攰過番工~

今日, 見到滕滕冇咩事, 老公又放假, 我地就去左沙田個SNOOPY LAND到喇! 嘩~ 不知幾鬼多人呀! 只係咁細個遊樂場, 都已經可能成百人喇!

 

嗰到有架舊式巴士, 不過架巴士裏面乜都冇, 計位都冇, 可能係比D小朋友係上面走呀玩呀! 只係中間兩邊車轆位係高左一級! 最攪笑就係有兩個十三四歲嘅女仔, 係上面開餐喎!  巴士上面最少都有10個小朋友啦, 係上面開餐食麥記??? 滕滕同我講佢想飲水水, 咁我咪攞水比佢飲囉, 個豬仔好似好得意咁, 除左對鞋就踏落嗰兩個女仔杯汽水到喇, 其中一個女仔見到, 就即刻啤住滕滕! 我都知滕滕唔啱, 不過架車又唔係大, 又咁多小朋友, 仲咩佢地兩個要上嚟開餐呢? 所以我同佢地講, 食嘢唔好係到食喇, 咁多小朋友係到走嚟走去, 遲早佢地D嘢食都係比小朋友整到架咋! 結果, 兩條女好唔LIKE咁走左喇!

 

係個遊樂場, 我就負責睇住滕滕, 老公就去排隊, 去排玩船, 就係呢個船, 差唔多足足排左成粒鐘! 老公就精啦, 我話佢排隊咁悶, 不如我幫佢排一陣, 但係佢就話唔好唔悶! 因為, 跟住滕滕要跑住睇住佢, 真係好鬼攰!

 

今日同奶奶一斉出去, 再去二姑奶到食飯, 食完飯已經發覺雙腳好攰, 奶奶笑住話: 你今日仲辛苦過番工呀!