小朋友, 你真係玩嘢咩!

我真係好ENJOY 每一次同滕滕去公園玩, 因為我都有份一齊參與, 唔係做坐係到OR 望住佢玩嗰D媽媽!

今日約左佢一個跆拳道嘅同學仔去公園玩, 我講左帶槍去, 玩互射, 我地由2點半玩到5點鐘, 講真, 我真係估唔到自己咁勁, 有氣有力玩咁耐, 仲要又跑又追! 當然, 中場更係有抖過下啦, 如果唔係真係死梗!

因為次次上完跆拳都係爸爸接, 放左學就去隔離嗰個公園玩, 所以我同呢個爸爸已經都算熟, 而呢兩隻豬仔, 就安排左個角色比我地兩個, 就係做賊! 連埋其他另外3個小朋友, 我同呢個DADDY, 就比5個小朋友捉! 哈哈, 真係話咁快就比佢地分頭捉住晒我地兩個, 而滕滕個同學仔, 居然大膽到話我地兩個輸左, 所以要錫咀喎!  小朋友, 真係乜都UP得出!

玩完番到屋企, 我真係攰到散咁濟囉, 但係滕滕好似冇嘢咁, 沖完涼就繼續做埋我比佢練眼嘅功課, 而我, 仲要用我疲累嘅身軀, 去整晚飯!