今日約左奶奶飲茶, 可能因為呢排老爺唔係好妥, 咁佢就入少左嚟睇滕滕, 所以滕滕一比佢抱, 就即刻大喊, 仲要係豪哭! 可能因為又係陌生地方, 又少見左嫲嫲, 所以老公見佢喊成咁, 就已經抱番起佢!
不過, 老公雖然抱番起佢, 不過, 滕滕都唔要佢! 仲要係到爭扎, 死都要過嚟我到, 仲要攬到我好實, 好實!
哈哈哈哈, 當其時個moment, 我就忍唔住笑左出嚟, 跟住仲講左: 底死! 個囝唔要你 
老公之前仲好口嚮咁話唔怕個囝跟個工人都唔跟佢! 唔怕! 唔怕! 睇下你而家見到個囝都唔要你喇, 你幾無奈吖! 等你成日係屋企只係上網! 玩就只係同佢玩一陣吖嗱! 我晚晚都同佢玩, 晚晚都餵佢飲奶架, 我放棄我鐘意嘅電視, 我放棄瞓覺, 晨咁早餵佢飲奶, 你估我做d 嘢白費架!
今日, 睇見佢個樣, 真係好無奈, 應該食左個好酸好酸嘅檸檬, 因為佢應該知道, 我個心之前有幾酸喇卦!
抵佢c喇, 我都好想快D見到我老公個心酸樣呀!
回覆刪除[版主回覆01/17/2010 23:56:00]所以我第一時間, 已經忍唔住講: 底死, 個囝唔要你!
我可以幻想到你老公有幾無奈，有幾hurt，哈哈哈哈
回覆刪除[版主回覆01/18/2010 10:22:00]所以往後嘅日子, 就要睇佢做唔做化喇!
如果佢真係想個囝跟佢, 努力就一定係架啦!
不過我想問...當時個工人姐姐係唔係到?
回覆刪除[版主回覆01/18/2010 10:42:00]唔係到呀! 佢尋日放假呀!
同埋呢兩日, 我都自己湊番個囝, 就算個工人係到, 我都唔使佢理, 所以暫時嚟講, 滕滕好似痴左我多d(好似係, 定係我自己幻想?! 我都未知住!)!