星期五嗰日番到屋企, 滕滕已經係101度, 帶左佢去睇dr, 食左退燒藥, 不過半夜就發到差唔多103!
亞媽, 又要起身同佢食退燒藥之餘, 就仲要同佢抺身啦! 不停咁抺, 不停咁抺!
唔係話我抺, 滕滕就係比我抺, 因為半夜嚟架嘛, 又開左燈就係到嘈話要熄, 同佢抺面佢又話唔使, 同佢抺腳又話好痛, 跟住就發忟憎喇!
喂喂喂! 你眼瞓時, 估我又唔眼瞓架! 半夜三點幾我都仲要起身, 我都好眼瞓架喎!
而且, 老公第二日要番早, 我唔想豬仔嘈到佢老豆瞓唔到, 所以真係忍唔住柄左佢: 你好喇喎, 唔好再發皮氣喎! 你好眼瞓, 媽me都好眼瞓架! 而家你發燒, 我同你抺身, 你都仲要係到發忟憎! 你估我唔想瞓覺架, 我都好眼瞓架! 所以你唔好再嘈喇吓!
鬧完, 滕滕就即刻收左聲喇! 不過係我心底, 就係到笑緊囉, 因為我鬧完佢, 就覺得滕滕好慘喇, 唔舒服, 發下忟憎啫, 都要比人鬧!
小朋友病做父母就最慘架啦!有時佢太過份我都會係咁話佢架,佢哋明架,問題係會唔會理你啫!咁你個豬豬依家點呀,好返未呀?
回覆刪除[版主回覆11/02/2011 12:10:43]佢好番左好多喇, thx!
咩事又發燒???
回覆刪除[版主回覆11/02/2011 12:11:17]應該係係學校比同學仔野到, 因為朝早都冇事, 下午瞓醒起左身就開始唔妥喇!
依定返左學, 我個仔都多左小毛病。不過, 見過佢地返學, 玩埋一堆, 都知避無可避。
回覆刪除[版主回覆11/02/2011 14:19:26]係囉~ 就算識用手"蓋"住個口嚟咳, 但係隻手跟住咪都係摸番係d玩具到, 冇咩分別!
退咗燒未呀?
回覆刪除[版主回覆11/03/2011 10:50:27]第二日就退左喇, 而家都ok, 只係重有小小鼻塞塞囉!