個送囉! 點不知馮小姐話佢當時呆咗一呆, 唔識比咩反應老闆喎! 佢話又唔係過時過節, 冇啦啦仲咩送嘢呀!

我真係唔想串佢架, 因為我真係頂佢唔順囉, 我話又唔係第一次收禮物, 洗唔撚洗咁surprise 呀! 平時佢兩公婆都無啦啦送兩罐提子比我地啦, 尋日先收左盒車厘子, 無啦啦仲乜要會呆一呆呀! 咁下次, 我同老闆講唔洗比你喇, 既然嚇襯左你!

我成日都唔明, 點解呢個世界上居然有d咁撚on 9 嘅人!!! 老闆比得你, 更係第一時間多謝啦! 就算聽唔清楚老闆講乜, 都應該多撚謝左先啦, 仲問乜春嘢呀! 唔通亞豬亞狗送比老闆叫老闆比你咩, on 99!!!

唔明!

而家D小朋友就同世界一樣, 日日唔同就日日新, 唔好講幾十年前, 就十幾年前, 都冇人諗過而家D小朋友咁進化的咁快, 邊同以前咁一嚿飯吖!

有時滕滕有D click 手問題, 我都會搵朋友去傾, 講我嘅睇法同處理手法, 再聽下人地意見, 跟住自己思維左先去教個仔, 就好似今個星期一咁滕滕係supermarket偷左盒糖, 我都會去諗好晒用咩方法先去同個仔糾正番! 每個人都會有腦閉塞嘅時候, 盡量聽多d人嘅意見!

不過, 唔知點解我呢個朋友好奇怪, 第一時間就責怪我去同人地講, 佢話咁樣就會令到人地對我個仔印象唔好! 我唔明, 點解搵人去講, 去問, 去聽係有問題! 我自問自己係一個接納意見嘅人, 因為有接納, 個人先會進步, 唔通我收埋唔同人講唔問人, 咁樣就代表對個仔好咩???

我嘅方向, 就係第一時間去諗辦法點樣去做, 點樣同滕滕講係最好得嚟而又溫和, 溫和得嚟而又有威嚇力, 而威嚇力得嚟又唔可以嚇怕到佢以後有咩都唔敢同我講喎! 所以我同人商量, 我唔見得我唔係為個仔好, 亦都唔見得我有錯囉!

再者, 我好多時都會係個whatsapp到同我亞媽, 老豆同兩個細佬講滕滕事無大少嘅嘢, 而呢件事, 我亦都有同佢地講, 不過就加多句叫佢地唔好出聲唔好教訓滕滕, 因為我知道佢其實都已經好驚, 所以尋晚佢地入嚟都冇再提! 不過, 我呢個朋友又教訓我囉, 佢話呢樣嘢都唔應該同我屋企人講喎!

如果唔係我尊重佢, 我真係會出聲小佢囉! 唔通就連我自己屋企人都唔講得咩??? 唔通我會覺得我屋企人會即時睇少滕滕咩??? 真係好想講一句: 你冇撚嘢吓化!!!

真係驚到瀨尿!!!

我從來都冇諗過係滕滕4歲就已經遇到呢D咁嘅問題, 究竟係而家D小朋友心智發展得咁快, 定係我個仔早熟呢???

尋晚差唔多十點, 姐姐係放麵包嘅背心膠袋到搵到盒糖!

姐姐問我係咩嚟, 我就問番姐姐點解會有! 姐姐一嚿雲咁, 咁我就問你地係唔係今日去過超市呀, 姐姐就開始知道發生d咩事咁就同我講: "因為怕軒軒攪嘢, 所以我叫佢幫我攞住袋麵包囉!"

姐姐講完, 我地就開始轉移視線, 兩個都望住滕滕, 而我就問滕滕盒糖係唔係係超級市場到攞架?! 滕滕當時就開始驚咁係到點頭!

死啦! 攞左盒糖又冇比錢, 咁即係偷嘢啦! 真係死唔死吖, 我從來都冇諗過咁快就會遇到呢d事, 真係冇諗過滕滕4歲就出現呢個行為囉!

我: 你知唔知每一樣嘢, 都要比錢架!

滕: 我知!

我: 咁點解你唔出聲就咁就放左落個袋到吖?! 你點解要咁做???

