衛生常識識唔識??????????????????

我都唔明, 點解人地係到食緊飯, 居然可以係人地隔離剪手甲嘅???

什麼叫禮貌, 咩叫衛生, 咁大個人冇奶油唔識吓化!

其實我都唔客氣咁同馮小姐講: 你冇撚嘢吓嘛, 我仲食緊飯架???

因為我真係冇諗過有人會好似佢咁咁樣做囉!

今日, 又一奇景, 就係佢送比我要嚟送飯嘅!

我知道今朝好大雨, 佢想開行個冷氣快D吹乾對襪, 但係食飯時間, 麻煩可唔可以收埋一下呢???

我真係唔想再講, 講得多自己都覺得口嗅!!!

衝破.......

我知道我奶奶係一個好奶奶, 冇皮氣冇架子亦都唔會比說話人聽, 但可惜, 我衝破唔到自己對佢好!

最深印象就係老爺死嗰時佢拮九我同我講"錢唔係問題!" 亞二姑奶嫁左比個男人係做餐館嘅, 之前開酒樓, 之後就開飯店, 所以既然你咁撚有錢, 咁你老母嘅洗費點解唔係全部你負責晒???  其實我可以狠心D叫老公唔好幫奶奶交屋企電話費& 手提電話費架, 但.....我始終做唔出, 因為個仔幫亞媽交費, 我都係覺得老公係應該!

其實當其時老爺死, 我只不過係想張姨甥仔嫲嫲話比我知嘅嘢講出嚟啫, 點不知換來一句比人拮九我"錢唔係問題!", 所以係奶奶屋企, 從此以後我就少左講嘢! 因為老公同佢兩個家姐感情好好, 我絕對係唔可以講佢家姐嘅不是, 再加上佢家人係家姐大晒, 老公唔會有任何意見, 完全信晒&100%接受佢家姐所講嘅嘢, 所以佢地三姐弟講嘢, 我已經唔會搭咀, 亦都唔想搭!

亞二姑奶你咁撚勁, 成撚日把口就話唔想亞媽咁辛苦, 番襯去食飯都話要出街食, 咁我又唔明點解你平時一個電話都冇打番去比你老母呢???  而你老母一常生活, 有咩問題都冇諗住搵你, 成九日都搵我呢???  就係因為你老母搵唔到你地, 所以你老母唯有搵我, 因為佢嚟我到探個孫, 我就一定會係屋企囉, 亦都唔會搵唔到我!

亞二姑奶你咁撚勁, 出去食飯都爭住埋單, 係樓下食一千蚊有找, 你咁撚鐘意埋單, 更就更係等你埋飽佢啦! 但可惜, 每次奶奶都要爭住找數, 而奶奶同我講爭比錢嘅原因係因為我老公次次都冇比錢喎! 我答奶奶: 你個女咁錫個細佬, 佢唔洗個細佬比錢, 你咪尤得佢囉~  講真, 我都幾撚LIKE亞二姑奶咁撚扮勁架, 你鐘意嘅就扮九飽佢, 次次最好唔洗我地比就得啦!

上兩個星期我屋企門口爆左條食水喉, 同奶奶講開水喉呢樣嘢, 佢就講左D嘢令到我覺得佢真係好可憐! 佢話: 我生嘅3個, 冇一個可以靠得住! 大家姐就講左就唔會做, 成日得個UP字, 佢已經係第3年講話同我換左廁所廚房門, 次次講完都係冇左件事! 二家姐就唔知成日忙咩, 一個電話都冇打嚟! 而個仔, 明明應承左都話自己冇講過! 三個之中, 只係二家姐好D, 佢記得就一定會做! 但係就成日會唔記得!

聽到奶奶咁講, 其實我個心好酸, 點解生三個, 表面上好似個個都好錫佢, 但係有事時就一個都靠唔住!  之所以佢有咩都搵我, 原因就係咁! 再加上, 我覺得佢地三姐弟知道我份人係點, 有咩事我都會理佢老母, 所以佢地就更加放心咁唔需要理佢自己老母喇!

我同亞媽講, 我真係覺得奶奶好慘, 但係我諗盡方法諗盡解釋去令到我可以放開自己去願意幫我奶奶, 但我真係盡左力, 我個心真係好唔撚想幫奶奶, 原因係佢D女咁撚勁, 點解樣樣嘢都要我做???

而我, 諗左好耐, 原因係老公成日都唔多理我, 所以先導致我唔想幫奶奶, 而呢個先係main point......

