我想問下你, 小小你有冇卦住我呀.........?

自從睇唔過梓祐個乞E同老豆, 係FB到講左D說話明示暗示話佢地之後, 我都冇上過佢屋企睇梓祐喇, 而且見梓祐嘅次數, 10隻手指都數得出, 因為嗰兩條仆街講到明唔再歡迎我上去, 咁雖然嫲嫲叫我唔使理佢地, 但係我塊面皮唔係好似個乞衣咁九仗厚, 一D都唔知醜囉!

不過就算我唔想去, 之前間中我都有打比梓祐, 但係呢個友仔, 真係唔知仲咩咁驚個乞E, 連同我講個電話都好驚, 所以而家都已經好少喇!

講真, 真係都幾心酸, 因為自從梓祐個亞媽(即係我表妹)係佢兩歲幾走左之後, 我一直都好出力、好用心咁去睇住梓祐, 我簡直當左佢係仔一樣, 嗰陣時, 連我老公都唔鐘意, 但係而家, 梓祐好似已經唔係好記得我, 一個電話都冇打過比我!

其實梓祐個性格, 我好清楚, 就算好似之前我同佢老豆個關係好好嗰時, 佢都唔會主動去搵我, 甚至乎我同梓祐去JUSCO, 明明前面就係佢老豆做嘢嘅地方, 佢個衰仔, 都可以唔想搵佢老豆, 莫不關心咁, 因為呢D就係佢本身嘅性格! 有次聽收音機講, 一個小朋友係一至三歲呢段時間係好重要, 因為如果個小朋友缺乏父/母愛, 咁呢個小朋友第日大個, 對人就會好冷莫, 有心事都唔會同人分享, 只會收埋自己, 一聲吞左佢! 而梓祐, 就係咁, 所以由佢睇住佢亞媽走出門口嗰一刻, 呢個小朋友就變成咁樣.........

好可憐! 真係好可憐! 雖然我唔可以比一樣嘅母愛佢, 但係我好錫佢, 教佢讀書 、寫字、做人道理, 所以我比左好多好多我自己嘅愛比佢, 不過, 可惜佢唔係我親生仔!

好多人之前都已經同我講過, 佢唔係我親生仔, 所以就算付出左咁多, 第日佢唔會有回報！............回報? 我從來都冇諗過會有回報, 我只係想佢第日大個, 記得我, 得閑搵下我, 見下我, ........不過可惜, 我而家都未老, 佢都已經冇搵我!

所以我而家有時諗起呢樣嘢, 我就會喊左出嚟, 因為對我真係好 hurt..........