滕滕夜晚踢被真係攪到我頭都暈埋, 睡袋就已經用左, 被都包埋, 但係都係成條蟲咁退左出嚟, 一晚幾次, 有時就扒左係到瞓, 瞓到半夜, 又要張佢反番轉.....唉!
有件褸一直都冇幾會著, 因為件褸唔係穿腳, 要放係車仔到先啱用, 但係天氣咁凍, 出街就好少用車仔, 寧願重d都揹住佢, 等佢暖d, 所以呢件唔穿腳又有帽嘅褸, 今日比我攪掂左佢, 就係張佢改頭換面喇!
本身呢件褸係有帽同埋衫腳係縫死左架, 我就張腳位嗰樹拆晒d線, 跟住就張頂帽剪左出嚟!
剪左頂帽出嚟之後, 我就縫埋條領, 縫完之後, 居然好似一條小企領喎 
仲要好似原裝咁呀, 整完之後, 自己再睇下, 都頂自己唔順, 笑左出嚟, 點解自己好似咁勁咁嘅
今晚滕滕飲完奶, 瞓覺嗰時, 就同佢著左呢件愛的睡衣喇, 跟住佢半夜又冇醒, 我又冇醒, 大家都舒服晒!
不過, 滕滕就好似慘左小小, 因為佢連瞓覺都係一隻肥糭呀, 真係動彈不得!!!
我都覺得你好勁呀!haha....
回覆刪除我見到隻雞雞呀, 而家係邊個玩呀?
[版主回覆01/14/2010 09:18:00]睇見件衫, 我自己都好有滿足感呀, wahahahahaaaaaa!
同埋, 我就會諗到: "慈母手中線, 遊子身上衣!" 呢句典故! 因為又覺得亞媽好偉大呀 ~
隻雞雞滕滕耐唔耐就會攞出嚟咬下, 唔知佢遲d會唔會以為真係可以食得嘅呢, 因為我成日同佢唱: 打開雪柜, 打開雪柜, 有隻雞, 有隻雞, 快d攞把刀嚟.............
wakaka...你仲係度自我陶醉緊...
回覆刪除個個細佬都鐘意咬, 熙熙鐘意咬雞翼!你連歌都改埋呀!掂呀!
[版主回覆01/14/2010 23:03:00]成日都醉醉地先好架嘛, 做人咁清醒, 邊樹得嚟開心架!
你好叻架啫
回覆刪除[版主回覆01/15/2010 11:27:00]我係.......一個萬能俠! 未生, 我老公都已經當左我係!