又爛~

呢副眼鏡, 已經整第3次, 我成日都叫滕滕唔好撞嚟撞去得唔得?! 呢副眼鏡, 每換一件parts 要 $125, 雖然$125唔係貴, 但都好煩囉, 成日要出旺角整, 又要等!

過年前同佢配多另外一副可以替換, 而嗰副就得4件parts, 但如果要換parts, 前面嗰parts 就要$880!

新嗰副用左1個半月都已經整左一次, 好彩就整得番, 如果唔係, 就要比$880! 新嗰副眼鏡要$2200, 如果用左1個半月就要比$880, 咁副眼鏡即係$3080!!! 真係攞左我條命囉!

亞仔~ 麻煩係玩緊時,唔好容入晒個歡樂氣氛到得唔得??? 記得你係戴緊眼鏡架!!!

兜兒和她的哥哥

今日, 都係我嘅第一次! 係第一次睇舞台劇!

套劇我係舊年5月買飛, 成枱頭都係reminder, 咁辛苦咁早買飛都係希望想去睇, 如果真係唔記得去睇, 咁就真係on 交交囉!

未睇過呢類型, 又唔知係咩形式做, 其實我都唔知係乜嚟, 坐抵左滕滕問我點, 係咩嚟, 我真係唔知, 只見兩個布偶公仔係到~

起初以為布偶劇, 點不知原來係舞台劇, 對滕滕嚟講個故事都幾難明, 因為係講3兄妹去台灣一個博物館參觀, 跟住係博物館時光倒流去左古代, 發生左一d怪事! 雖然故事難明, 但好好睇, 好好笑, 對白簡單易明, 只係時光點解會倒流呢part 就好難解釋, 而滕滕都冇問, 因為佢跟本就唔識"時光倒流"!

雖然滕滕唔識時光倒流, 但佢都笑到卡卡聲囉, 所以下次佢地又有做舞台劇時, 我都會去買飛囉~

5TH BIRTHDAY~

每年滕滕生日前一個月就開始搵CAKE同佢開生日會, 雖然細細party, 但係我都希望佢好開心啦!

第一個cake係比佢攞番學校嘅生日會嘅!

 

 

學校生日會係佢正日生日, 所以今年呢個cake比佢自己揀! 全朱古力就梗架喇, 但係最初睇樣時, 佢揀左個朱古力濃度去到70%, 但係我怕佢d同學覺得苦, 所以揀左呢個50%嘅!

夜晚同亞公亞婆亞嫲慶祝, 就第二個cake 喇!

呢個cake我覺得唔好味, 因為正如個名一樣得牛油味咋, 但滕滕話好好味呢~

第三個cake 就早半個月訂嘅, 呢個cake就貴囉, 成千一蚊, 真係幾肉痛!

不過算啦, 見佢個豬樣咁開心, 都抵番晒喇!

第四個cake就係契妹買嘅~ 真係大獲, 因為成兩磅!

其實人小小慶祝我已經覺得very good! 因為唔洗煩! 如果請太多人, 一陣人地攪生日又要去番人地到, 淨係回禮嚟回禮去我都已經覺得煩到爆! 而家我只係買左d波波送番比嚟嗰d小朋友, 而大人就唔洗喇, 因為大家明啦~!

今年嘅生日禮物, 好多都係lego, 真係開心到隻豬仔不得了lu~

依依不捨......

其實個工人真係有時都幾錫滕滕嘅, 好多時我都聽到佢有教滕滕有d咩係可以做, 有d咩係唔應該做! 如果我唔like的話, 我會覺得個工人過左火, 因為佢唔應該話我個仔! 但我冇唔like, 因為我知道個工人都係想滕滕好先去教佢做人道理, 再深一層去諗, 如果個工人冇上心, 佢跟本就唔需要理我個仔做得啱唔啱, 因為跟本就唔關佢事!

近排見到咁嘅情景越嚟越多, 唔知係唔係我感情豐富定係真係只係碎料嚟, 睇到咁嘅畫面, 令到我個心酸一酸.......

玩嘢~

晚晚我都會放條背巾係我枕頭上面, 預備半夜同滕滕抺汗, 點不知尋晚係漆黑中搵極我都搵唔到, 因為原來滕滕個衰仔靜靜雞放左條巾入我手袋到~

我今晚放工番屋企問隻豬仔仲咩放條巾係我手袋到, 條友仔就係到奸笑囉~ 佢話佢特登收埋條巾架喎!

正衰豬嚟, 整估我 ^^

FUNNY~

我真係好鐘意影滕滕同佢老豆瞓覺時個睡姿, 真係好好笑~

次次影完都會比人鬧, 問我仲乜咁鐘意影人地瞓覺時個樣!

真係好好笑架囉^^^^^^^