真大獲! 今日番到屋企, 個工人就同我講滕滕流鼻水呀
不過, 瞓到點幾鐘, 滕滕無啦啦係到喊, 個咀又不停咁嗒下嗒下, 唔通發開口夢係到飲緊奶奶? 所以攞左個奶咀比佢頂住下; 不過, 到左兩點幾又係到喊喇, 呢暈, 個奶咀都唔肯要, 所以我就抱起佢! 點知一抱, 佢成身都滾架, 原來佢發燒呀!!!
第一時間叫醒亞dee睇住佢, 我就即刻攞塊退熱貼, 探熱針! 嘩! 102度呀~~~~!!! 跟住就飛奔去搵間24小時嘅診所, 同滕滕睇醫生!
見到dr, 我就同dr講: "佢有鼻水, 有小小咳, 同發燒!", 跟住個dr就問我, 我有咩唔舒服, 跟住我就又答佢: "唔知係唔係我傳染佢呢, 因為我有鼻水, 有咳, 喉嚨痛.........." 跟住自己都忍唔住笑, 因為滕滕d病症跟本就係同我一樣! 所以dr 就話: 擺明就係你傳染比佢啦!"
滕滕都算係咁, 佢冇嘈, 冇喊, 抱住佢, 好似小鳥依人咁望住我, 比dr睇喉嚨嗰時, 又冇唔制, 所以3點幾番到屋企, 開左小小奶比佢, 食埋d藥, 就瞓左喇!
滕滕! 媽咪真係唔可以抱你喇, 你要我都冇用, 搵你老豆啦, 因為如果唔係咁, 我地有排都唔使好番呀~ miss u so much!!!
唉呀~~~肥bb又病啦~~~肥媽媽你今次大意左呀~你有冇諗過同肥bb分房訓呀?
回覆刪除[版主回覆01/07/2010 09:11:00]咁又冇喎! 就係因為佢病, 所以先至要睇住佢呀, 因為佢時不時轉身, 又驚佢整走個被袋再冷到呀(你話吖, 個被袋都比佢整走左, 都唔知佢點瞓架!)!
最近天氣成日很反常,要多些留意軒軒呀!
回覆刪除[版主回覆01/07/2010 09:11:00]你都係呀, 就嚟生喇, 千祈唔好有事, 如果唔係坐月就麻煩架喇!
我想話你知，帶mask係冇用架，上次我都係同熙熙一齊病，只可以等一齊好返咋!
回覆刪除[版主回覆01/07/2010 09:12:00]好! 唯有一斉等日出啦!
退咗燒未呀?
回覆刪除[版主回覆01/07/2010 12:52:00]嗰晚去完睇醫生番嚟, 都已經冇左燒喇, 而家要keep住食消炎藥囉!
咁你仲有無事呀?
回覆刪除[版主回覆01/07/2010 14:38:00]dr都唔知開左d咩藥比我食, 我食左就好high, 成日就係到 fly~~~~
應該係食咗興奮劑
回覆刪除