滕滕, 真係好驚!

尋日滕滕都係冇改善, 一見到老公, 就周身唔安落, 我叫老公揸住支奶, 等佢餵, 諗住都冇得走雞, 但係滕滕就寧願唔食, 都唔要支奶, 咁你話幾大獲呢!

到左凌晨三點幾, 滕滕無啦啦叫左幾聲, 跟住就唔瞓, 爬過嚟我床邊, 叫我! 我見佢醒左, 咁我就抱佢, 拍佢幾下, 諗住抱番佢瞓啦, 點不知放左佢落床之後, 佢合埋眼幾秘, 跟住就即刻睇下我係唔係到, 跟住又再同埋, 跟住又睇下我又係唔係到, 如事者幾次都係咁, 所以我即刻抱番佢, 等佢再瞓冧D, 再放番佢落床, 不過, 要幾次, 佢先至可以冇再醒!

不過, 四點幾佢又係咁, 我覺得佢好似好驚咁, 因為唔會半夜三更咁醒瞓, 硬係好似覺得佢好似好驚咁,難以入睡, 所以最終我放左係我隔離, 同我一斉瞓, 跟住, 就瞓到今朝!

尋晚因為老公要去上堂, 所以九點幾先番, 咁八點幾我就開隻碟比滕滕睇, 想分散佢注意咁就去沖涼, 不過, 係我沖涼其間, 沖幾耐, 佢就喊幾耐!

唉! 睇嚟今日真係要去燒下衣紙喇!