等左咁耐, 終於都等到喇!

星期四朝早見到我細佬, 我問佢, 佢老婆之前嗰日搵我仲乜,因為我唔得閑聽電話! OH, 原來佢地想搵我地星期六食飯!

食飯?! 係真唔係真呀?! 因為佢兩個好忙, 所以一聽到佢地話星期六食飯, 咁我一番到公司, 就第一時間打比契妹, 問佢想唔想一斉食, 因為我真係有成好多個月冇見過廷懿(我細佬個囡), 真係好想好想見佢! 好彩契妹可以就到, 所以下午就變左同契妹食, 夜晚就同細佬食!

今晚一見到廷懿, 佢大個囡左好多呀, 仲好可愛潻! 我話抱佢, 佢話好, 我同佢講嘢, 佢又對住我笑, 嗱, 呢D有反應, 先好玩架嘛, 邊好似滕滕同佢老豆一樣, 要warm up 咁煩架!