點解要咁耐

今朝成11點幾先番, 因為我又感冒喇!

番到公司, 叫我個同事+朋友去將其中一個 order 褢面產品嘅 description 改一改, d 英文字母+埋都唔夠20個字, 佢居然要成1.5鐘先比到我!!! 我真係好唔明, 佢對住 d 文件唔知仲咩, 點解一個 order, 有 commercial invoice, packing list, b/l & fa, 加埋都係得嗰四份文件, 而呢四份文件都係改一句英文啫, 點解要1.5個鐘????

佢其實都知我話佢手腳慢, 雖然佢亦都快左, 但係我真係唔明點解做咁小嘢都要咁 Q 耐!!!

另外, 我真係好想問下有冇藥醫蠢人架, 我話佢(又係要叫, 自己一 D 都唔醒目)唔記得改埋份 packing list,  於是就叫佢改埋比我, 等我一次過比個客 check, 佢居然答左我 ok 之後就去做另外一d 文件!  哎呀, 我同得你講, 叫做埋比我先, 就梗係等緊啦, 唔使講嘛, 佢居然唔知!!! 你話死唔死!!!

仲有, 佢做做下份 packing list 居然走埋嚟問我除數.......唔係嘛, 15,800kgs 除 1,547箱, 應該係點?!  點, 咪每箱 10.213kgs 囉! 佢問我, 如果寫每箱10.2kgs x 1547箱, 就不等於15,800kgs, 只係 15,780kgs, 咁點???!!! 呀............真係反九十幾次眼都唔掂!!!

所以, 我係呢到徵求: 醫蠢人嘅藥!!!