自從滕滕讀左K1之後, 我就發覺越嚟越唔得閑!
每日有功課就唔再講, 搵左一大輪搵左4個courses比佢去玩, 而家, 就開始忙住幫佢搵圖書!
好在而家滕滕每日番到屋企都自己做左功課先, 咁我番到屋企, 就只係同佢check & study 下功課d內容! 因為佢揸筆手勢唔係咁好, 所以又要陪下佢油下顏色! 其實去到呢刻, 我開始已經想瞓.......但係就只係九點左右囉!
九點鐘, 我隻豬仔都仲鬼打咁好精神, 仲要臨瞓前同佢睇故事書! 一本唔夠喉, 一定要睇兩本! 唔知係唔係我講故事講得好動聽呢, 因為其實兩本佢嚴少, 如果可以丙再睇多一兩本就更係最好, 不過, 我真係冇咩電囉!
因為學校有個閱讀獎勵計劃, 係兩個月內睇左15本英文書就可以有獎狀喇, 15本跟本就濕碎啦, 一晚我地都睇兩本啦! 不過, 睇書唔難借書難呀! 成日就要上網搵書借, 而好多書都比人借晒, 所以耐唔耐就要上網check!
早嗰輪買左d練習簿比滕滕做, 條友仔都不知幾鐘意, 一做就想做好多好多! 但係一次過做咁多, 咁咪好快冇得做? 分開嚟啦! 而且我真係好想瞓囉~
有時攪咁多嘢, 我其實好怕滕滕好大壓力好多嘢做, 不過, 再睇真d, 其實好似係我自己吃力就真囉, 因為放工番到去, 本身都已經好攰, 攪完滕滕d嘢一大餐, 而家十點幾就要同佢一斉瞓! 好似上個學校咁, 等佢瞓左先偷走出嚟? 而家唔得喇, 因為我都頂唔順瞓左覺lu!
滕滕都好勤力喎，keep住呢個態度呀
回覆刪除[版主回覆11/05/2012 12:20:09]我都希望佢KEEP到架!
滕滕咁勤力, 叻仔啦! 打好個底好緊要, 見佢揸筆都似模似樣。^^
回覆刪除我個仔無滕滕咁勤力。佢鐘意睇書多過做習作。同阿媽一樣係懶果種~
同佢地攪完一輪都真係好鬼攰~ 好彩我個仔 9:00pm 就自動關機炸 ~
[版主回覆11/05/2012 22:58:39]其實本來我都怕佢唔想做D習作, 所以買D COLORFUL比佢囉! 不過, 佢都係三分鐘嗰隻, 呢版未做完就問隔離嗰版! 比習作佢做, 都係想TRAIN下佢D耐性啫! 唯獨係睇故事書, 百睇不厭, 因為係聽我講嘛!
我都好想佢好似滔滔咁九點就冇電囉, 不過冇電嗰個係我唔係佢, 佢而家成DAY唔瞓都得, 仲要到十點都仲鬼打咁精神, DAY DAY都HIGH 爆!
攞住支筆的手勢真係好好喎,請問佢之前N1係咪已經教攞筆嘅姿勢呢?我間學校未教呀,平時都要油顏色都唔得呀!
回覆刪除[版主回覆11/26/2012 16:08:01]佢之前N班冇揸筆嘅, 只係係出面學嘢時先會有時揸下筆咁囉~
而家讀左K1, 就日日都要油顏色, 不過, 因為番到屋企佢自己做功課, 所以就好容易揸錯筆, 因為個工人姐姐唔會理佢係唔係揸錯筆(因為佢其實都唔知)!