滕: 我想比姐姐糖食!

我: 你知唔知你唔出聲就咁就袋左落袋唔比錢, 如果比人捉到你, 人地係可以call 差人叔拉你, 咁你就唔可以番屋企架喇! 你知唔知supermarket 裏面好多視視眼睛, 人地睇番就會睇到係你偷左盒糖冇比錢就走! 你係唔係想一落街經過supermarket比人一認就認到你, 然後捉住你再call 差人叔拉你呀!  咁你想比糖姐姐食! 你都要比錢架!......我想問你, 當時你冇比錢就走, 你驚唔驚架?

滕: (點頭話驚)

我: 驚! 咁點解你當時驚都要做吖! 媽咪咁大個女都唔敢唔比錢就攞嘢走, 因為我知道咁做唔啱而且仲會比差人叔拉架!

"鵝"完佢一輪之後, 尋晚佢就瀨左兩次尿! 佢真係名副其實嘅驚到瀨尿呀!

原本我同滕滕講今朝落左去超市, 同左個叔叔講對唔住, 仲比番錢佢, 不過同堂家姐商量完之後, 我就決定今晚放工番去直頭帶滕滕落去!

滕滕聽到我話"超市個叔叔話要你自己去講對唔住先原諒你", 佢都冇話say no, 都即刻同我一齊落去, 係差唔到就到時, 滕滕同我講"媽咪我好驚!", 真係傻豬囉, 我同得佢落去唔通走左去咩, 所以我都安慰滕滕話我一定會陪住佢, 只要佢承認錯, 以後唔再做, 咁個叔叔就會原諒你架喇!

好彩當時超市唔多人囉, 我拖住滕滕去左office到, 當時只係有兩個人係入面, 咁我就解釋比佢地知尋日咁咁咁, 而家想嚟比番錢, 然之後跟住就叫滕滕say sorry, 我以後唔會, 請你原諒我唔好叫差人叔拉我啦!  其中一個年紀大小小嘅女人當時都好溫柔咁同滕滕解釋咁樣做係唔啱, 以後真係唔可以, 因為咁樣做會前途盡毀! "前途盡毀"呢個term我話佢未識, 佢只係知會比差人拉左唔可以番屋企咋, 而個女人亦都再一次好溫柔咁同滕滕講下次真係唔可以架喇, 因為下次唔會原諒架! 而我, 亦都叫滕滕再一次講: "我下次真係唔會, 我會記得, 以後唔會再做架!"

話說完個女人幫我嘟番盒糖, 咁我比左錢唔該佢就走喇! 走左之後, 我問滕滕係唔係放心晒同安落晒呢~! 同埋, 我好亦都再一次好認真咁同滕滕講真係以後唔可以, 因為下次人地真係唔會原諒佢架喇!

滕滕本身好奇心大我都知, 但係我估唔到佢咁大膽! 諗得到出嚟, 都仲要有膽量先會去做, 呢樣嘢真係我unexpected 囉!

我希望今次帶左佢落去等佢面對自己嘅錯事之後, 真係唔希望佢下次會再係咁..........

可愛的肥滕滕~

去完旅行都已經成個月, 但係滕滕好似未停過曵咁! 其實我之前都常試去鼓勵佢, 如果星期一至五係冇蝦過小朋友嘅, 咁星期六就可以同佢去買玩具, 可惜唔知係唔係control自己真係咁難呢, 結果當然佢更係冇玩具買啦!

直至到奶奶嚟嗰日丙左獲甘嘅之後, 就真係開始冇再蝦小朋友, 亦都冇咁唔聽話! 今晚, 我同滕滕講, 其實佢乖小小我就已經好開心, 如果佢好乖, 我就真係開心到不得了! 點知佢居然答我: 其實你鬧我, 我都會鐘意你到不得了架!

聽完, 個心好甜又好痛, 因為佢明白我鬧佢係為佢好, 而且佢仲冇嬲過我! 所以我真係好想同佢講: 其實你曵, 我都一樣鐘意你到不得了! 不過可惜, 呢句說話我真係唔敢講囉~

攰爆的一天!!!

其實今日安排嘅時間真係唔係咁好, 尤其係朝早! 因為想同滕滕睇怪獸大學, 但係UA只有1100或者1510, 所以我唯有揀1100, 因為5點幾就會出發去睇螢火蟲.......

