呢幾日, 老公不停咁 OT, 一更接住一更, 我都已經同佢講, 嚟緊呢次轉更唔好再OT喇, 因為我同滕滕兩個都病緊, 佢都好易lai嘢架, 話口都未完, 今朝佢放工番嚟瞓醒左, 就問我邊到有得睇醫生! 唉, 一家三口, 個個都病左喇, 而家就睇下個工人可以頂到幾耐!
今日煲左糖水, 係嘆緊呢個moment, 我就問老公一個問題, 就係: 你見到滕滕唔舒服嗰時, 望住個工人要佢抱, 咁會唔會呷醋呢? 老公二話不說就答我 "唔會!, 因為佢始終都會知, 我係佢daddy!" 但係, 如果當滕滕要個工人都唔要你喎? 點解我 feel 到咁hurt 嘅?
老公話, 佢始終有一日都知道邊個係佢daddy & mammy 啦, 而家唔知, 佢遲早都知啦! 因為佢係我地個囝嘛!
係! 而家唔知, 佢遲早都知, 咁, 要等到幾時? 一年? 兩年? or 三年呢? 吓, 唔係卦???!!!
男人唔同女人架，我老公覺得BB 挨埋去姐姐到係無問題… 因為姐姐對佢嘅時間長過我哋喎… BB 唔係佢陀唔係佢生，佢梗係唔覺有問題嘞 不過我同事 (女同事) 話， BB 到咗 兩歲右左就知邊個係媽咪喎，雖然係咁話，但個心一啲都唔好受，所以我每逄放工及星期六日，我都唔駛姐姐掂我個女，試咗一輪個女見到我都會响姐姐身上挨埋去我到，你試下吖﹐都WORK 架
回覆刪除[版主回覆01/12/2010 09:45:00]呀~ 都係呀! 我一屋企, 就叫個工人唔好理、唔好掂! 因為有時個囝喊, 佢就走埋嚟話抱佢, 當時我都好唔鐘意架, 我個心諗, 你估你抱佢就即刻得咩! 所以有時我都話同個工人講唔使喇!
.......不過, 有時沖下涼, 去下廁所, 都在所難免, 不過, 我以後盡量都避免一下!
多謝你嘅意見 !