因為呢排多左新聞, BB懷疑冇掃風而另到猝死, 所以而家滕滕瞓到半夜, 我一聽到佢d被郁, 我就一定會醒, 跟住就會望一望佢!
雖然直至而家, 佢飲完奶, 我都抱住佢成15分鐘, 跟住先放佢落床, 但係, 因為天氣凍, 少不然, 一家會係個被袋上面再加多張被! 就係加多張被, 所以先至會咁擔心! 因為天氣咁凍, 如果佢踢被(佢係成日踢被), 咁又怕佢冷親, 但係, 如果佢唔踢被, 又怕張被整左上去塊面到, 怕焗親佢, 透唔到氣!
所以今日現得閑d, 所以就仿效上次係一田到見到嗰個所謂嘅睡袋! 因為一set 嗰d咁嘅床圍、床單、枕頭連被仔, 往往張被仔就好似用唔著, 不過, 我今日加左幾粒pak 鈕, 再比滕滕瞓過下午覺, 我發現改裝過嘅效果, 原來唔錯, 唔使嘥左冇用!
為左滕滕可以唔會踢被, 真係諗到我頭都爆! 因為起初係一田嗰到見到佢地有呢類型睡袋賣時, 都覺得唔係好work, 因為怕bb會越瞓越落, shi 落左去個袋下面!
跟住包住左滕滕之後, 用佢個加拿大夾番住張被, 效果果然ok喎!
因為夜晚寧舍凍d, 所以係上面再加多張掛毛被!
經過今日晏覺, 同埋今晚(啱啱嗰兩個鐘), 滕滕轉身, 再反番過嚟, 都冇咩郁過, 真係都幾good, 所以真係都要比個good自己呀 
因為老公今朝個電話雖然轉左做震機, 但係佢今朝有電話嚟, call佢 OT, 我都聽到, 佢問我點解咁勁, 鬼咩, 呢排咁多單話BB有事, 最近嗰單, 都有7個月呀, 而家唔神經緊張, 就有鬼啦! 仲不時好似思覺失調咁, 聽到滕滕喊呀! 所以佢係夜晚, 轉一轉身, 我就怕佢扒左係到瞓, 怕佢焗親呀! 所以, 老公就好語重心長咁講: 母愛真係偉大!!!
鬼咩!!! 你瞓到成隻豬咁, 個囝喊都聽唔到, 唔係我理佢, 咁佢點呀!!!
買個暖爐咪得囉，唔洗著咁多衫，又唔洗蓋咁多張被
回覆刪除[版主回覆12/21/2009 11:32:00]唔可以成日都開住個暖爐架, 因為對d皮膚唔好! 同埋, 成日開住個暖爐, 到時如果出街, 佢就適應唔到外面咁冷嘅天氣架喇!
同埋, 開得太多, 對環保同我荷包嚟講, 亦都係一個壞處 !
即係夜晚至開呀，有啲好細個嗰啲呢，剩係擺係房，唔洗擺廳呀
回覆刪除[版主回覆12/21/2009 12:18:00]本身我都唔想佢習慣開住個暖爐瞓, 因為佢已經都唔係new born baby喇, 唔需要太呵護, 只係起身嗰日陣先至會開個暖爐, 因為啱啱起身嗰一刻至會容易冷親!
係呀, 睡袋好d架, 唔怕bb踢走d被同焗親~~
回覆刪除d睡袋通常好大件, 可以著到幾歲都著得~~
[版主回覆12/21/2009 14:46:00]我已經買到個睡袋3歲都可以著得架喇, 但係佢對嗅豬腳都係要整到個睡袋升到上去大肶嗰個位到! 所以佢對嗅腳會好凍囉, 如果唔加被係上面!
你透明o個粒就係鈕嗎?
回覆刪除其實我都唔係好睇得明....
[版主回覆12/22/2009 15:28:00]係呀, pak 鈕嚟架! 不過比起平時嗰d, 大粒好多之嘛!