尋日老豆入嚟睇下我d廚柜攪成點, 食完飯走, 老公就車埋老豆番屋企就番工喇!
老公今朝打比我, 叫我冷靜d, 唔好咁激動先同我講, 原來老豆尋晚講, "好似"睇到個工人"meet"滕滕大肶!
唔係嘛??? 虐我兒??? 今朝我打比老豆, 叫佢由頭講一次比我知係點樣, 咩情況睇到個工人"meet"滕滕! 老豆話佢都唔肯定一定有"meet", 因為佢都係寧轉頭一剎那望到好似係啫!
我同老豆講平時滕滕對個工人都係一般, 冇話好黐佢, 又冇話唔黐佢, 有時瞓覺仲會bye bye不突止, 仲要錫一啖先去瞓! 咁表面正供睇落, 個工人好似冇咩嘢吖!
同老豆講個工人, 老豆居然自己爆左出嚟, 話佢兩個星期到就比一舊水個工人, 即係一個月比兩舊水! 唔hea呀化, 無啦啦仲咩比錢個工人呀, 錢多咩! 老豆話, 佢唔想個工人對滕滕唔好, 所以呢d錢都要洗架! 老豆呢個收買行為, 真係同我差唔多, 因為我地兩個都好識做, 應該係咩時候去做行賄, 就幾時出馬! 呢招, 其實真係好洗好用!
所以我同老豆講, 個工人應該唔會大膽到你係到都"meet"滕滕嘛, 想死咩! 不過, 都仲要時間有待觀察!
會唔會個工人同滕滕玩咋，睇定啲~~~
回覆刪除[版主回覆11/11/2011 12:00:59]嗰個moment, 係趕住換衫同亞公去飲茶, 就算玩都唔會係呢個時候玩, 因為我知道個工人唔會識係呢個時候嚟氹佢玩住快d換衫嘅!
不過, 我都會睇定d.........
你可以問下個仔工人有無打佢 ga.
回覆刪除我問過, 我個仔話無。再問佢在學校有無同學仔打佢, 佢話有, 仲做動作去推同拍我隻手。