真係好多謝好多謝天主, 賜給我一個咁好嘅細佬, 又好多謝天主, 賜給我亞媽一個咁好嘅仔, 真係 many many thanks!!!!!
雖然, 我個人成日都鐘意講粗口, 不過我知道個天係知道我係一個好人, 雖然把口唔收, 成日話亞爸亞媽, 不過我又知道個天知道我係一個孝順女, 所以個天真係對我不薄!
今日, 仲係到頭痕緊, 究竟同唔同埋亞爸亞媽一斉去泰國, 因為我覺得真係好戇居囉, 洗萬九蚊去泰國! 所以打比細細佬問佢有咩睇法! 細細佬一聽到我咁咁咁, 佢就第一時間同我講: "你更係唔好有機會比亞媽話你大細超啦, 同奶奶去旅行都唔同埋自己亞媽去! 你同佢兩個報埋名, 我比錢啦!"
同細細佬收左線, 個心好感恩, 因為覺得細佬好好, 唔想亞媽知道我冇叫佢地去而嬲左我, 而且又想亞爸亞媽可以好開心咁同我地一斉去旅行, 所以細佬係係背後出錢嚟支持我!
問左亞爸亞媽, 佢地都好開心咁話好呀, 一斉去啦, 不過, 亞媽就話我戇居, 話我地年年都有請佢地去旅行, 會唔會因為咁而小氣呀, 叫我唔好諗得佢地咁衰喎!
一路行番屋企, 我就一路諗, 生仔未必唔好吖, 好似細佬咁, 平時係口邊話佢地煩煩煩, 其實我同佢一樣, 都好錫佢兩佬, 如果滕滕第日大個, 好似細佬咁, 咁就好喇!!!
你幾時去旅行呀?玩得開心啲呀)))
回覆刪除[版主回覆04/19/2011 12:13:00]5月19先出發, 未使開心住 !
心甜啦, 咁乖仔!
回覆刪除[版主回覆04/19/2011 12:22:00]我真係好開心架, 細佬唔想亞爸亞媽嬲我就佢出錢, 所以我好甜, 不過我諗我老豆同亞媽仲甜!
如果滕滕第日係咁就好喇!
wah 19/5 去都要咁貴? 你去咩團? haha....
回覆刪除你就好啦有旅行去...
[版主回覆04/21/2011 15:56:00]我都起碼成三四年冇去過啦, 澳門都冇呀~
團費唔係好貴, $1999, 只係加埋d稅同埋垃圾費貴啫~ 真係人都痴, 淨係比稅都要成八舊水~
你有個咁好的細佬真係替你高興呀!佢付出咗都唔計較好難得架!
回覆刪除你對滕滕咁好,佢將來都一定會對你好架!
[版主回覆04/21/2011 16:02:00]我細佬知道我由細到大都好錫佢架, 以前仲錫到出晒面, 錫細細佬唔錫大細佬! 不過以前細個因為覺得細細佬得意, 所以先咁啫~ 不過我冇諗過, 咁樣原來影響左大細佬嘅童年, 因為佢大個左同佢女朋友講(即係而家個老婆), 佢話佢冇童年, 童年冇快樂! 所以我都好後悔咁對個大細佬架!
我好相信一樣嘢, 就係唔好大教壞細! 如果我對爸媽好, 而滕滕係見到又知道, 佢第日大個就會好似我地咁! 因為我細個成日見亞媽同亞婆傾計, 所以我而家都成日同亞媽傾計, 雖然亞媽好煩!