新嘅一年, 首先報告一下業績先!
由2009年3月14日~2009年12月31日, 滕滕進餐如下:
我起身番工(06:45), 佢就無啦啦又要跟住起身..........
EARLY BREAKFAST: 奶奶.......共260cc(9安)
LUNCH: 早上10:15, 食粥仔, 足一碗
TEA: 下午 14:15, 飲奶 260cc....
DINNER: 黃昏 18:00, again一碗粥仔
宵夜: 奶奶, 260cc again!
支奶已經爆左, 如果唔夠飲, 係唔係要再開多支, 如果夜晚嗰餐, 應該係開定先, 定係飲完先, 如果開d先, d水溫要好準確, 因為飲完第一支, 就接住第二支, 咁第二支嘅溫度就要調得好好. 但係如果等佢飲完第一支先開第二支, 滕滕就會好似痴左線咁, 係到叫喇!!!
所以, 請問有冇d奶樽係再大個d架???? 不如, 一係比支 1.25公升裝住吖???
其實滕滕係唔係痴左線呢? 而家先得嗰9個半月, 就已經成支奶, 如果大人飲左咁多水都飽啦, 何況佢係bb!!!
滕滕~ 你好喇喎, 係唔係想食左我隻車先?!
佢好似仲食得多過一個成人喎，洗唔洗問下醫生專業意見呀?
回覆刪除[版主回覆01/05/2010 15:56:00]如果佢唔食夠, 佢係會嘈架; 不過, 滕滕咁"唔長肉", 段估佢都唔會係生蟲卦.......
第一次留言~~ 我家b仔係6個月果陣,已經要食10oz喇,我買奶粉都買到驚呀,而家食3餐飯仔先減返食9oz奶咋~ avent有12oz既奶樽架
回覆刪除[版主回覆01/05/2010 16:06:00]avent 我都有考慮過......因為奶樽一年到就要換, 如果換左avent就冇咁多配件!
不過因為而家用緊嗰個樽, 有排氣管, 排氣會好d, 所以15/16.....15/16.......
其實你唔應該再用奶瓶~你求期買返個大水瓶~可能會好好多~嘻嘻~
回覆刪除所以話~"thin"bb呢個名係好啱佢~
[版主回覆01/06/2010 12:32:00]不如叫佢做大隻佬好似好d!
佢都十個月大la，駛咩用排氣管奶樽呀??? 學吓用杯囉...而家係咪自己拎住食唔駛姐姐餵架???
回覆刪除其實大大吓佢會食多固體的食物架，奶其實keep住9oz都差不多la.....
[版主回覆01/06/2010 10:00:00]用有排氣管嘅奶樽, 就更係想佢唔好飲咁多風啦, 我知滕滕個呼叫系統已經成熟過以前好多, 但係, 如果可以唔好飲咁多風落肚到, 就更係好d啦, 更何又唔係我去洗奶樽, 又怕咩先?!
我想問下, 如果我想開始煮爛飯比佢食, 可以煮/加d咩餸呢?
你係咪晒命呀, 滕滕食得咪好囉, 熙熙罐奶粉, 而家2個禮拜都未食晒呀, 之前一個禮拜一罐架!
回覆刪除[版主回覆01/06/2010 12:32:00]星期一我地去上堂, 我地問左個護士, 佢話bb唔肯飲奶就尤得佢, 唔好免強佢! 佢話如果熙熙肯食糊仔, 就用奶開糊仔比佢食囉, 唔好迫佢喎~
同埋, 個護士話, 可能你而家比左d好有味道嘅嘢比熙熙食(你煮左d咩粥仔, 咁好味呀 ?!), 所以佢而家飲奶, 就覺得冇咩味, 所以就唔肯食喇!
冇呀, 都係D普通粥仔, 一種蔬菜架一種肉囉, 冇落鹽&油架, 係佢唔肯食99我先加多一種蔬菜俾佢, 等佢D便便暢通D咋!
回覆刪除點迫個衰仔呀, 支99一埋咀, 佢就即刻"木"起個咀, c都唔肯打開個口呀!好羨慕你呀, 個仔咁食得!熙熙幾時先可以食到260呢???
[版主回覆01/07/2010 09:19:00]滕滕係我個肚到, 就已經不停咁食嘢, 可能係咁, 所以佢出左世都好大食!
你慢慢嚟啦, 或者再試下比d好味d嘅奶粉比佢試下啦, 可能佢會飲呢?! 有冇試過明冶呀, 明冶雖然係貴d, 但係個個媽媽話明冶 d 味道好濃架, 好多bb飲過都唔肯飲其他架! 睇下有冇散裝(呢 for 出街方便嗰種呢)買, 如果有, 就試下啦!
又或者試下比個杯佢自己揸住飲吖?!
可能係喎, 我陀住熙熙時, 咩都唔食得呀!
回覆刪除我俾咗A+佢試, 佢都係一啖都唔飲, 佢真係厭奶囉, 佢尋日終於喊住搵99食喇!但我唔俾佢食咁多, 吊吓佢條癮先!
我怕佢太易得到, 會唔珍惜呀!
杯我俾緊佢試喇, 但佢而家都係鐘意擲多個啜囉!
[版主回覆01/07/2010 12:21:00]你唔好攪錯喎, 係滕滕係我個肚嗰時, 係我不停咁食嘢(唔係因為我想), 而係我想佢肥d, 所以我自己安排自己食嘢! 如果唔係, 我點會陀住佢時, 差唔多重左成50磅吖!