尋日, 老公番工, 又係我同滕滕出動嘅時候! 同奶奶飲完茶, 亞dee就番工, 我就同滕滕番屋企先, 因為我地可以小睡! 對滕滕嚟講, 呢個唔係小睡, 係大睡, 因為只有我同佢一斉瞓, 佢先可以瞓到起碼兩個幾鐘, 因為好似平時個工人湊佢, 瞓一陣就要起身, 都唔知咩b嚟架, 唔願瞓覺!
兩點半飲完奶, 我地就一斉瞓, 雖然話係一斉瞓, 但係佢瞓左, 我都要攪佢 d 手尾, 因為之前啱啱同佢沖完涼, 所以我都冇瞓!不過, 到左四點, 滕滕醒左見我唔到, 就係到喊, 於是乎我又要同佢一斉, 又瞓過......直到5點!
好喇, 真係要起身喇, 因為要預備出去亞婆到, 所以我張佢放落張 high chair到, 比bb碟佢睇, 跟住入廚房, 預備粥仔, 帶去亞婆到食! 入左去廚房, 只不過都係一分鍾到, 不過, 一出嚟, 就見到滕滕明明都鎖左係張椅到架嘛, 佢都居然shu左出嚟, 仲企左係張椅到喎!!!
嘩! 如果呢個曵豬真係百厭d, 佢彎底身向下望, 咁就一定跌左佢出嚟喇! 好彩當其時, 佢只係雙手扶住張椅企左係到望住我咋! 嘩! 一見到, 真係嚇到我暈咁済呀, 因為冇諗過佢居然咁樣都走到出嚟, 仲要自己扶住企左係張椅到, 如果我遲多一陣先出嚟, 之後發生嘅事, 我真係唔敢諗呀!
所以跟住我就即刻張張椅上面嗰兩條安全帶, 即刻攞埋出嚟用! 因為真係嚇死人, 睇少一眼都唔得!!!
哇...滕滕媽, 係咪得得好驚險呢?記住要扣好安全帶喇, 唔好好似我咁, 係bb車跌咗熙熙出嚟先識扣呀, 嗰時佢3個幾月, 但D脾氣就臭到呢, 我唔理佢就一面喊一面shu出嚟, 最終shu咗落去地毡度喇!
回覆刪除[版主回覆01/18/2010 11:37:00]真係好驚險架, 同埋我已經同滕滕扣好左腰嗰條安全帶架喇, 只不過冇落爻頭嗰兩條之嘛, 點不知佢可以向上出左嚟架!
嚇死人咩，記得帶安全帶喇
回覆刪除[版主回覆01/19/2010 11:55:00]係要加埋爻頭上面嗰兩條.......不過, 佢咁擒, 睇嚟都係牙煙d, 所以我叫個工人唔好由得佢自己一個係廳!
會唔會放佢落地安全啲呀
回覆刪除[版主回覆01/19/2010 12:17:00]都唔會, 因為佢已經樹圍扒, 樹圍擒同樹圍攪.........
咁無個地方安全
回覆刪除[版主回覆01/19/2010 13:00:00]係冇架! 因為好似床仔咁, 都唔好以為好安全, 因為佢地會係上面跳, 跳跳下可以hum左落張床個欄到, 跟住流血(我個滕滕就係hum到個咀喇), 所以呢, 真係冇一到地方係安全架!
網床呢?好多媽咪話網床係最安全喎, 試過未呀?
回覆刪除[版主回覆01/24/2010 23:42:00]網床, 都係喎, 不過, 我諗你都唔會無啦啦買過張床啦, 而家嗰張都仲好新淨喎, 滕滕用左10個月咋!
我會喎, 熙熙張BB床係細size, 我估好快都唔啱瞓, 與其成日擔心佢會跌出嚟, 不如快D換過張網床喇, D媽咪教我放張床肉入去就可以當埋床瞓架喇!試吓呀!
回覆刪除[版主回覆01/26/2010 14:20:00]不過, 我嗰張係大size 嚟, 都已經覺得滕滕好似都好迫咁......... 如果真係放埋張床褥入去, 我諗轉身都唔使轉喇!
不過, 網床有個唔好處就係個size係啱啱出唔到房門架, 所以, 都真係唔知點!
網床仲有個好處就係容易收呀嗎!
回覆刪除