滕滕未出世, 咁啱信用卡可以用積分加二百幾蚊換支OTO紅外線探熱針! OTO喎~ 咁筍就更係第一時間換左佢啦!
以為自己買到筍嘢啦, 點不知支OTO都幾流, 探出嚟差成1-2度! 大佬, 發緊燒好大獲架嘛, 差1-2度喎, 即係101? 102? 定係103先? 所以如果半夜知道覺得好滾, 我就會用水銀探熱針去肛探, 費事lai嘢啦!
到左番學, 朝朝就要嘟一嘟, 寫抵係個report到朝早交比老師! 咁呢d時候, 差1-2度都唔緊要啦, 橫掂都冇唔舒服, 大約就ok喇!
今日, 把心一橫, 放工終於去左買, 買左支新嘅紅外線探熱針喇, 因為諗左成個星期, 都覺得唔係辦法, 因為遲早都好似要換, 不如早d換左佢好過啦! 老公而且又好巴閉咁話, 佢嘅要求只係"容易操控及準確", 所以非佢莫屬!!!
呢支嘢, dr都係用佢, 佢自己都話自己準確到有99%, 所以如果可以用夠3-5-7年, 咁為番條數, 都係抵嘅!
咁呢支野買左幾錢呀?我d探熱針俾吉仔唔知放晒去邊,我都諗緊買邊種好
回覆刪除[版主回覆11/18/2011 17:31:30]九五折左, 要$455! 佢話有成99%準架喎!
我成日都覺得呢類電子嘢(電子血壓計，電子磅...)都唔會太準，哈哈，我始終都係舊派人:p
回覆刪除[版主回覆11/24/2011 15:28:21]你番嚟喇, 我好卦住你呀!!!