上個星期六, 輪到個會計 on duty, 佢8:30am 打電話比亞媽, 叫亞媽暈d先番公司做清潔, 不過當時亞媽已經出左門口啦, 所以唯有係公司對公司坐到條八婆番嚟!
等等等, 亞媽等到十點幾條八婆打嚟, 話又要再晏d, 問亞媽可唔可以等多一陣, 咁晏d先走! 亞媽都已經火鬼滾, 有事又唔早d打比佢, 成八點半先叫佢晏d番, 晏條命咩, 都出左門口啦! 等左咁耐, 又話要再晏d!!!
所以我叫亞媽星期二番工, 再小個會計, 叫佢有事就下次早d! 個會計一聽到亞媽叫佢下次早d講, 就好冇禮貌咁話: "咩d突發呀, 突發事就係咁架啦!"
其實亞媽嗰晚同我講番, 我都好興, 因為就算你有咩突發事, 你事實係攪到人地出左門口又再拆返, 唔多唔少, 你都要同人地講聲唔好意思架嘛, 仲要咁撚串話"咩叫突發事"!
所以尋日我同老闆報串, 話佢咁冇禮貌對個清潔, 就算係突發事, 都唔好好似老逢咁吓嘛! 而且我都好直接同老闆講, 佢成日同你地講佢去做咩義工, 做咁多都補唔番啦, 個人咁賤, 以為人地係清潔收左人工就可以咁冇禮貌對人, 而且佢見我亞媽爬高去攞個間塵網出嚟洗, 佢一次都冇話幫手架, 次次都扮晒嘢話自己又手痛, 又腳痛, 又屎忽痛! 唔想幫就唔使講咁多嘢啦, 所以我問老闆講: "點解你換光管, 佢就企係下面, 預備你跌落嚟就可以接住你, 咁個清潔佢又唔去接住佢嘅?!"
同老闆講有咩用呀?兜口兜面同個仆街講嘛~~~
回覆刪除[版主回覆04/15/2011 15:06:00]我已經對佢好冇禮貌, 因為我唔會同佢打招乎, 而且佢見老闆換光管, 佢第一時間跑去, 企係老闆下面等, 佢做完呢D動作之後, 我就好大聲咁係到串佢擦鞋, 下下句句都有骨!
我同老闆講, 因為我想玩慢性毒藥, 陰D陰D咁向老闆落藥, 而家老闆已經唔係好鐘意佢喇~!
幫你阿媽出頭喇....條咁嘅臭"x"~
回覆刪除[版主回覆04/15/2011 15:07:00]我同亞媽嘅關係, 條八婆同老闆係唔知架, 所以我只係當係第三者口中聽番嚟咁講比老闆聽!
不過, 放心, 我會睇住嚟~
連你老闆都唔知???咁搞野!!!
回覆刪除[版主回覆04/15/2011 17:05:00]我更係同老闆講啦, 佢咁仆街!!! 不過我係話另外個同事同我講番啫! 唔係話我親耳聽到!
明白晒!!!! 原來個衰同事唔知你地既關係! 我心諗衰同事如果知道無理由找 C 既!!
回覆刪除[版主回覆04/15/2011 17:30:00]我估佢估到, 因為有次我生日切cake 影相, 馮小姐蠢到叫我亞媽企我隔離!
但你老闆都唔會炒佢=.=
回覆刪除[版主回覆04/19/2011 14:21:00]係呀, 我老闆唔會抄佢架! 我承認個仆街會計係衰, 但係佢做嘢都幾細心架, 如果D數緊張D, 佢就會隔日或者日日出張statement比老闆提佢, 叫佢就住嚟開票架喇!
不過, 都係嗰句啦, 成撚日係老闆娘面前講自己點好點好去做義工, 但係個人又咁仆街, 做嚟把九撚7咩!