真係把幾兩把火, 已經都唔係第一次!!! 次次同d同事去完食宵夜, 番嚟都係到嘈圈巴閉!!!
d人究竟係咩構造架????? 尋晚都已經唔係第一次, 飲到醉晒番嚟, 未上床, 就已經聽到佢係咁不停打c益(之前嗰次又係咁), 我已經醒目, 叫佢好死出去飲番杯水先好上床瞓, 佢唔聽都不特止, 仲要死埋嚟, 係咁話要揇住! 揇!揇! 揇! 揇你去死啦, 而家幾多點呀, 半夜四點幾, 明知人人都已經瞓到成隻豬咁架啦, 打c益嘈住晒都仲唔止, 仲話要揇, 咁仲唔醒晒咩???!!! 叫佢講嘢唔好咁大聲, 係唔係要嘈醒個囝先安落, 佢pk 到居然搵個囝嚟威脅我, 話如果唔比佢揇, 嘈醒個囝都冇辦法喎!!! 嘩, 你冇嘢嘛, 咁仆街嘅嘢, 你都講得出口???!!!
以前未生, 同佢一斉飲左酒, 大家都醉, 就尤得你發癲啦, 喂, 而家你發癲, 可唔可以唔好攪到個囝呀, 又話點解我唔理佢, 又話點解唔揇佢, 又問係唔係而家唔愛佢!!!
你都忽忽地, 而家半夜四點幾呀, 幾愛你, 都小你啦, 你整到人地醒晒呀, 一係你就唔好四點幾番, 等天光, 我地起左身你先好番啦, 如果有把交剪, 真係好想剪左佢個咀出嚟, 睇下你仲點嘈圈巴閉!!!
好喇, 結果滕滕轉左幾下身, 我去望一望佢, 滕滕真係果然望住我, 頂~ 你話d人係唔係真係衰到冇人有吖? 人地半夜番到屋企, 更係怕嘈醒屋企人架啦, 但係我嗰個, 次次就驚死你唔醒咁, 又要你應佢, 又要你答佢, 你話我係唔係嫁左比個痴線架?????????????
如果你下次再係咁, 咁我就比個吹氣公仔你, 你自己揇飽佢!!!!!!!!
唔好勞氣, 我送個周房娜俾佢喇!Happy 2010~
回覆刪除[版主回覆01/01/2010 10:36:00]Happy New Year!!!
個吹氣公仔, 都要貼左我個樣落去, 佢先至唔會去攪我, 正一粉皮!!!
haha....咁抵c!
回覆刪除同佢講以後天光至返屋企，唔想天光返屋企，就唔可以飲酒
回覆刪除不過半夜三更攬咩呢?
[版主回覆01/02/2010 12:04:00]我第日就係咁鬧佢啦, 佢死都笑住口話自己冇講過呀!!!~
佢好鐘意架, 之前耐唔耐都係咁架, 一係就話要揇, 一係就係咁問我愛唔愛佢! 佢不停係咁問, 就要不停係咁答, 唔答一句, 就問我係唔係唔愛佢! 當時, 我已經十九幾把火, 仲係咁係到講嘢, 攪到我醒晒!!!
下次一把打過去，等佢醒晒
回覆刪除[版主回覆01/02/2010 23:54:00]手同腳都用埋啦, 佢都仲係咁 !!!
咁唔掂喎,嘈住亞b瞓
回覆刪除[版主回覆01/03/2010 23:12:00]係呀~個囝最終都醒埋啦, 你話唔小番佢一個星期, 我就唔係人啦!