今朝老公十點幾打嚟, 第一句就問我仲咩唔叫佢起身! 因為佢今日架車要攪過戶, 約左人十點, 但係十點幾起身先攪份 cover note, 攪左成半個鐘都仲未有, 跟住十一點幾就打嚟嘈, 問我點解個printer 點解print 唔到嘢, 係到發我難渣! 正嗰佢打電話嚟嗰時, 老闆就入左嚟搵我, 咁我就更係同我老公講, 唔講住, 老闆搵我啦! 頂, 佢居然話"咁又點!"
無嘢嘛, "咁又點!", 佢遲左起身, 攪到咁晏, 居然搵我嚟發皮四喎, 不過好彩咁啱老闆有電話, 就行番入去自己房聽電話喇! 不過, 因為呢句 "咁又點" 就攪到我扯火, 即刻鬧我老公, 我同老公係對話之間, 我發現我老闆冇關佢隻房門, 所以我一cut完我老公電話之後, 我行去老闆房繼續我地要講嘅嘢! 不過, 第一句, 老闆就問我仲咩事咁火, 咁我就同佢講番我點解咁滾, 講完之後, 我老闆居然話我唔啱, 咁大聲話個老公! 佢話更係老公為上啦, 只要我同佢yup 一yup手, 佢就知道我要講電話, 有咩都一陣先講喎!
唔係嘛老闆, 我係公司, 咁就更係以公事為先啦, 有咩理由叫我以老公為先架!!! 公事唔大過私事?! 如果私人事有緊要嘢就更係為先啦, 佢而家嘈個printer 冇墨都要以佢為先, 唔係呀化!
p.s. 老闆仲要笑住咁講, 話我次次鬧人都好多理由喎!!! 喂, 更係有理由先鬧人架嘛, 冇理由, 鬧咩人呀!!!
你老闆比個落台楷你呀，傻豬
回覆刪除[版主回覆01/28/2010 11:55:00]吓, 佢叫我唔好鬧個老公喎, 以老公為先喎, 同埋佢仲話第日老公打電話嚟, 都講左私人電話先, 跟住先再講公事喎..........
咁佢都係想你平熄怒火啫，不過你老公又係嘅，printer無ink又係係唔啱，唔知醒又係你錯，唔好咁嬲喇，小心多一條白頭髮呀
回覆刪除[版主回覆01/28/2010 12:20:00]我尋日cut左佢線之後, 就sent左個msn比佢, 話佢好過份, 話佢自己遲左起身就係到發我難渣, 問佢係唔係以為大乜晒! 佢知道自己唔啱架, 跟住就sent番個msn比我, 話佢唔係發我難渣, 而係因為佢次次print 嘢個print都冇墨喎!
咁係吖嘛, 冇奶油咁架嘛, 自己心情唔好就以為自己大撚晒, 咁如果係咁, 我又發喇!
咁佢有無氹返你呀?
回覆刪除[版主回覆01/28/2010 14:06:00]佢尋日五點幾打比我, 我冇聽佢電話, 跟住佢尋晚放工番嚟, 我都瞓左, 不過佢臨瞓前就係我耳邊講左一句, 就係: 老婆, 你真係好麻鬼煩架!
跟住今朝我起身, 佢就扮冇嘢咁想攬住我, 不過我就即刻同佢講: "我未同你fd番喎, 你唔好係到扮冇嘢!" 跟住佢就係到笑, 我就出左門口, 冇理佢喇!
我都費事彩佢, 黑人憎, 成日係到賴皮!
罰佢跪玻璃
回覆刪除[版主回覆01/28/2010 14:41:00]罰佢跪玻璃咁 so?!
等佢以後唔會再發你爛渣
回覆刪除[版主回覆01/28/2010 14:55:00]佢發小嘅, 我可以明白佢, 但係今次實過太過份喇, 所以跪玻璃實在太so佢喇!