可能一早起身有活動滕滕唔係太習慣, 所以一睇完戲出嚟佢就話好攰, 要即刻番屋企, 同埋話好攰!

結果老公都只係抱左一分鐘到, 滕滕真係瞓著左





食完嘢番左屋企, 如果係滕滕唔肯再瞓, 而老公就瞓左兩個鐘! 比佢瞓到五點鐘就叫醒佢出門口喇, 因為要預多d時間比老公揸車去, 因為我好怕一陣係大埔虛兜左成個鐘都未去到呀  !

老公今次醒喇, 因為佢用個電話嘅GPS去導航, 食完嘢由大埔虛去到保護區都係15分鐘咋!

約左1900係門口集合, 當時都未天黑架, 成機係出發位到影左張相, 不過之後就一張相都冇影到, 因為保護區真係保護區, 因為森林裏面, 除左有廁所嘅地方之外, 就連一支燈都冇!

今天係螢火蟲之旅, 所以真係好期待去睇螢火蟲, 因為我咁大個女都未見過, 真係好想試下係電視見到嗰D咁, 成"鬧"螢火蟲係我身旁飛下飛下嗰種感覺! 不過可惜, 事實與電視不符囉  ! 導遊話已經唔少, 但係眼見嗰個只係有10隻到, 仲係唔飛, 距離仲係好遠! 而再行去另外一個位, 嗰到仲少, 得4-5隻, 又係離好遠望嘅!

雖然咁少螢火蟲係幾失望架, 不過全程就有探險feel 囉, 森林裹面一盞燈都冇, 靠自己帶去嘅電筒(我地都冇帶, 好彩導遊借左比我地, 不過光線就微弱~), 行完呢到睇青蛙, 就行去另外一到睇昆蟲, 沿途個導遊都會係漆黑之中講解, 而且因為森林嘅地面不平, 所以沿途行路都要好小心!  好彩嘅係今次老公一齊去, 因為如果單拖帶滕滕去真係唔手掂, 因為如果我拖住滕滕, 老公就要照燈比我地行! 而且森林裏面有瀑布, 濕度好高, 所以拖實滕滕之餘, 仲要好用眼力去睇清楚地面邊個位有危險! 

滕滕都算好叻仔喇, 全程堅行左2個半鐘, 問佢佢只係話攰, 都冇話要抱, 可能佢真係覺得好刺激好好玩, 就係回程時差唔多到出口時問左兩三次係唔係就到! 其實我都知佢一定又餓又攰喇, 因為我地6點食左個麵先去, 但係係尾段時, 我都覺得好肚好肚餓喇!

契E食飯~

尋日3号風球, 差唔多到黃昏先落波, 雖然今朝冇行雷, 只係落下雨又停下跟住又再落, 但係都冇得游水, 因為有雷警!

原本諗住一心想游水做運動嘅我, 係極之十分失望架!!! 而且, 尋晚仲專登去買左件潛水衣料比滕滕, 諗住今日冇太陽之下去學游水都會冇咁凍! 不過可惜, 今日冇機會著!

今晚約左契妹食飯, 因為幾個月夾極時間都就唔到, 結果就係早兩日嘅情況下一約就OK喇!

契妹幾個月冇見滕滕, 都感受到佢把口有幾咁犀利! 係駁咀犀利! 小朋友幾個月嘅轉變, 真係可以好大, 千祈唔好講少!

爆笑!!!

尋晚罰完滕滕, 佢就攞左隻老虎入廁所同佢一齊刷牙喇! 而滕滕亦開始教瞓隻老虎~

滕: 點解你成日都咁曳架?

滕: 點解你成日要蝦小朋友吖? 你係唔係覺得蝦人地好威? 覺得自己好叻好勁吖?

滕: 我同你講左好多次啦~ 你唔可以蝦小朋友架嘛, 點解你講極都唔聽!

滕: 我真係好唔開心! 點解你講極都唔聽話吖!

佢鬧老虎嘅嘢, 全部都係我鬧佢嘅一樣, 所以佢鬧完老虎之後, 我就問滕滕隻老虎明唔明白錯d乜呀? 佢有冇解釋清楚比隻老虎知錯係邊到, 咁隻老虎會唔會改過吖? 如果老虎改過, 咁又可唔可以原諒老虎呀?! 而滕滕都答我, 老虎已經知道自己唔啱, 老虎知錯喇, 佢會改架, 所以佢都會原諒佢!

