好辛苦!!! 點解滕滕而家只係讀N班, 就咁多功課"比我做"呀!!!
我開始覺得有壓力喇! 冇幾耐之前, 已經開始話要影D相, 比滕滕帶番學校去做咩分享, 之前話要影D杯, 碗之類, 跟住又再要影牙刷, 匙羹, 水樽, 今個星期就要影下sofa, 電視, 枱, 椅! 好彩公司有color printer 咋, 如果唔係, 下下都要出去晒, 我仲唔死比你睇呀!
上兩個星期, 就無啦啦整本咩"我的行動承諾", 要去做"實踐行動"喎! 個個星期都要mark滕滕ok 唔ok!
呢個星期, 又無啦啦整本"護齒記錄手冊", 呢本仲大獲, 要day day mark!
請問, 有冇咁多嘢攪呀?! 我明白, 學校都係想家長一同幫手, 但係原本係冇壓力嘅情況下, 有時都想偷下懶架嘛, 而家, 係強迫性嘅情況下要日日做, 咁即係想偷下都唔得啦!
唔方唔精彩喇, 而且好有壓迫感呀!!!
真係好多野 wor~
回覆刪除你今年報左幾多間幼稚園呀? 會唔會轉?
[版主回覆10/31/2011 11:46:32]我今年只係報我樓下嗰間咋, 如果唔得, 就繼續係啟思囉!
其他嗰d我又唔知好唔好, 只係知我樓下嗰間好多西人老師, 淨係呢個point, 我都流晒口水喇!
係咪間間幼稚園都係咁架?
回覆刪除[版主回覆11/01/2011 12:59:25]我冇問人呀, 我唔知喎.............
我都聽孖女媽咪講過, d功課係考d大人.....
回覆刪除[版主回覆11/02/2011 12:24:03]咁都唔使咁快比功課我地做嘛! 我比滕滕讀N班, 都係想佢番學校玩, 唔想係屋企九流流架咋!
咪係囉! 鬼咁多嘢攪. 我得閒D又要走去借書做閱讀報告, N班已經咁辛苦, 幾時先去到小學呀!?
回覆刪除[版主回覆11/02/2011 22:54:35]你唔好嚇我喎, 要去借書做閱讀報告!!! 真誇張!!!
我依家果間屋村幼稚園, 無野做。咁耐只係要搵張阿仔 bb 相炸。唔到級數, 有唔同要求 ga!
回覆刪除[版主回覆11/02/2011 22:55:44]我而家開始明白, 佢地番學, 唔淨只只係佢地學囉, 我地都要一斉同步呀!