融融細語

每朝臨番工前, 我都會係滕滕耳邊, 錫佢幾啖, 跟住就講: "你記得乖D喇, 媽咪錫晒你吓~!"

講完, 又再錫多幾啖, 咁就出門口番工!

今晚, 同滕滕瞓, 我合埋左雙眼, 佢就貼個頭埋嚟, 係我耳邊講: "你記得乖d喇, 我錫晒你呀!" 話說完佢就錫左我幾啖!

見到佢咁做, 我就問佢, 我每朝臨番工之前錫佢, 佢係唔係知架, 點不知佢笑住咁點頭應我話係喎!