10月嗰時去飲, 見到個舊同事玩緊部單鏡反光機, 已經好想買, 因為我不嬲都好鐘意影相, 不過, 技巧就要去學, 因為我真係好有興趣去了解多d點樣去攞個捕光係最好, 點樣去catch 個物件係最有動態同真實感!
之前已經想去學拍攝, 但係因為嗰時上好多shipping courses, 所以再冇咩時間! 而家, 我係時候嚟料喇!
但係, 最主要都係買左部相機先......不過, 以亞dee嘅速度, 睇嚟部機最少都要6個月以上先可以買到..........
不如............我靜靜雞去買左先啦.............但係, 佢一定話我架, 如果唔等佢.........但係, 我又好想快d買喎...........點算好呢............
哈哈, 你搵日行行下街, 捉你老公一齊去睇相機, 睇0岩左買咪得~~
回覆刪除[版主回覆12/16/2009 22:29:00]唔得呀~佢買嘢, 會睇好耐架, 半年......一年.......或者多過一年架!
只係買相機啫, 我唔想要一年後就買到囉.........!!!
我都想買相機呀,想買來買寶貝BB照相架!但不知道邊款好!
回覆刪除[版主回覆12/16/2009 22:41:00]本身CANON我都覺得影D相幾好架喇, 如果正常情況之下, 影出嚟D相嘅質素都十分之唔錯! 我而家用緊部細機-IXUS 800IS, 但係如果幫BB影相, 強制唔開閃光, 都唔係太好, 就算對手好定, 如果燈光太弱, 出嚟個效果麻麻咋!
我細佬用緊嗰款, 好似係 RICOH GX200, 如果係細機嚟講, 呢部都唔錯, 因為佢個囡郁嚟郁去, 影出嚟都唔會太朦!
如果你未用過大機嘅話，買500D啱啲
回覆刪除我覺得你應該比個限期佢，如果係限期內佢都決定唔到買邊部，咁你就自己去買囉
[版主回覆12/17/2009 10:53:00]我而家睇緊500D同50D呀, 50D應該複雜D, 我怕我handle唔到, 但係, 我又怕500D平嗰少少, d function 少好多喎........好懊惱!
我都有同我老公講, 問佢信唔信我唔等佢, 自己去買番嚟, 但係佢唔彩我, 當冇聽到我講嘢, 頂佢吖!
咁佢唔應你，咁你咪可以大條道理去買囉?
回覆刪除不過你去格下價先，你睇啱邊款話我知
我識人賣相機
[版主回覆12/17/2009 12:39:00]我都係去百老汇到睇過咋, 如果搵你個朋友, 可以有幾多discount 呢?
有著數呀!你買相機我都買呀!真是會平很多?你看你個朋友可以平幾多比你呀!
回覆刪除[版主回覆12/18/2009 15:02:00]好呀~ (不過, 唔知幾時先可以買到.........)