明明好似差唔多好番, 星期五開始, 條氣又開始扯~ 星期六朝早一起身, 仲成個喉嚨腫晒! 請問, 究竟想點呀???
原本諗住去中醫師到覆診, 成個喉嚨腫晒, 都唔洗諗啦, 終於去左睇西醫, 仲打左支針! 打完針, 再食藥, 成個人就即刻迷幻晒咁! 急速咁瞓一個鐘, 跟住就送滕滕去學英文, 不過瞓呢一個鐘跟本就唔係真正咁入睡, 因為一瞓抵, 成個人就好似係馬戲團咁, 表演玩繩索一路咁FING住嚟轉, 轉呀轉, 轉呀轉...........
雖然好FING, 但係今次D藥都幾堅, 因為打左支針冇幾耐, 條氣就已經開始冇扯, 而且仲冇咩咳!
你又病呀?好返晒未呀?
回覆刪除春天黎到，你手袋要袋定把縮骨傘，唔好淋雨呀~~~
仲有，出入巴士好容易賴嘢，尤其係打乞次，咳，唔掩口人士，你自己袋定口睪預防啦.
[林林回覆04/05/2013 09:29:21]對身體好嘅你就食啦，邊有得話捨唔捨得架
[版主回覆04/03/2013 14:45:22]我冇食呀! 我唔捨得食, 想比晒佢食, 不過而家可能我都要耐唔耐食下喇~
[林林回覆04/03/2013 09:18:17]你有無食你買比你老公個啲保健產品呀?
[版主回覆04/02/2013 15:29:40]呢次病左好耐, 我都已經做足預防措施, 著多件衫最緊要唔好凍, 帶左條頸巾, 又袋住幾個口罩怕車到有人病, 但係都好唔掂, 郁D又起番