終於攪掂!

個廚柜終於攪掂晒喇!!! 由今朝8:30開始執嘢, 9:30開始整, 攪到黃昏5:30終於整好晒喇!!!

見到個廚柜真係好有滿足感, 因為好簡單, 只係白色柜, 再加鋁框磨沙玻璃, 冇明顯門手抽! 所有嘢都係我選我決定, 只係通知老公一聲個柜咁咁咁!

仲有一樣開心事, 就係, 老公比我串一串嘅情況下, 佢居然肯同我裝左支浴室暖管喎! 支暖管, 我舊年已經開始睇架喇, 咁啱撞正我個fd間公司有喎, 仲係最後一支, 四舊水平比我!

不過, 攪笑嘅係, 今日已經18度, 老公居然裝左支暖管之後, 條電線&插蘇收埋左係個暖管上面!!!