滕滕不知不覺就已經10個月喇! 唔怪得有句話: 快樂不知時日過! 真係, 見到滕滕, 幾辛苦, 都好開心! 就算而家冇得睇我最鐘意嘅電視, 放假又要一早起身餵奶, 我都覺得真係快樂無窮!
已經諗左成個月, 想同滕滕轉奶粉, 唔係因為佢而家嗰隻唔好(雪印 beanstalk 都食到佢都好靚仔, 皮膚仲好白, 好滑架!), 而係想換隻再好D! 同埋, 再加上佢都係時候轉大仔, 所以, 想不如試下新嘢!
因為當初撰 beanstalk 呢隻, 因為佢口碑幾好, 屬於中間 level嘅奶粉, 又冇咩d唔好嘅平語,同埋, 話佢d味道, 唔係太甜, 所以先撰呢隻! 但係, 因為滕滕已經開始食其他嘢, 亦都比左好多唔同類型嘅嘢比佢試, 所以就係咁, 我先想撰過另外一隻奶粉, 因為強調營養更加好嘅奶粉, 味道會濃d, 飲過之後, 就唔鐘意飲另外其他, 所以, 係今日, 我終於買左: 明冶!
係滕滕嘅tea time時間, 我就比左佢試第一次! 唔! 幾好, 佢冇咩特別! 而最尾嗰餐奶, 我又比番 beanstalk 佢飲! 佢又冇反抗! 所以如果滕滕都冇咩特別, 我想係未來呢一個月, 我就間疏咁比佢飲!
嘩~肥仔~我介紹個叉燒仔俾你識~你唔好蝦佢喎~無見你一排~你又唔同左~勁呀~
回覆刪除[版主回覆01/17/2010 21:24:00]人地話女大十八變, 我呢個滕滕10個月都已經唔同晒啦, EE!
你個叉燒仔都係一樣架, 所以記得留住每一刻, 因為睇住件粉團日日咁變, 你就會發現無窮樂趣架喇!
me too … 我都未轉大仔吖，諗住食多罐細仔先開始轉大仔… 不過我諗住都係食返森永
回覆刪除[版主回覆01/17/2010 22:52:00]我都有諗過森永, 因為我係森永, 和光堂 & 明冶到撰!
好頭痕, 因為基本上都冇乜人答到我呢三隻有咩分別..........所以我最終撰左好似比較多d人食嗰隻!
滕滕媽, 你係邊度買開奶粉架?
回覆刪除[版主回覆01/17/2010 23:59:00]上網4圍搵, 搵好多間, 一路搵, 一路搵, 搵到最平為止!
我諗佢而家係日日看住呀媽咁變 ~ 佢都無窮樂趣啦~頭先先俾佢搞到唔知想點~
回覆刪除[版主回覆01/18/2010 23:03:00]係佢個心諗: "我都唔知你想攪到我點?!"