食CAKE 到食到我唔想食, 不過冇辦法啦, 滕滕生日, 我又真係好開心嘅!
雖然開心, 但去麥當當咁大型嘅生日會, 我真係唔會年年攪囉, 因為雖然我好鐘意見到咁多小朋友玩得咁開心, 但係攪一攪真係幾無謂又嘥錢, 如果唔係見今年K3最後一年幼稚園, 我都唔請咁多同學仔!
去麥當當開生日會, 要有條件嘅, 就係叫所有嚟嘅小朋友唔洗買生日禮物嘅, 因為太多禮物, 只會令小朋友更貪心!
當埋單時, 我FEEL到老公肉赤, 但係講真, 雖然肉赤, 但係我覺得呢個生日會咁開心都係值得嘅! 一次啫, 唔緊要啦!
暫下眼, 滕滕都已經6歲, 真係話咁快就到12歲, 再眨多幾下眼又18歲, 就好似梓祐咁, 而家都18歲喇~
祝 nigel 身體健康，孝順父母*^O^*
回覆刪除生日會真係巧開心，但又堅煩同貴。玩2粒鐘幾千銀。不過小朋攪次生日會留個紀念都好既。年年攪我就唔會 law.
麥當當已經係最唔煩, 不過就因為唔知到時D人叫幾多嘢食, 所以冇BUDGET可以預到........起初我地以為2千一定得, 點不知超資!!!
刪除