小朋友真係好可愛, 滕滕用投射嘅方式去鬧隻老虎做錯事, 從而比我知道佢原來都知道自己係有錯, 而且仲會去改! 所以當時真係好感恩滕滕明白事理, 佢冇因為我罰佢而唔開心, 甚至乎嬲左我!

不過, 鬧完老虎都未完, 仲要鬧埋熊貓囉~

好火滾呀!!!!!!!!!!!!!!!!!!!!!!

其實我奶奶對滕滕嘅方式, 一路以嚟我都唔認同, 因為佢對小朋友嘅方法係乜7嘢都佢鐘意, 尤得佢, 直接D, 就即係縱!

滕滕係兩歲幾嘅時候, 擒上個電視柜到, 跟住跳過去張SOFA到, 呢個行為動作, 奶奶叫"奀皮", 並唔係叫曳!

聽到嘅第一時間, 我都豪不避諱咁即話"吓! 咁都唔係叫曳??? 睇嚟你嘅觀感角度都好闊下喎!" 於是乎我又接住問奶奶, 如果佢個仔係細時, 呢樣又話唔食嗰樣又話唔食(因為老公而家就係咁), 請問佢又會點做呢?! 奶奶答我: 尤得佢囉~ 佢唔鐘意食咪比D佢鐘意食嘅比佢食囉! 我當堂即時好想拍手掌  , 我又再話: 唔怪得而家係個仔咁叉煩, 煮呢樣又咁, 煮嗰樣又咁啦!

奶奶擺明係一個慈母嚟! 如果唔係佢個仔點解會咁任性!

今日放工嗰時, 我又見到滕滕係個地下到玩玩具, 而奶奶就揸住個碗係到餵佢! 當堂真係, 所以我第一時間打電話番去, 問滕滕隻手係唔係有事, 點解會要人餵佢食飯!!!

真係無名火起三尺高, 所以我番去即時係我奶奶面前打手板!!! 我心知可能唔係滕滕要求要奶奶餵, 而應該係奶奶見佢食飯時又想玩, 所以就主動攞起個碗去餵佢! 做小朋友有邊個唔想有人餵佢食飯吖, 既然亞嫲咁錫佢, 滕滕當然好受落! 不過, 係我屋企唔可以有呢樣嘢發生囉!!! 自從滕滕自己識食飯以嚟, 我都要求佢要自己食, 除非去到尾聲知佢飽飽地, 仲剩抵一兩啖, 我先會去餵佢食埋!

我已經唔係第一次同奶奶講, 而滕滕亦都知道我要求佢係枱上面坐定定食飯, 絕對唔可以一路玩一路食飯! 既然奶奶咁鐘意去服侍個孫, 咁我唯有再比奶奶知, 佢越係縱佢, 我就會去罰佢! 因為滕滕而家並唔係BB, 我絕對冇過份要求, 因為我要求佢做嘅嘢佢係識, 而且佢係明白!

因為滕滕呢排唔知仲咩事成日蝦小朋友, 所以打手板就唔只係因為食飯問題, 仲包括埋蝦小朋友! 我問滕滕係唔係覺得蝦小朋友時好威好勁吖, 點解成日要咁樣去對D小朋友??? 唔係篤人隻眼就篤人個鼻, 再唔係就好high咁去堆人地! 每一日上完堂之後, 姐姐就會即刻打比我話滕滕又蝦小朋友! 天啊~ 究竟發生過d咩事??? 點解你日日都要咁做呀???

我氹過, 勸過, "鵝"過, 解釋過, 鬧過, 再唔可以蝦小朋友, 但係呢條友仔真係講極都係咁, 既然係咁,我就堅教訓你一次!

奶奶份人真係好天氣, 佢從來都冇懷疑過我有d嘢係做比佢睇, 佢只係個心諗係自己連累到個孫比亞媽打手板! 當我教訓完滕滕之後佢先開始出聲, 叫滕滕記住以後唔可以蝦小朋友, 傷害左人地就會冇小朋友同佢做朋友!