今日, 個FD叫我同佢老婆去睇BB嘢, 因為佢地好多嘢唔識, 又唔知點入手, 所以放左工(今日番半日咋), 等等等, 終於等到六點約左係愉景, 因為有斉佢地想睇嗰3樣嘢!
之前, 我問我個FD, 仲咩無啦啦生仔(因為佢唔似係會生仔嘅人), 佢話呢D嘢遲早都要, 咁就順其自然, 有就有, 冇就冇! 今日, 見到佢睇BB嘢, 又唔係寧捨興奮, 仲好似好煩咁, 睇BB床嗰時, 佢仲話點解要買BB床喎, 因為佢細佬個生, 就係搭左個"牛棚"係地下比佢個仔瞓, 冇買過床仔, 所以我個FD就覺得BB床唔係必須! 一聽到, 我就即刻話唔係亞化, 個地下濕氣咁重, 點可以就咁買張床褥放係地下瞓架!
睇完BB床, 再睇BB車, 跟住就去睇HIGH CHAIR! 一路睇, 我個FD就好似覺得越嚟越煩咁, 呢樣又好似冇必要, 嗰樣又好似冇必要!
佢老婆就更係想睇啱就買啦, 不過我話我係第到有DISCOUNT, 所以睇左OK, 就等我去幫佢地問左價錢平幾多先! 所以睇到差唔多八點, 我地就搵地方落腳食飯! 我個FD就要走先, 剩抵佢老婆比我嘆! 點解咁講? 因為我只係第3次見佢老婆架咋, 都唔知有咩講!
不過, 都要架啦, 唔通我唔理佢老婆咩! 一路食飯, 佢老婆就講下我個FD D嘢, 言語中, 呢個女人真係對我個FD好好, 仲好忍得下, 因為我個FD唔多理佢, 佢都可以仲係咁鐘意佢! 而且仲肯同佢生仔嗰下先得嘛!
佢講到仲想生多一個嗰時, 其實..........我都想, 不過老公好似唔係好想...........
唉...個男人咁樣...生完呢個之前佢就唔會再想架喇><
回覆刪除[版主回覆05/02/2011 23:43:00]佢連結婚都唔係好想, 所以生仔呢~
"牛棚"????!?!? 咁都得? 我聽未聽過, 諗都無諗過。叫你個 friend 自己瞓地下啦。
回覆刪除你個 friend 生果個係仔 / 女? 如果係女, bb 女多數好霖老豆, 到時你個 friend 可能會好錫個 bb 都唔定。
[版主回覆05/02/2011 23:50:00]佢走左, 得我同佢老婆嗰時, 我已經叫佢同佢老公講, 話我問嘅: "點解佢唔瞓地下, 要瞓床?" 佢嗰個係仔嚟架, 如果係女, 佢可能真係會好鐘意都唔定, 因為佢養嗰隻高"鬥"貓都係乸嚟架!
我真係未聽過有人唔洗買bb床@@
回覆刪除[版主回覆05/03/2011 11:23:00]我都係第一次聽架咋!
唔駛買 bb 床瞓地下，真係聞所未聞 @@
回覆刪除我都想生多個，又係老公唔想 ！唉，以前就係啲女人唔肯生多個，家下倒返轉頭係男人覺得生一個就夠
[版主回覆05/04/2011 00:07:00]聞所未聞呢, 我都係第一次聽咋!!! 點解而家D男人咁架! 個個都唔想負咁大責任!!!
那個咁快有咗啦!佢老公咁樣都唔知道好唔好替佢開心好,嫁比一個咁嘅男人,其實係咪呢個男人可以比好多物質上嘅嘢佢呀?呢個男人衰到加零一都仲要中意佢,真係中晒毒呀!
回覆刪除[版主回覆05/04/2011 12:04:00]結左婚冇耐就有左喇! 個女人都有錢架, 唔係貪我個fd d 錢! 講真, 我某個程度上都覺得我個fd幾衰, 因為我都係女人嚟架, 我睇見佢咁對個老婆, 其實都有d睇唔過眼, 不過, 佢老婆又一個迷, 真係中晒毒咁, 鐘意我個fd死!!!