今日表弟生左個仔, 去飲滿月酒, 我已經都開始唔介意見番我 d 姑姐, 不過奈何, 我最細個姑姐把口真係嗅到仆街, 而且仲好黑人憎!
呢個細姑姐, 把口永冇收口, 一埋席冇耐, 就問我滕滕係唔係有過度活躍症, 因為滕滕坐咁耐都冇停過!
滕滕一路食嘢, 都冇話過要落地唔肯坐, 只係不停咁攪枱面上面d嘢, 請問, 咁樣就有過度活躍症架嗱???
細姑姐話滕滕就算有, 都唔係多喎, 似係有小小嗰種, 我答佢有過度活躍症嗰d, 坐唔到係到架! 不過細姑姐都仲繼續係到再講, 話唔係多, 似係小小啦! 所以我就即刻幾大聲咁同滕滕講: "你好快d食飯喇, 你姑婆話你有病呀!"
呢個姑姐似住個老公係廠長收入唔係少(不過我覺得最多4/5萬一個月), 就成撚日見到人地揹d揹袋, 就問人地咩牌子, 家姐帶條鏈又問幾多錢! 今晚去飲, 又問第二個姑姐仲咩唔用個A貨LV! 佢都痴撚線, 自己話用A貨唔好, 怕比人知, 但係就比個A貨個二家姐! 真係想那星佢囉! 之前都比過一個我亞媽, 幸好比我掉九左!
好! 今年過年, 我要買個手袋比亞媽!!!!!!!!!!!!!!!!!!
佢係個啲無經過大腦個啲人啫，長輩應該無惡意嘅
回覆刪除[版主回覆11/08/2011 10:27:46]老豆都話佢唔經大腦講嘢架, 咁咪就係黑人憎囉! 佢有乜理由一埋席食嘢就話我個仔有病呀! 仲有, 佢話佢用假貨唔好喎, 嘩, 佢當佢自己係咩人呀, 上等人呀, 我又唔見佢搬去山頂住, til那星!!!
咁佢又真係...咩啲嘅!!!
回覆刪除[版主回覆11/08/2011 15:42:47]把口直頭賤到仆街啦! 佢係長輩嚟架, 如果佢係同輩就話佢咁撚大個人都冇腦順口開河啫, 佢成五十幾歲人都冇腦, 就十分唔要得啦!!!
咁人地真係無腦都無辦法架，咁你當佢係白痴囉
回覆刪除[版主回覆11/08/2011 16:50:29]今次我已經好容忍佢, 下次就真係冇面比! 就算白痴都係咁話!