去舊嚟新.......

個工人上個星期六朝早終於走左喇, 之前嗰晚我叫滕滕錫姐姐一啖, 點不知個工人就攬住滕滕係到喊, 明明滕滕都冇喊, 都變左喊晒咁番入房!

朝早個工人走叫醒我開門比佢, 佢又喊喇, 攪到佢走左我瞓唔番仲係到喊到豬頭咁!

唔捨得個工人我係有, 不過一望到滕滕我就仲難過, 因為滕滕咁細個就要面對分開, 我覺得佢都唔好過......

舊工人都走左6日, 佢就send左兩次whatsapp比我, 都係比滕滕睇佢個仔!  我嘅感覺, 就覺得個工人都卦住滕滕, 所以耐唔耐send佢d近況過嚟比滕滕睇, 但我好矛盾, 因為比滕滕睇, 我怕佢會更加卦住佢, 但唔比滕滕睇, 我又覺得唔知點咁! 其實我都好想send番滕滕d相比個工人架, 但係諗深一層, send左又點? 如果個舊工人真係9月番嚟HK, 我都唔會因為佢番嚟而抄左而家呢個啦, 玩咩, 成8千蚊agent fee架!

問心,我都幾卦住呢個工人, 因為而家呢個新工人, 做嘢唔太乾淨, 煮d餸又唔多掂, 比起舊嘅呢個其實都差幾遠! 最奇嘅就係第一二日新工人到左(有煮飯), 我就連續兩晚都肚痾! 我痾唔緊要, 當清下腸胃囉, 但我最怕滕滕有事嘛, 不過出奇地佢冇痾喎! 唔知究竟咩事啦, 總之睇見d餸就唔想食, 食左就肚痾! 咁樣落去, 我諗我應該好快減磅!

新嘅呢個工人初初滕滕唔多肯比佢掂, 因為滕滕話佢黑忟忟好污糟喎! 黑忟忟唔緊要呀, 但係個人真係唔好污糟先得囉, 因為我有潔癖架, 樣樣嘢都咁求其, 我好驚架 >< !