我又淘痴左喇, 今日又送貨嚟公司喇, 真開心, 開心到我拆開晒d嘢之後就叫馮小姐入嚟睇下我d戰利品!
馮小姐睇到我d戰利品都不知幾羨慕, 因為又平又靚, 買比滕滕d屋企衫又ok, d鞋仔又型喎, 我買比自己d睡衣就又幾好!
收到d戰利品之前, 馮小姐已經同我講, 佢想買隻彈彈嘢比佢個仔, 咁好啦, 食完飯我咪比條link佢囉, 佢問我係網上面寫住"快遞: 5元" 咁即係運費係唔係只係5元喎! 我答佢, 5元只係大陸寄大陸, 而且5元係首kg去計, 如果要寄嚟hk, 例如用順豐咁, 就要咁咁咁........ 講完, 馮小姐就話, send去佢個fd係大陸嘅公司到(我地以前舊公司d舊同事)!
佢呢個fd, 我唔係好熟, 不過馮小姐知道我係淘寶買嘢嗰時, 佢唔出聲話可以send去佢個fd到, 係有一次佢無啦啦自己爆嚮口講左出嚟, 佢係淘寶買左嘢, send去佢個fd到, 唔使比香港嗰程運費! 你話d人幾賤, 我有嘢就益佢, 佢有嘢就唔7出聲! 所以馮小姐話想買隻彈彈狗, 唔使指意我會幫佢, 我而家用集運都不知幾平, 有嘢我都唔會益佢!
可能, 我見到d戰利品, 實在"禁"唔住嗰種興奮, 所以馮小姐同我講: "不如你教我係淘寶開a/c吖?!"
我個心諗, 教你開a/c? 你咁多fd, 你唔問佢地? 你有嘢都唔益我啦, 我仲咩要教你開a/c呀? 你要開咪自己開囉, 好似yahoo咁開a/c之嘛, 你咁醒, 乜嘢你都死撐, 咪死問我拉苯!
我成日都同自己講, 你窮吖嘛, 點同我啫, 更係樣樣都要慳啦! 不過, 做朋友, 乜唔係有so大家搵嘅咩?!
其實佢應該唔知自己犯賤，佢鑊鑊都有新嘢嘅
回覆刪除[版主回覆04/14/2011 12:58:00]佢更係唔知自己衰左啦, 比著係你, 如果我有SO嘢, 又唔想益你, 就更係唔會比你知啦! 佢唔係喎, 佢買奶粉同尿片都有得平, 就照同我講, 但係又唔係益我, 佢都唔知咁樣會另到人地唔妥佢架, 你話佢個腦係唔係裝屎架!!!
所以我都係專登架, 買左咁多嘢番嚟, 專登比佢睇架!
我地呢啲有骨氣嘅人，唔洗要人啲jetso啦~~~
回覆刪除[版主回覆04/15/2011 15:16:00]所以我成日都同自己講: 佢窮嘛! 更係唔同我啦! 我都冇咁窮, 使乜要佢比我 D offer 啫!